Yeremia 30:24 - An Bibel Kernewek 20234 (Kernewek Kemmyn)

²⁴ Ny dreyl konnar fers an Arloedh dhe-ves bys pan gollanwo ha kowlwul towlow y golonn. Y'n dydhyow diwettha hwi a gonvedh hemma.

Yeremia 30:24 ပူးပေါင်းရင်းမြစ်များ

Jenesis 49:1

Ena Yakob a elwis y vebyon ha leverel, ‘Omguntellewgh war-barth, may hwrylliv derivas dhywgh an pyth a hwyrvydh dhywgh y'n dydhyow a dheu.

Ysay 14:24

Arloedh an luyow re dos, ow leverel: Kepar dell vynnis vy, yndella y hwer; ha kepar dell erviris, yndella y sev:

Ysay 46:11

ow kelwel edhen-breydh dhiworth an howldrevel, an gour rag ow forpos a vro bell. My re gewsis, ha my a'n kowlwra; my re dewlis, ha my a'n gwra.

Yeremia 23:19

Otta, korwyns an Arloedh! konnar res eth yn-mes, hag annawel ow troyllya: troyllya a wra war benn an debeles.

Yeremia 23:20

Ny dreyl sorr an Arloedh dhe-ves bys pan wra ev kompoesa ha kowlwul towlow y golonn. Y'n dydhyow diwettha hwi a'n konvedh yn kler.

Yeremia 4:28

Drefenn henna an nor a wra kyni, ha'n nevow a-ugh a vydh du: rag my re'n leveris, my re'n mynnas, ha ny'm bydh edrek, na ny gildennav a-dhiworto.

Yeremia 4:8

Rakhenna omwrogysewgh gans yskar, kynewgh hag oulyewgh: ‘Ny dreylyas ahanan sorr fers an Arloedh.’

Yeremia 48:47

Mes my a dreyl kethneth Moab y'n dydhyow diwettha, yn-medh an Arloedh. Bys hemma yma an varn war Moab.

Yeremia 49:37

My a worr euth yn Elam a-rag aga eskerens, hag a-rag an re a hwila aga bewnans; my a dhre anfeusi warnedha, ow sorr fers, yn-medh an Arloedh. My a dhannvon an kledha war aga lergh, bys pan wrav diwedh dhedha;

Yeremia 49:39

Mes y'n dydhyow diwettha my a dhre arta kethneth Elam, yn-medh an Arloedh.

Kynvannow 1:12

A ny vern travyth, oll hwi a dremen? Mirewgh, ha gweles mars eus ahwer kepar ha'm ahwer vy, a veu gorrys warnav, ma'm grevyas an Arloedh ganso yn dydh y sorr fers.

Ezekiel 38:16

Ty a yskynn erbynn ow fobel Ysrael kepar ha kommolenn dhe gudha an tir. Y'n dydhyow diwettha my a'th tro erbynn ow thir, rag may hwrello an kenedhlow ow aswonn, pan vydhav sanshes dredhowgh, A Gog, a-rag aga dewlagas.

Daniel 10:14

Devedhys ov rag gul dhis konvedhes an pyth a hwyrvydh dhe'th pobel yn diwedh an dydhyow, rag bos an welesigeth rag an dydhyow a dheu.’

Daniel 2:28

mes yma yn nev Duw neb a dhiskudh kevrinyow, hag ev re dherivas dhe vyghtern Nebukadnessar pandr'a hwyrvydh y'n dydhyow diwettha. Dha hunros, ha'n gwelesigethow y'th penn war dha weli, o an re ma:

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Mika 4:1

Y'n dydhyow diwettha, menydh chi an Arloedh a vydh fastys avel penn an menydhyow, hag y fydh drehevys yn-bann dres an breow, ha poblow a dheu dhodho yn fros.

Niverow 24:14

Ha lemmyn, otta, yth av dhe'm pobel; deus, my a'th warn a'n pyth a wra an bobel ma dhe'th pobel jy y'n dydhyow diwettha.’

Dewteronomi 31:29

Rag my a woer, wosa ow mernans, hwi dhe omlegri yn sur, ha treylya dhiworth an fordh a worhemmynnis dhywgh; drog a wra agas metya y'n dydhyow diwettha, drefenn hwi dhe wul drog a-wel dhe'n Arloedh, dh'y serri der ober agas diwla.’

Dewteronomi 4:30

Pan vydhydh yn ahwer, hag oll an taklow ma yw devedhys warnas y'n dydhyow diwettha, mar tehwelydh dhe'n Arloedh dha Dhuw hag obaya y lev,

1 Samuel 3:12

Y'n jydh na my a gollenow erbynn Eli pup-tra re leveris vy a-dro dh'y ji, a-dhiworth an dalleth dhe'n gorfenn.