Yeremia 30:18 - An Bibel Kernewek 20234 (Kernewek Kemmyn)

¹⁸ Yndellma y lever an Arloedh: Otta, my a dreyl kethneth tyldow Yakob, ha kemmeres tregeredh war y annedhow; ha'n sita a vydh drehevys war y grug, ha'n palys a sev yn y le ewn.

Yeremia 30:18 ပူးပေါင်းရင်းမြစ်များ

1 Kroniklys 29:1

Davydh an myghtern a leveris dhe oll an kuntelles, ‘Solomon ow mab, onan dewisys gans Duw, yw yowynk ha heb prevyans. An ober yw meur; rag ny vydh an palys rag mab-den mes rag an Arloedh Duw.

1 Kroniklys 29:19

Gront dhe Solomon ow mab kolonn berfydh dhe witha dha worhemmynnow, dha dhustuniow ha'th ordenansow, dhe wul pup-tra, ha dhe dhrehevel an palys, a wrugavy y dharbari.’

Nehemia 7:4

Lemmyn an sita o bras hag efan, mes boghes o an bobel ynni, ha ny via drehevys an chiow na hwath.

Salmow 102:13

Ty a sev ha kemmeres truedh a Sion, rag prys yw bos grassyes orti; an prys apoyntys re dheuth.

Salmow 102:14

Rag dha wesyon a gemmer plesour yn hy meyn, hag a gemmer truedh a'y doust.

Salmow 122:7

Re bo kres a-ji dhe'th fosow, ha diagha y'th lysyow.

Salmow 48:13

Merkyewgh yn ta hy fosow, prederewgh a'y balesyow, ma'n deriffowgh dhe'n henedh a dheu.

Salmow 48:3

Aswonnys yw Duw yn hy lysyow avel dinas krev.

Salmow 78:69

Hag ena ev a dhrehevis y sentri mar ughel avel an nevow, avel an nor re fastyas bynitha.

Salmow 85:1

Ty re beu grassyes, A Arloedh, orth dha dir; ty re dreylyas kethneth Yakob.

Ysay 44:26

neb a surha ger y was, hag a gowlwra kusul y gannasow; neb a gews a Yerusalem, ‘Hi a vydh annedhys’, hag a-dro dhe sitys Yuda, ‘I a vydh drehevys, ha my a dhastrehav aga magoryow’;

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Yeremia 23:3

Ha my a guntell remenant ow flokk yn-mes a'n tiryow ma's fesis ha'ga dri arta dh'aga horlann, hag i a dheg froeth ha kressya.

Yeremia 29:11

Rag my a woer an tybyansow a dybav ragowgh, yn-medh an Arloedh, tybyansow kres, a-der drogedh, dhe ri dhywgh diwedh gans govenek.

Yeremia 29:14

Ha my a'gas gas dhe'm kavoes, yn-medh an Arloedh, ha treylya agas kethneth, ha my a'gas kuntell a-dhiworth oll an kenedhlow hag oll an tylleryow ma'gas fesis, yn-medh an Arloedh, ha my a'gas dre arta dhe'n tyller ma'gas dannvenis dhiworto yn divroedh.

Yeremia 30:3

Rag, otta, an dydhyow a dheu, yn-medh an Arloedh may treylav kethneth ow fobel Ysrael ha Yuda, yn-medh an Arloedh, ha my a's dre arta dhe'n tir a res dh'aga thasow, hag i a's pew.

Yeremia 31:23

Yndellma y lever Arloedh an luyow, Duw Ysrael: I a wra devnydh a'n geryow ma arta yn pow Yuda ha'y threvow, pan y's trov arta dhiworth kethneth: ‘Re'th vennikko an Arloedh, A drigva ewnder, menydh gwiryonedh!’

Yeremia 31:38

Otta, an dydhyow a dheu, yn-medh an Arloedh, pan vydh drehevys an sita rag an Arloedh a-dhiworth tour Hananel dhe Yet an Gornell.

