Yeremia 30:7 - An Bibel Kernewek 20234 (Kernewek Kemmyn)

⁷ Eghan! rag meur yw an jydh na, ma nag eus onan haval dhodho: termyn ahwer yw rag Yakob; mes ev a vydh sawys anodho.

Yeremia 30:7 ပူးပေါင်းရင်းမြစ်များ

Jenesis 32:7

Ena Yakob a borthas own bras ha troblys veu; hag ev a rannas an dus esa ganso ha'n flokkys ha'n chatel ha'n kowrvergh yn dew vagas

Salmow 25:22

Daspren Ysrael, A Dhuw, yn-mes a'y ankenyow oll.

Salmow 34:19

Meur yw ankenyow an den gwiryon, mes an Arloedh a'n delirv dhiworta oll.

Ysay 20:6

Annedhyas an arvor ma a lever y'n jydh na, “Otta hemm yw agan govenek may fisyn dhodho rag gweres, dh'agan delivra dhiworth myghtern Assyria! Ytho fatell yllyn ni skapya?” ’

Yeremia 14:8

A wovenek Ysrael, y selwador yn termyn ahwer, prag y tal dhis bos avel alyon y'n tir, hag avel tremenyas a dreyl a-denewen dhe spena an nos?

Yeremia 2:27

neb a leverel dhe wydhenn, ‘Ty yw ow thas’; ha dhe ven, ‘Ty a'm dineythis.’ Rag i re dreylyas aga heyn dhymm, a-der aga fas: mes yn termyn aga ahwer i a lever, ‘Sev, ha saw ni.’

Yeremia 2:28

Mes ple'ma dha dhuwow a wrussys dhe'th honan? Gas dhedha sevel, mar kyllons dha selwel yn termyn dha ahwer: rag war-lergh niver dha sitys yw dha dhuwow, A Yuda.

Yeremia 30:10

Ytho na borth own, ow gwas Yakob, yn-medh an Arloedh, na na vydh digolonnek, A Ysrael; rag otta, my a'th selow a bellder, ha'th has a-dhiworth tir aga hethneth; ha Yakob a dhehwel ha powes ha bos kosel, ha ny wra nagonan gorra own ynno.

Kynvannow 1:12

A ny vern travyth, oll hwi a dremen? Mirewgh, ha gweles mars eus ahwer kepar ha'm ahwer vy, a veu gorrys warnav, ma'm grevyas an Arloedh ganso yn dydh y sorr fers.

Kynvannow 2:13

Pandr'a allav y leverel a-dro dhis, pandr'a gehavalav dhis, a vyrgh Yerusalem? pandr'a gomparyav genes ma'th konfortiv, A wyrghes, myrgh Sion? Rag mar vras avel an mor yw dha derroes; piw a yll dha yaghhe?

Kynvannow 4:6

Brassa yw kessydhyans myrgh ow fobel ages an kessydhyans rag pegh Sodom, a veu domhwelys yn unn lamm, kyn na veu leuv vyth gorrys warnedhi.

Daniel 12:1

‘Ha dhe'n prys na y sev Mighal, an pryns meur neb a skoedh mebyon dha bobel; hag y fydh seson a ankres, a'n par na veu a-dhia dhalleth an genedhel bys y'n eur na. Mes y'n eur na y hwra dha bobel skapya, pub huni neb a vydh kevys skrifys y'n lyver.

Daniel 9:12

Ev re gollenwis y eryow kewsys er agan pynn, hag erbynn agan breusysi neb a'gan breusis, ow tri warnan droglamm bras, rag yn-dann oll an nevow ny veu gwrys kepar dell veu gwrys yn Yerusalem.

Hosea 1:11

Fleghes Yuda ha fleghes Ysrael a vydh kuntellys war-barth, hag apoyntya a wrons unn penn ha dos yn-bann dhiworth an tir, rag meur a vydh dydh Yezreel.

Yoel 1:15

Ellas rag an jydh! rag ogas yw dydh an Arloedh, hag avel terroes dhiworth an Ollgalloesek y teu.

Yoel 1:2

Klewewgh hemma, hwi henavogyon, ha rewgh skovarn, oll hwi annedhysi an tir. A hwarva tra a'n par ma yn agas dydhyow, po yn dydhyow agas tasow?

Yoel 2:11

Ha'n Arloedh a wra dyllo y lev a-dherag y lu, rag y gaslys yw pur vras, ha krev yw ev neb a gollenow y er. Rag meur yw dydh an Arloedh ha pur euthyk; ha piw a yll y berthi?

Yoel 2:31

An howl a vydh treylys dhe dewlder, ha'n loer dhe woes, kyns dos dydh an Arloedh, bras hag euthyk.

Mika 4:9

Ytho, prag y kriydh jy yn ughel? A nyns eus genes myghtern? A verwis dha gusulyador, ma'th synsis gloesow avel benyn ow tineythi?

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Zekaria 14:7

Y fydh unn jydh, aswonnys dhe'n Arloedh, heb naneyl dydhweyth na nosweyth, mes y fydh golow y'n gorthugher.

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

Mark 13:19

rag y'n dydhyow na y fydh anken dell na veu a dhalleth an kreasyon a wrug Duw y wruthyl, bys lemmyn, na nevra ny vydh.

Oberow 2:20

An howl a vydh treylys dhe dewlder ha'n loer dhe woes kyns dos dydh meur ha splann an Arloedh;

Romanyon 11:26

hag yndella oll Ysrael a vydh selwys, dell re beu skrifys, ‘Y teu an Delivrer yn-mes a Sion, ev a dreyl ansansoleth dhe-ves dhiworth Yakob;

Diskwedhyans 6:17

rag devedhys yw dydh meur aga sorr, ha piw a yll sevel?