Yeremia 31:10 - An Bibel Kernewek 20234 (Kernewek Kemmyn)

¹⁰ Klewewgh ger an Arloedh, hwi genedhlow, ha'y dhisklerya dhe'n ynysow pell; leverewgh, ‘Ev neb a skattras Ysrael a wra y guntell, ha'y witha par dell wra an bugel y flokk.’

Yeremia 31:10 ပူးပေါင်းရင်းမြစ်များ

Jenesis 10:5

Dhiworth an re ma ynysow an kenedhlow a veu rynnys yn aga thiryow, peub war-lergh y daves, war-lergh aga theyluyow yn aga henedhlow.

Salmow 147:2

An Arloedh a dhrehav Yerusalem; ev a guntell war-barth divresow Ysrael.

Salmow 23:1

An Arloedh yw ow bugel, ny vydh esow warnav.

Salmow 72:10

Re dhrollo myghternedh Tarshish ha'n ynysow trubyt; ha myghternedh Sheba ha Seba dri rohow.

Lavarow Koth 27:23

Godhvydh yn ta studh dha flokkys; sett dha golonn war an gever a'th eus.

Ysay 24:14

I a dhrehav aga lev, ha garma gans lowena; i a gri dhiworth an howlsedhes a-dro dhe veuredh an Arloedh.

Ysay 27:12

Y'n jydh na an Arloedh a dhrush a-dhiworth kanel an Ewfrates bys yn nans Ejyp, ha hwi, mebyon Ysrael, a vydh kuntellys onan hag onan.

Ysay 40:1

Konfortyewgh, konfortyewgh ow fobel, a lever agas Duw.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 41:1

Bedhewgh tawel a-ragov, hwi ynysow; nowydhhes an poblow aga nerth, nesens i, ena kewsens i; nesyn ni war-barth rag breus.

Ysay 42:10

Kenewgh dhe'n Arloedh kan nowydh, y wormola dhiworth penn an norvys! Tarannes an mor ha pup-tra eus ynno, an arvoryow ha'ga thrigoryon.

Ysay 42:4

Ny fyll na ny vydh ev digolonnek, bys pan fastyo gwirvreus y'n norvys; ha'n arvoryow a worta y lagha.

Ysay 48:20

Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Ysay 54:7

Unn pols byghan my a'th forsakys, mes gans truedh meur my a'th kuntell.

Ysay 60:9

Rag an ynysow a'm gorta, gorholyon Tarshish yw an kynsa, dhe dhri dha vebyon a bellder, ha'ga owr ha'ga arghans gansa, rag hanow an Arloedh dha Dhuw, ha rag Sans Ysrael, rag ev re'th glorifias.

Ysay 66:19

My a sett tokyn yn aga mysk, ha dannvon re a'n dhiankoryon anedha dhe'n kenedhlow, dhe Tarshish, dhe Put, ha dhe Lud, an re a denn an warak, dhe Tubal ha Yavan, an ynysow pell, na glewsons son ahanav, na weles ow glori; hag i a dhiskler ow glori yn mysk an kenedhlow.

Yeremia 23:4

Ha my a worr bugeledh warnedha dh'aga bugelya; ha ny berthons own namoy na bos dyegrys, na fyllel, yn-medh an Arloedh.

Yeremia 25:22

hag oll myghternedh Tyr, hag oll myghternedh Sidon, ha myghternedh an ynysow usi dres an mor;

Yeremia 3:15

Ha my a re dhywgh bugeledh herwydh ow holonn, hag i a'gas mag gans godhvos ha konvedhes.

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Yeremia 50:19

My a dhri Ysrael arta dh'y beurva, hag ev a voes war Karmel hag yn Bashan, ha war vreow Efraym hag yn Gilead y nown a vydh gwalghys.

Ezekiel 11:16

Rakhenna lavar: Yndellma y lever an Arloedh Duw: Kynth y's dannvonas pell yn mysk an kenedhlow, ha'ga skattra yn mysk an gwlasow, my a vydh meneghi ragdha pols byghan y'n gwlasow may teuthons di.

