Yeremia 31:32 - An Bibel Kernewek 20234 (Kernewek Kemmyn)

³² Ny vydh avel an kevambos a wrug gans aga thasow, y'n jydh ma's kemmeris der aga leuv dh'aga dri yn-mes a bow Ejyp – kevambos a dorrsons, kynth en gour dhedha, yn-medh an Arloedh.

Yeremia 31:32 ပူးပေါင်းရင်းမြစ်များ

Dewteronomi 5:3

Ny wrug an Arloedh an kevambos ma gans agan tasow, mes genen ni, ni neb usi omma hedhyw, ni oll yn few.

Dewteronomi 1:31

hag y'n gwylvos, le may hwelsys fatell wrug an Arloedh dha Dhuw dha dhoen, dell dheg den y vab, dres oll an fordh a gerdhsowgh bys pan dheuthewgh y'n tyller ma.

Eksodus 19:5

Lemmyn ytho, mars owgh gostydh dhe'm lev ha gwitha ow hevambos, hwi a vydh ow ferghennogeth arbennik ow honan yn mysk poblow oll; rag oll an nor yw dhymm,

Ezekiel 16:8

Ena my a dremenas dresos ha mires, hag otta, drehedhys veus dhe'n oes a gerensa. Ytho my a lesas ow lostenn warnas ha kudha dha noethedh, ha my a dos ti dhis, hag entra yn kevambos genes, yn-medh an Arloedh Duw, ha ty a dheuth ha bos dhymm.

Yowann 3:29

Ev neb a gyv an briesvyrgh yw an gour pries; mes koweth an gour pries neb a sev ha goslowes orto a lowenha yn feur drefenn lev an gour pries. Ytho an lowena ma usi dhymmo vy yw kollenwys.

Hosea 3:1

Ena an Arloedh a leveris dhymm arta, ‘Ke, kar benyn yw kares kentrevek, hag avoutres, kepar ha kerensa an Arloedh orth mebyon Ysrael, kyn treylyons dhe dhuwow erell, ha kara tesennow-grappys.’

Yeremia 3:14

Treylyewgh, hwi fleghes dislen, yn-medh an Arloedh, rag my re'gas demmedhis: my a'gas kemmer, onan a sita, ha dew a deylu, ha my a'gas dre dhe Sion:

Levitikus 26:15

mar skonyowgh ow ordenansow, ha mar kwra agas enev kasa ow breusow, ma na wryllowgh ow gorhemmynnow oll, mes terri ow hevambos,

Ebrowyon 8:9

dihaval dhe'n kevambos a wrug gans aga thasow y'n jydh ma's kemmeris er an dhorn ha'ga hembronk yn-mes a bow Ejyp; rag ny drigsons y'm kevambos hag yndella ny wrug vri anedha, yn-medh an Arloedh.

2 Korinthianys 11:2

Avi a'm beus ragowgh, gans avi Duw, drefenn my dh'agas dedhewi dhe unn gour, rag agas profya avel gwyrghes pur dhe Grist,

Mark 8:23

Hag ev a gemmeras an den dall er an leuv, ha'y hembronk mes a'n dre; ha wosa ev dhe drewa war y dhewlagas, ha gorra y dhiwla warnodho, ev a wovynnas orto, ‘A welydh tra?’

Hosea 11:1

Pan veu Ysrael flogh my a'n karas, hag yn-mes a Ejyp my a elwis ow mab.

Hosea 2:2

Kuhudhewgh agas mamm, kuhudhewgh: rag nyns yw hi ow gwreg, ha nyns ov vy hy gour. Kemmeres hi hy dijastita mes a'y golok, ha'y avoutri dhiworth hy diwvronn,

Ezekiel 23:4

Aga henwyn o Ohola an kottha, hag Oholiba hy hwoer. Yth esens dhymm, hag i a dhineythis mebyon ha myrghes. Yndella yw aga henwyn: Samaria yw Ohola, ha Yerusalem yw Oholiba.

Ezekiel 20:37

My a wra dhywgh tremena yn-dann an welenn, ha my a'gas dre yn kolm an kevambos.

Yeremia 34:14

‘Dhe benn seyth blydhen livrewgh peub y vroder ebrow re beu gwerthys dhis ha'th servya hwegh blydhen; ty a'n liver ahanas.’ Mes ny woslowas agas tasow orthiv, na treylya aga skovarn dhymm.

