Yeremia 31:20 - An Bibel Kernewek 20234 (Kernewek Kemmyn)

²⁰ Yw Efraym ow mab ker? Yw ev flogh may ma delit dhymm ynno? Rag a-ban gewsis er y bynn my a berth kov anodho hwath. Ytho ow holodhyon a veu movys ragdho; yn sur y kemmerav truedh anodho, yn-medh an Arloedh.

Yeremia 31:20 ပူးပေါင်းရင်းမြစ်များ

Jenesis 43:30

Ha Yosep a fistenas, rag movyes veu y golodhyon drefenn y vroder, hag ev a vynnas oela; hag ev eth a-ji dhe'n chambour hag oela ena.

1 Myghternedh 3:26

Mes an venyn, ha dhedhi an mab bew, a leveris dhe'n myghtern – drefenn piteth rag hy mab dhe leski ynni – ‘Mar pleg, ow arloedh, ro dhedhi an maw bew; yn tevri na'n ladh!’ Ha'y ben a leveris, ‘Ny vydh ev na dhymm na dhis; rann e.’

Salmow 103:13

Avel tas a gemmer truedh a'y fleghes, yndellma an Arloedh a gemmer truedh a'n re a berth own anodho.

Lavarow Koth 3:12

rag neb a wra an Arloedh y gara, ev a'n reprev, dell wra an tas an mab ynno may kyv delit.

An Gan a Ganow 5:4

Ow haradow a worras y leuv dre doll an klykket, ha'm torr a veu movyes ganso.

Ysay 16:11

Rakhenna ow holodhyon a hanas avel sowtri rag Moab, ha'm kolonn rag Kir-heres.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Ysay 63:15

Mir dhiworth nev, ha gwel dhiworth trigva ughel dha sansoleth ha'th glori. Ple'ma dha dhiwysykter ha'th krevder, amovyans dha golodhyon ha'th truedh? Skonys yns dhymm.

Yeremia 3:12

Ke ha deklar an geryow ma dhe'n gogledh, ha leverel, Dehwel ty Ysrael dhislel, yn-medh an Arloedh; ny wrav ow sorr dhe goedha warnas: rag tregeredhus ov, yn-medh an Arloedh, ha ny withav sorr bys vykken.

Yeremia 3:19

Mes my a leveris, Fatell wrav vy dha worra yn mysk ow mebyon, ha ri dhis tir plegadow, an tekka ertach a'n kenedhlow oll? Ha my a leveris, Ty a'm galow, Ow thas; ha ny dreylydh arta ahanav.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Yeremia 48:36

Ytho ow holonn a gyn rag Moab avel pibow, hag ow holonn a sen avel pibow rag gwer Kir-heres; rag an rychys re gavsons yw gyllys.

Kynvannow 3:22

Yn hwir, ny fyll tregeredhow an Arloedh, ha nyns yw y druedhow gorfennys.

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Hosea 14:4

My a wra aga sawya dhiworth aga dislelder, ha'ga hara heb ahwer, rag ow sorr re dreylyas anodho.

Levitikus 26:44

Mes yn despit dhe henna oll, pan vons yn tir aga eskerens, ny wrav aga skonya, na'ga aborrya, dh'aga diswul yn tien ha terri ow hevambos gansa; rag an Arloedh aga Duw ov vy.

Luk 15:24

rag ow mab ma o marow ha re vewas arta; kellys o, ha trovys yw.” Hag i a dhallathas goelya.

Luk 15:32

Mes lemmyn res yw ni dhe vos lowen ha heudhik; rag dha vroder ma a veu marow ha re vewas arta; kellys o, ha trovys yw.” ’

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

Filippianys 1:8

Rag Duw yw ow thest fatell yeunav ragowgh hwi oll yn kolodhyon Krist Yesu.

Breusysi 10:16

Yndella i a bellhas an duwow estren yn-mes anedha hag a servyas an Arloedh; ha ny allas ev perthi poenvos Ysrael na fella.