Yeremia 31:25 - An Bibel Kernewek 20234 (Kernewek Kemmyn)

²⁵ Rag my re walghas an enev skwith, ha pub enev ahwerek my a dhaslenow.

Yeremia 31:25 ပူးပေါင်းရင်းမြစ်များ

Salmow 107:9

Rag ev a re lowr dhe'n enev syghesik, hag ev a lenow a dhader an enev nownek.

Salmow 23:3

Ev a wra dhe'm enev dasvewa. Ev a'm hembronk yn hynsyow ewnder a-barth y hanow ev.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Ysay 40:29

Ev a re nerth dhe'n re wann, ha dhe neb na'n jeves galloes ev a voghha nerth.

Ysay 41:17

Pan hwila an voghosogyon ha'n edhommogyon dowr, ha nyns eus banna, ha krin yw aga thaves gans syghes, my an Arloedh a worthyp dhedha, my, Duw Ysrael, ny's gasav.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Yeremia 31:14

Ha my a lenow enev an oferysi gans blonek ha'm pobel a vydh gwalghys gans ow dader, yn-medh an Arloedh.

Ezekiel 34:14

My a's mag yn peurva dha, ha war venydhyow ughel Ysrael y fydh aga frasow. I a wrowedh yn peurva dha, hag yn prasow rych i a vydh megys war venydhyow Ysrael.

Matthew 11:28

Dewgh dhymmo vy oll hwi yw skwithys ha beghys poes, ha my a re powes dhywgh.

Matthew 5:6

‘Gwynn aga bys an re a berth nown ha syghes ow yeuni war-lergh ewnder, rag i a vydh lenwys.

Luk 1:53

Ev re lenwis an re nownek a bythow da, ha'n dus rych ev re dhannvonas dhe-ves gwag.

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

2 Korinthianys 7:6

Mes Duw, neb a gonfort an re uvel, a'gan konfortyas dre dhevedhyans Titus;