Yeremia 31:28 - An Bibel Kernewek 20234 (Kernewek Kemmyn)

²⁸ Ha kepar dell withis warnedha dhe dhiwreydhya, ha dhe dewlel dhe'n dor, yndella y hwithav warnedha, dhe dhrehevel, ha dhe blansa, yn-medh an Arloedh.

Yeremia 31:28 ပူးပေါင်းရင်းမြစ်များ

Job 29:2

‘A pen vy kepar hag y'n misyow tremenys, kepar hag y'n dydhyow pan witha Duw warnav,

Salmow 102:16

Pan dhrehav an Arloedh Sion, y hwelir ev yn y wolewder.

Salmow 147:2

An Arloedh a dhrehav Yerusalem; ev a guntell war-barth divresow Ysrael.

Salmow 69:35

Rag Duw a selow Sion, ha drehevel sitys Yuda; hag i a drig ena ha'y ferghenna.

Yeremia 1:10

Mir, my re'th apoyntyas hedhyw war an kenedhlow ha war an gwlaskordhow, dhe dhiwreydhya, ha dhe derri dhe'n dor, dhe dhistrui, ha dhe dhiswul; dhe dhrehevel ha dhe blansa.’

Yeremia 1:12

Ena an Arloedh a leveris dhymm, ‘Ty re welas yn ta: rag my a wra goelyas war ow ger dh'y wrythya.’

Yeremia 24:6

Rag my a sett ow golok warnedha rag da, ha my a's dre arta dhe'n tir ma. My a's drehav, ha ny's tennav dhe'n dor; my a'ga flans, ha ny's diwreydhyav.

Yeremia 32:41

My a lowenha ow kul da dhedha, ha my a's plans y'n tir ma yn sur, gans oll ow holonn ha gans oll ow enev.

Yeremia 32:42

Rag yndellma y lever an Arloedh: Par dell dhres oll an drogedh meur ma war an bobel ma, yn kettellma my a dhre warnedha oll an da a ambosis dhedha.

Yeremia 42:10

Mar trigowgh y'n tir ma, ena my a'gas drehav, a-der agas tenna dhe'n leur; my a'gas plans ha ny'gas diwreydhyav; rag edrek a'm beus a'n anfeusi a wrug dhywgh.

Yeremia 44:27

Otta, my a with warnedha rag drog a-der dader; pub gour a Yuda usi yn pow Ejyp a vydh distruys gans an kledha ha gans an divoetter, bys pan vo diwedh anedha.

Yeremia 45:4

Yndellma y leverydh dhodho, ‘Yndellma y lever an Arloedh: Otta, my a dhistru an pyth a dhrehevis, ha diwreydhya an pyth a blensis – henn yw, an tir oll.

Ezekiel 19:12

Mes hi a veu diwreydhys yn sorr, ha tewlys dhe'n dor; gwyns an est a's desyghas; hy frut a veu destryppys, hy garr grev a wedhras; tan a's dybris.

Ezekiel 36:10

My a ynkress tus warnowgh, oll chi Ysrael kowal; ha'n sitys a vydh annedhys, ha'n magoryow a vydh dastrehevys.

Daniel 9:14

Yndella an Arloedh a woelyas, ow hwilas chons dhe dhri an droglamm warnan; rag gwiryon yw an Arloedh agan Duw yn y weythresow oll, ha ny woslowsyn orth y lev.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Amos 9:14

Ha my a dreyl kethneth ow fobel Ysrael, hag i a dhastrehav an sitys dhibobel ha triga ynna; i a blans gwinlannow hag eva aga gwin, hag i a wra lowarthyow ha dybri aga frut.

Zekaria 8:14

Yndellma y lever Arloedh an luyow: Par dell erviris dri drog warnowgh hwi pan wrug agas tasow ow serri, ha ny'm beu piteth, yn-medh Arloedh an luyow,

Zekaria 8:15

yn kettella my a erviras gul mas arta y'n dydhyow ma dhe Yerusalem ha dhe ji Yuda. Na berthewgh dout.

Oberow 15:16

“Wosa an taklow ma, my a dhehwel ha dastrehevel tylda Davydh re goedhas, ha my a dhastrehav y vagoryow ha'y dhaswul,

Dewteronomi 30:9

An Arloedh dha Dhuw a wra dhis seweni yn pub ober a'th leuv, yn frut dha gorf, yn frut dha jatel hag yn frut dha dir rag da; rag an Arloedh dha Dhuw a lowenha ynnos arta rag da, kepar dell lowenhas yn dha dasow,