Yeremia 31:11 - An Bibel Kernewek 20234 (Kernewek Kemmyn)

¹¹ Rag an Arloedh re dhasprenas Yakob, ha'y dhelivra a leuv re grev ragdho.

Yeremia 31:11 ပူးပေါင်းရင်းမြစ်များ

Salmow 142:6

Goslow dhe'm garm; rag yth ov vy dres pur isel. Gwra ow delivra dhiworth ow helghysi, rag kreffa yns i agesov.

Eksodus 15:16

own hag euth a goedh warnedha; drefenn meuredh dha vregh, i yw kosel avel men, erna dremenno dha bobel, A Arloedh, erna dremenno dha bobel re brensys.

Ysay 44:23

Kenewgh, A nevow, rag an Arloedh re'n gwrug, germewgh, A dhownderyow an norvys; germewgh gans joy, A venydhyow, An goeswik ha pub gwydhenn eus ynno! Rag an Arloedh re dhasprenas Yakob, hag ev a vydh glorifiys yn Ysrael.

Ysay 48:20

Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Ysay 49:24

A yllir kemmeres preydh a-dhiworth kasor, po a yll kethyon turant bos sawys?

Ysay 49:25

Mes yndellma y lever an Arloedh: Kethyon a vydh kemmerys dhiworth breselyas hogen, ha preydh turant a vydh sawys, rag my a striv gans an re a striv orthis, ha my a saw dha fleghes.

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Yeremia 15:21

Ha my a'th telirv yn-mes a leuv a'n re dhrog, ha my a'th taspren yn-mes a leuv turans.

Yeremia 50:33

Yndellma y lever Arloedh an luyow: Mebyon Ysrael ha mebyon Yuda o arweskys war-barth; hag oll a's kemmeras yn kethneth a's synsis fast ha nagha gasa dhedha mos.

Yeremia 50:34

Aga Dasprenyas yw krev; Arloedh an luyow yw y hanow. Ev a bled aga hen yn sur, may rollo powes dhe'n tir, mes ankres dhe annedhysi Babylon.

Kynvannow 3:58

Ty re bledyas, A Arloedh, kenyow ow enev, ty re dhasprenas ow bewnans.

Hosea 13:14

My a's daspren dhiworth leuv ifarn; my a's delirv dhiworth ankow. Ple'mons dha blagys, A ankow? Ple'ma dha vros, A ifarn? Truedh a vydh kudhys dhiworth ow dewlagas.

Zekaria 9:16

An Arloedh aga Duw a wra aga sawya y'n jydh na avel flokk y bobel; rag i a vydh avel meyn drudh yn kurun, ow sterenni yn y dir.

Matthew 12:29

Po fatell yll nebonan mos a-bervedh yn chi den krev ha pylla y byth mar ny wra ev kyns oll kelmi an den krev hag ena pylla y ji?

Matthew 20:28

kepar dell na dheuth Mab an den dhe vos servys mes dhe servya, ha dhe ri y vewnans avel daspren rag lies.’

Matthew 22:29

Yesu a worthybis ha leverel dhedha, ‘Kammdybi a wrewgh, drefenn na wodhowgh naneyl an skryptors na galloes Duw.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.