Yeremia 31:12 - An Bibel Kernewek 20234 (Kernewek Kemmyn)

¹² Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Yeremia 31:12 ပူးပေါင်းရင်းမြစ်များ

Salmow 130:4

Mes yma gevyans genes jy, ytho ty yw ownys.

Ysay 1:30

Rag hwi a vydh avel derebinthenn gwedhrys hy del, hag avel lowarth heb dowr.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Ysay 52:8

Lev dha withysi: i a dhrehav aga lev; war-barth i a gan gans joy, rag i a wel lagas dhe lagas dehwelyans an Arloedh dhe Sion.

Ysay 58:11

An Arloedh a'th hembronk prest, ha sostena dha enev yn tylleryow sygh ha krevhe dha eskern. Ty a vydh avel lowarth dowrhes, hag avel fenten dowr ma na fyll hy dowrow.

Ysay 60:20

Ny sedh dha howl byth moy, na ny leha dha loer; ha diwedha a wra dydhyow dha gynvann; an Arloedh a vydh dhis golow bys vykken, ha dydhyow dha gynvann a dheu dhe dhiwedh.

Ysay 65:19

My a lowenha yn Yerusalem ha bos heudhik y'm pobel; ny vydh klewys son oelva ynni, na son kri rag gweres na fella.

Yeremia 3:14

Treylyewgh, hwi fleghes dislen, yn-medh an Arloedh, rag my re'gas demmedhis: my a'gas kemmer, onan a sita, ha dew a deylu, ha my a'gas dre dhe Sion:

Yeremia 31:24

Hag y fydh trigys yn Yuda y honan hag oll y sitys, gonedhogyon ha'n re a wander gans flokkys.

Yeremia 31:25

Rag my re walghas an enev skwith, ha pub enev ahwerek my a dhaslenow.

Yeremia 31:4

Arta my a'th trehav, ha ty a vydh drehevys, A wyrghes Ysrael! ty a vydh tekhes arta gans dha dabourigow, ha mos yn-rag yn dons an re lowen.

Yeremia 31:6

Rag y fydh dydh pan elow an woelyadoryon war vro venydhyek Efraym: ‘Sevewgh, ha deun yn-bann dhe Sion, dhe'n Arloedh agan Duw.’

Yeremia 31:7

Rag yndellma y lever an Arloedh: Kenewgh gans lowena rag Yakob, ha drehevewgh garmow rag chyf an kenedhlow; gwarnyewgh, gormelewgh, ha leverel, ‘A Arloedh, saw dha bobel, remenant Ysrael.’

Yeremia 32:15

Rag yndellma y lever Arloedh an luyow, Duw Ysrael: Chiow ha parkow ha gwinlannow a vydh prenys arta y'n tir ma.

Yeremia 33:12

Yndellma y lever Arloedh an luyow: Arta y'n tyller ma hag yw ynyal, heb den na best, hag yn oll y sitys, y fydh peurva rag bugeledh dhe ri powes dh'aga flokkys.

Yeremia 33:13

Yn sitys an vro venydhyek, hag yn sitys an Shefela, hag yn sitys an Negeb, yn pow Benyamin, hag y'n tylleryow a-dro dhe Yerusalem, hag yn sitys Yuda, an flokkys a dremen arta yn-dann leuv an den a's niver, yn-medh an Arloedh.

Ezekiel 17:23

Yn ughella menydh Ysrael my a'n plans, may hallo dri yn-mes skorrennow ha doen frut, ha dos ha bos kederwydhenn vryntin, ha pub par edhen a drig yn-danno, ha pub par kreatur askellek a drig yn skeus y skorrennow.

Ezekiel 20:40

Rag war ow menydh sans, war venydh ughel Ysrael, yn-medh an Arloedh Duw, oll chi Ysrael, i oll, a wra ow servya ena y'n tir; eno my a wra aga degemmeres. Ena my a vynn orthowgh agas offrynnow ha'n gwella a'gas sakrifisow gans oll agas taklow sans.

Ezekiel 34:14

My a's mag yn peurva dha, ha war venydhyow ughel Ysrael y fydh aga frasow. I a wrowedh yn peurva dha, hag yn prasow rych i a vydh megys war venydhyow Ysrael.

Ezekiel 36:30

My a voghha froeth an gwydh hag askorr an gwel, ma na berthowgh arta skorn an kenedhlow drefenn divoetter.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Yoel 3:18

Y'n jydh na an menydhyow a dhever gans sugen grappys, an breow a dhinwa leth resek a wra oll goverow Yuda gans dowr. Fenten a dheu yn-mes dhiworth chi an Arloedh ha dowra nans Shittim.

Haggay 2:19

Usi an has y'n skiber hwath? Ha ny dhaskorras na hwath an gwinbrenn, an figbrenn, an greunaval na'n olewbrenn. Mes dhiworth an jydh ma my a'gas bennik.

Zekaria 8:12

An has a wra tevi yn kres, an gwinbrenn a re y frut, an tir a re y drevas, ha'n nevow a re aga gluth. My a re oll an taklow ma avel eretons rag remenant an bobel ma.

Yowann 16:22

Hag ytho, hwi a'gas beus tristyns lemmyn; mes my a'gas gwel arta, ha'gas kolonn a lowenha, ha'gas lowena ny wra denvyth hy hemmeres dhiworthowgh.

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

Diskwedhyans 21:4

Hag ev a sygh pub dagrenn dhiworth aga dewlagas, ha ny vydh ankow namoy, na ny vydh keudh, nag oela, nag anken namoy, rag bos an kynsa taklow tremenys.’

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’