Yeremia 31:15 - An Bibel Kernewek 20234 (Kernewek Kemmyn)

¹⁵ Yndellma y lever an Arloedh: Lev yw klewys yn Rama, kynvann hag oelva hwerow. Yma Raghel owth oela rag hy fleghes; hi a nagh bos konfortys rag hy fleghes drefenn nag esons na fella.

Yeremia 31:15 ပူးပေါင်းရင်းမြစ်များ

Jenesis 35:19

Ha Raghel a verwis hag a veu ynkleudhys y'n fordh dhe Efrath, henn yw Bethlehem.

Jenesis 37:35

Hag oll y vebyon hag oll y vyrghes a sevis rag y gonfortya mes ev a skonyas a vos konfortys, hag ev a leveris, ‘My a vynn mos yn-nans dhe'n bedh dhe'm mab, ow kyni.’ Ha'y das a oelas ragdho.

Jenesis 42:13

Hag i a leveris, ‘Dewdhek broder yw dha wesyon, mebyon unn gour yn pow Kanan, hag awotta, yma'n yowynka gans agan tas hedhyw, hag onan ahanan ny vew namoy.’

Jenesis 42:36

Hag yn-medh Yakob aga thas dhedha, ‘Hwi re gemmeras dhe-ves ow fleghes. Nyns usi Yosep namoy; nyns usi Simeon namoy, ha hwi a vynn kemmeres Benyamin. Er ow fynn yw oll an taklow ma.’

Jenesis 5:24

Hag Enok a gerdhas gans Duw ha ny veu moy, rag Duw a'n kemmeras.

Job 7:21

Prag na evydh ow threuspass ha kemmeres dhe-ves ow hammweyth? Rag lemmyn my a wrowedh y'n doust; ty a'm hwila mes ny vydhav ena.’

Salmow 37:36

Mes my a dremenas hag otta, nyns esa ol anodho; my a'n hwilas, ha nyns o kevys.

Salmow 77:2

Yn dydh ow anken my a hwilas an Arloedh; ow leuv o ystynnys y'n nos, ha nyns o skwith; ow enev a skonyas a gavoes hebaska.

Ysay 10:29

Ev re dremenas an bolgh, yn Geba ev a wodrigas dres nos; Rama a gren, Gibea a Sowl re fias.

Ysay 22:4

Rakhenna my a leveris, Mirewgh dhe-ves dhiworthiv, my a oel yn hwerow. Na assayewgh ow honfortya drefenn terroes myrgh ow fobel.

Yeremia 10:20

Ow thylda yw diswrys, hag oll ow herdyn yw terrys: ow fleghes yw gyllys ahanav, ha nyns esons namoy: nyns eus nagonan dhe lesa ow thylda namoy, na dhe sevel ow kroglennow.

Yeremia 40:1

An ger hag a dheuth dhe Yeremia a-dhiworth an Arloedh wosa Nebuzaradan kapten an withysi y asa dhe vos a-dhiworth Rama, pan y'n kemmeras yn kadonyow gans oll kethyon Yerusalem ha Yuda esa ow pos divres dhe Babylon.

Kynvannow 5:7

Agan tasow re beghas, ny vewons hwath; ni re beu beghys gans aga drogoberow.

Ezekiel 2:10

Ena ev a's lesas a-ragov; yth esa skrif war hy dew denewen, ha skrifys warnedhi yth esa galargan ha kynvann ha guw.

Yoshua 18:25

Yth esa ynwedh Gibeon, Rama, Beeroth,

Breusysi 4:5

Hi a esedha yn-dann balm Debora yntra Rama ha Bethel yn bro venydhyek Efraym, ha mebyon Ysrael a dho dhedhi rag breus.

1 Samuel 7:17

Ena ev a dhehweli dhe Rama, rag yth esa y ji ena; hag ena ev a vreusi Ysrael; hag ev a dhrehevis ena alter dhe'n Arloedh.