Yeremia 31:1

Dhe'n keth termyn, yn-medh an Arloedh, my a vydh Duw oll teyluyow Ysrael, hag i a vydh ow fobel.

Yeremia 22:9

Ena i a worthyp, Drefenn i dhe asa kevambos an Arloedh aga Duw ha gordhya duwow erell, ha'ga servya.

Yeremia 2:2

Ke ha kria yn skovornow Yerusalem, ow leverel, Yndellma y lever an Arloedh: My a berth kov ahanas, lelder dha yowynkneth, dha gerensa avel benyn bries nowydh, pan ythys war ow lergh y'n gwylvos, yn tir na veu gonedhys.

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Ysay 41:13

Rag my, an Arloedh, yw dha Dhuw a syns dha dhorn dhyghow; neb a lever dhis, ‘Na borth own, my a'th weres.’

Ysay 24:5

An nor yw defolys yn-dann y annedhysi; rag i re gammdremenas erbynn an laghys, ha chanjya an ordenans; i re dorras an kevambos a dhur bys vykken.

An Gan a Ganow 8:5

Piw yw hemma, ow tos yn-bann dhiworth an gwylvos, ow poesa war hy haradow? Yn-dann an avalenn my a'th wrug dhe dhifuna; ena dha vamm a'th tineythis, ena yth esa hi yn lavur neb a'th omdhuk.

Salmow 73:23

Byttegyns yth esov vy prest genes; ty re'm synsis er ow leuv dhyghow.

1 Myghternedh 8:9

Nyns esa travyth y'n argh marnas an dhew legh a veyn re worras Moyses ena yn Horeb, le may hwrug an Arloedh kevambos gans fleghes Ysrael, pan dheuthons yn-mes a bow Ejyp.

Dewteronomi 31:16

Ha'n Arloedh a leveris dhe Moyses, ‘Otta, ty a gosk gans dha dasow, ha'n bobel ma a dhrehav ha horya war-lergh duwow astranj an tir mayth ons dhi yn aga mysk. I a'm forsak ha terri ow hevambos a wrugavy gansa.

Dewteronomi 29:1

An re ma yw geryow an kevambos a worhemmynnis an Arloedh dhe Moyses dh'y wul gans mebyon Ysrael yn pow Moab, dres an kevambos a wrug gansa orth Horeb.

Dewteronomi 29:21

An Arloedh a'n diberth rag drog dhiworth oll loethow Ysrael, herwydh oll mollothow an kevambos usi skrifys y'n lyver ma a'n lagha.

Dewteronomi 5:2

An Arloedh agan Duw a wrug genen kevambos orth Horeb.

Yeremia 11:4

a worhemmynnis dh'agas tasow y'n jydh ma's dres yn-mes a bow Ejyp, a-dhiworth an fornes-horn, ow leverel, Klewewgh ow lev, ha gwrewgh pup-tra a worhemmynnav. Yndella hwi a vydh ow fobel ha my a vydh agas Duw:

Yeremia 34:13

Yndellma y lever an Arloedh, Duw Ysrael: My a wrug kevambos gans agas tasow y'n jydh ma's dres yn-mes a bow Ejyp, yn-mes a'n ji a gethneth, ow leverel,

Eksodus 32:8

i re dreylyas a-denewen yn uskis a'n fordh a worhemmynnis dhedha; i re wrug dhedha leugh teudh, ha'y wordhya ha sakrifia dhodho, ha leverel, “An re ma yw dha dhuwow, A Ysrael, a'th tros yn-mes a bow Ejyp.” ’

Dewteronomi 29:24

Oll an kenedhlow a lever, ‘Prag y hwrug an Arloedh yndella dhe'n tir ma? Pandr'a styr poethter an sorr bras ma?’

Dewteronomi 31:20

Rag wosa my dh'aga dri dhe'n tir a des dh'aga thasow, a dhinwa leth ha mel, hag i a dheber ha bos gwalghys, ha tew, ena i a dreyl dhe dhuwow erell ha'ga servya; i a'm dispres, ha terri ow hevambos.

Salmow 78:37

Rag nyns o aga holonn fast ganso, ha nyns ens i len yn y gevambos.

Yeremia 11:3

Lavar dhedha: Yndellma y lever an Arloedh, Duw Ysrael; Milliges re bo an gour nag yw gostydh dhe eryow an kevambos ma,

Oberow 23:19

An tribun, orth y gemmeras er an leuv a-denewen yn privedh, a wovynnas, ‘Pyth eus dhis dhe dherivas dhymm?’