Yeremia 31:31 - An Bibel Kernewek 20234 (Kernewek Kemmyn)

³¹ Otta, an dydhyow a dheu, yn-medh an Arloedh, pan wrav kevambos nowydh gans chi Ysrael ha chi Yuda.

Yeremia 31:31 ပူးပေါင်းရင်းမြစ်များ

Ysay 59:21

Ha hemm yw ow hevambos a wrav gansa, yn-medh an Arloedh: ow Spyrys usi warnas ha'm geryow re worris yn dha anow ny dhiberth a'th anow nag a anow dha has, nag a anow has dha has, yn-medh an Arloedh, alemma rag ha bys vykken.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Yeremia 30:3

Rag, otta, an dydhyow a dheu, yn-medh an Arloedh may treylav kethneth ow fobel Ysrael ha Yuda, yn-medh an Arloedh, ha my a's dre arta dhe'n tir a res dh'aga thasow, hag i a's pew.

Yeremia 31:27

Otta, yma an dydhyow ow tos, yn-medh an Arloedh pan hasav chi Ysrael ha chi Yuda gans has den ha has enyval.

Yeremia 32:40

My a wra kevambos bys vykken gansa, nevra dhe gildenna a wul da dhedha; ha my a worr own yn aga holonn ma na dreylyons a-dhiworthiv.

Ezekiel 37:26

My a wra gansa kevambos kres; y fydh kevambos gansa bys vykken. My a's fastyav ha'ga moghhe, ha my a worr ow sentri yn aga mysk bys vynnari.

Amos 9:13

Otta dydhyow ow tos, yn-medh an Arloedh, may teu an aradror nes dhe'n myser, ha trettyer an grappys dhe haser an has; ha'n menydhyow a dhinwa sugen grappys, ha teudhi a wra an brennow oll.

Matthew 26:28

rag hemm yw ow goes a'n kevambos nowydh yw skoellys rag lies dhe dhehwelyans peghosow.

Mark 14:24

Hag ev a leveris dhedha, ‘Hemm yw ow goes a'n kevambos nowydh yw skoellys rag lies.

Luk 22:20

Hag yn keth vaner an hanaf wosa i dhe dhybri, ow leverel, ‘An hanaf ma yw an kevambos nowydh y'm goes vy, yw skoellys a-barth dhywgh.

1 Korinthianys 11:25

Keffrys y'n keth vaner an hanaf, wosa soper, ow leverel, ‘An hanaf ma yw an kevambos nowydh y'm goes vy; gwrewgh hemma, peskweyth ma'n yffowgh, yn kovadh ahanav vy.’

2 Korinthianys 3:6

neb a'gan gwrug gwiw dhe vos menystrys a gevambos nowydh, a-der a lytherenn mes a spyrys; rag an lytherenn a ladh, mes an spyrys a vewha.

Galatianys 6:16

Ha kemmys a gerdh war-lergh an rewl ma, re bo kres warnedha ha tregeredh, ha war Ysrael Duw.

Dewteronomi 29:14

Nyns yw unnsel genowgh hwi y hwrav vy an kevambos ma ha'n volleth ma,

Filippianys 3:3

Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

Ebrowyon 7:12

Rag pan vo chanj yn oferyaseth, yma res a janj y'n lagha ynwedh.

Ebrowyon 9:15

Yndella ev yw mayn an kevambos nowydh, may hwrello an re yw gelwys degemmeres an eretons ambosys bys vykken, a-ban mernans dhe hwarvos rag aga daspren a'n peghadow yn-dann an kynsa kevambos.