Yeremia 31:4

Arta my a'th trehav, ha ty a vydh drehevys, A wyrghes Ysrael! ty a vydh tekhes arta gans dha dabourigow, ha mos yn-rag yn dons an re lowen.

Yeremia 31:40

An nans oll a gorfow marow ha'n lusu, hag oll an gwelyow bys yn gover Kidron, dhe gornell Yet an Margh war-tu ha'n duryen, a vydh sans dhe'n Arloedh. Ny vydh diwreydhys na domhwelys nevra.

Yeremia 32:15

Rag yndellma y lever Arloedh an luyow, Duw Ysrael: Chiow ha parkow ha gwinlannow a vydh prenys arta y'n tir ma.

Yeremia 32:44

Parkow a vydh prenys gans arghans, ha titlow a vydh sinys ha selys ha destys, yn pow Benyamin, y'n tylleryow a-dro dhe Yerusalem, hag yn sitys Yuda, hag yn sitys an vro venydhyek, hag yn sitys an Shefela hag yn sitys an Negeb; rag my a dreyl aga hethneth, yn-medh an Arloedh.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Yeremia 33:7

Ha my a dreyl kethneth Yuda ha kethneth Ysrael ha my a's dastrehav par dell ens wor'talleth.

Yeremia 46:27

Mes ty, na vydh ownek, ow gwas Yakob, ha na vydh digolonnek, A Ysrael; rag my a'th saw a-bell, ha'th has a-dhiworth tir aga hethneth. Yakob a dhehwel ha bos yn powes hag attes, ha nagonan ny worr own ynno.

Yeremia 49:39

Mes y'n dydhyow diwettha my a dhre arta kethneth Elam, yn-medh an Arloedh.

Yeremia 49:6

Hag a-wosa my a dreyl kethneth an Ammonysi, yn-medh an Arloedh.

Ezekiel 36:11

My a ynkress warnowgh den ha best, hag i a balsha ha doen froeth; my a'gas gwra dhe vos annedhys kepar hag y'n termynyow koth, ha gul dhywgh seweni moy es kyns. Ena hwi a woer my dhe vos an Arloedh.

Amos 9:14

Ha my a dreyl kethneth ow fobel Ysrael, hag i a dhastrehav an sitys dhibobel ha triga ynna; i a blans gwinlannow hag eva aga gwin, hag i a wra lowarthyow ha dybri aga frut.

Zekaria 1:12

Hag el a'n Arloedh a worthybis, ‘Arloedh an luyow, pes termyn ny gemmerydh truedh a Yerusalem hag a sitys Yuda, may serrsys orta an deg blydhen ha tri-ugens ma?’

Zekaria 1:16

Ytho yndellma y lever an Arloedh: My a wra dehweles dhe Yerusalem gans truedh, hag ena ow chi a vydh dastrehevys, yn-medh Arloedh an luyow, ha'n gordenn-vusura a vydh ystynnys dres Yerusalem.

Zekaria 12:6

Y'n jydh na, my a wra kordhow Yuda avel pott tanek yn mysk prennyer, avel faglenn tan yn mysk manalow. I a wra devorya dhe'n dyghow ha dhe'n kledh oll an poblow y'n kyrghynn, mes Yerusalem a vydh annedhys arta yn hy thyller hi, yn Yerusalem.

Zekaria 12:7

An Arloedh a wra sawya tyldow Yuda wostalleth, rag na vo enor chi Davydh ha trigoryon Yerusalem brassa ages Yuda.

Zekaria 14:10

Oll an tir a dheu ha bos avel Araba dhiworth Geba dhe Rimmon, a'n dyghow dhe Yerusalem. Mes hi a vydh drehevys hag annedhys yn hy le, dhiworth Yet Benyamin dhe dyller an kynsa yet, dhe Yet an Gornell, ha dhiworth Tour Hananel dhe winwaskow an myghtern.