Yeremia 31:34 - An Bibel Kernewek 20234 (Kernewek Kemmyn)

³⁴ Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Yeremia 31:34 ပူးပေါင်းရင်းမြစ်များ

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

Salmow 25:7

Na borth kov a beghosow ow yowynkneth, na'm kammweyth; herwydh dha dregeredh porth kov ahanav, A Arloedh, a-barth dha dhader.

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 29:24

An re a wander yn spyrys a dheu dhe gonvedhes, ha'n re a grodhvol a dhegemmer dyskans.

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Ysay 33:24

Ny lever annedhyas, ‘My yw klav’; kammweyth an bobel trigys ynni a vydh gevys.

Ysay 33:6

Ev a vydh fyrvder dha dermynyow, rychys a selwyans, furneth ha skentoleth; own an Arloedh yw y dresor.

Ysay 38:17

Otta rag les y feu dhymm hwerowder; mes ty re withas ow enev dhiworth an pytt a dhistruans, rag ty re dewlis oll ow feghosow a-dryv dha geyn.

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Ysay 52:6

Rakhenna ow fobel a wra aswonn ow hanow; rakhenna y'n jydh na i a woer my dhe vos neb a gews; awottavy.

Ysay 54:13

Oll dha vebyon a vydh dyskys gans an Arloedh, ha meur vydh kres dha fleghes.

Yeremia 24:7

Ha my a re kolonn dhedha dhe'm aswonn, ow bos an Arloedh; hag i a vydh ow fobel, ha my a vydh aga Duw, rag i a dhehwel dhymm gans oll aga holonn.

Yeremia 32:40

My a wra kevambos bys vykken gansa, nevra dhe gildenna a wul da dhedha; ha my a worr own yn aga holonn ma na dreylyons a-dhiworthiv.

Yeremia 33:8

My a's glanha a'ga hammhynseth oll may peghsons er ow fynn ha gul treuspass er ow fynn.

Yeremia 50:20

Y'n dydhyow na hag y'n termyn na, yn-medh an Arloedh, anewnder Ysrael a vydh hwithrys ha ny vydh nagonan; ha peghosow Yuda, ha ny vydh kevys nagonan; rag my a av an re a wrav aga gasa.

Yeremia 9:23

Yndellma y lever an Arloedh: Na esewgh an den fur dhe vostya yn y furneth, na na esewgh an den krev dhe vostya yn y grevder, na na esewgh an den rych dhe vostya yn y rychys:

Hosea 2:20

My a wra ambos dhe'th temmedhi yn lenduri, hag ena ty a aswonn an Arloedh.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Mika 7:19

Ev a gemmer truedh ahanan arta, ha trettya agan drogoberow yn-dann y dreys. Ty a dewl agan peghosow oll yn downder an mor.

Habakkuk 2:14

Rag lenwys vydh an nor gans godhvos golewder an Arloedh, dell worher an dowrow an mor.

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Luk 1:77

dhe ri skians a selwyans dh'y bobel yn dehwelyans aga feghosow,

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Yowann 17:6

‘My re dhiskwedhas dha hanow dhe'n dus a resys dhymm yn-mes a'n bys. Dhiso jy yth ens, ha ty a's ros dhymm, hag i re withas dha er.

Yowann 6:45

Skrifys yw y'n brofoesi, “Hag i oll a vydh dyskys gans Duw.” Seul a woslow orth an Tas ha dyski anodho, a dheu dhymmo vy.

Oberow 10:43

Dhe hemma, oll an brofoesi a dhustuni, kemmys a grysso ynno dhe dhegemmeres dehwelyans peghosow der y hanow.’

2 Korinthianys 2:10

Lemmyn, dhe neb a evowgh neppyth, my ynwedh a'n gwra; rag mar kwrugavy gava neppyth, my ynwedh re'n gavas ragowgh hwi yn golok Krist,

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Efesianys 1:7

yn neb y'gan beus daspren der y woes, gevyans peghosow, war-lergh rychys y ras

1 Thessalonianys 4:9

A-dro dhe gerensa a'n vreder, ny'gas beus edhomm my dhe skrifa dhywgh, rag hwi re beu dyskys gans Duw dhe gara an eyl y gila,

Ebrowyon 5:12

Rag kyn talvia dhywgh bos dyskadoryon erbynn an termyn ma, edhomm a'gas beus nebonan dhe dhyski dhywgh an kynsa elvennow a lavarow Duw. Edhomm a'gas beus a leth, yn le boes kales;

Ebrowyon 8:11

Ha ny wrons i dyski pub huni y gentrevek po pub huni y vroder, ow leverel, “Aswonn an Arloedh”, rag pubonan a wra ow aswonn, a'n lyha anedha dhe'n moyha.

Ebrowyon 8:12

Rag my a vydh tregeredhus a'ga drogoberow, ha ny wrav perthi kov namoy a'ga feghosow.’

1 Yowann 2:20

Mes hwi a'gas beus untyans gans an Sans, ha hwi a woer pup-tra.

1 Yowann 2:27

Mes an untyans re gevsowgh ganso a drig ynnowgh ha ny'gas beus edhomm a dhyskans gans denvyth: mes par dell wra an keth untyans ma agas dyski a-dro dhe bup-tra, ha'n untyans yw gwir, ha nyns yw gow, trigewgh ynno, dell re'gas dyskas.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

1 Samuel 2:12

Lemmyn mebyon Eli o mebyon Belial; ny aswonnens an Arloedh.