Ezekiel 20:34

My a'gas dre yn-mes a'n poblow ha'gas kuntelles dhiworth an powyow le may fewgh skattrys, gans leuv grev, ha gans bregh ystynnys, ha gans sorr dinewys.

Ezekiel 34:12

Kepar dell wra bugel hwithra y flokk pan usi ev yn mysk y dheves skattrys, yndella my a hwither ow deves vy ha'ga delivra a-dhiworth oll an tylleryow mayth yns skattrys yn dydh a gommol ha tewlder tew.

Ezekiel 37:24

Ow gwas Davydh a vydh myghtern warnedha, hag y fydh unn bugel dhedha i oll. I a gerdh war-lergh ow breusow, ha gwaytyas gwitha ow ordenansow.

Ezekiel 5:10

Rakhenna tasow a dheber mebyon a-berth ynnos, ha mebyon a dheber aga thasow; ha my a wra breusow ynnos, ha skattra oll an remenant ahanas dhe oll an gwynsow.

Ezekiel 5:2

Ty a worr tressa rann anodho yn tan yn kres an sita, wosa bos gorfennys dydhyow an esedhva; ha kemmer tressa rann ha gwask gans an kledha a-dro dhe'n sita; ha tressa rann a skattrydh dhe'n gwyns, ha my a denn an kledha war aga lergh.

Daniel 11:18

Ena y hwra treylya y fas war-tu ha'n ynysow, ha kemmeres lies anedha; mes kaslewydh a worfenn y donteth, hag ev a'n pren drefenn y donteth.

Levitikus 26:33

Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.

Mika 2:12

My a'th kuntell, A Yakob, oll yn tien, my a guntell remenant Ysrael; my a's gorr war-barth avel deves Bosra, avel flokk yn kres y beurva; dasseni a wra gans tus.

Mika 4:6

Y'n jydh na, yn-medh an Arloedh, my a guntell an evredhyon ha dri war-barth an re a veu fesyes, ha'n re a wrugavy aga grevya;

Mika 5:4

Hag ev a sev, ha bugelya yn nerth an Arloedh, yn braster hanow an Arloedh y Dhuw. Hag i a drig yn sawder, rag lemmyn ev a vydh meur bys yn finweth an norvys.

Sefania 2:11

Euthyk vydh an Arloedh dhedha: rag ev a danowha oll duwow an norvys ha tus a'n gordh, peub dhiworth y le, oll ynysow an kenedhlow.

Sefania 3:19

Otta, y'n termyn na My a ober erbynn oll myns a'th arwask y'n termyn na: ha my a saw an deves klof, ha kuntell an deves skattrys; ha my a's sett rag gormel ha ger-da yn oll an broyow a'ga meth.

Zekaria 10:8

My a wra aga huntelles gans hwiban, rag my re wrug aga dasprena. I a vydh niverus kepar dell vons kyns.

Zekaria 2:6

Yn-sol! Yn-sol! Fiewgh a dir an kledh, yn-medh an Arloedh, rag my re'gas lesas avel an peswar gwyns a nev, yn-medh an Arloedh.

Zekaria 9:16

An Arloedh aga Duw a wra aga sawya y'n jydh na avel flokk y bobel; rag i a vydh avel meyn drudh yn kurun, ow sterenni yn y dir.

Luk 12:32

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.

Yowann 10:27

Ow deves a glew ow lev, ha my a's aswonn, hag i a'm siw.

Yowann 11:52

ha ny via unnsel rag an genedhel, mes rag kuntell war-barth yn onan fleghes Duw neb a veu skattrys.

Dewteronomi 30:4

Mar pe re a'th tivresow skattrys bys amal nev, alena y hwra an Arloedh dha Dhuw dha guntell hag alena y hwra dha gemmeres.

Dewteronomi 32:26

My a leveris: My a's defend dhe-ves; my a dhile aga hovadh dhiworth densys;