Yeremia 30:17 - An Bibel Kernewek 20234 (Kernewek Kemmyn)

¹⁷ Rag my a asver yeghes dhis, ha my a yaghha oll dha woliow, yn-medh an Arloedh, drefenn i dhe'th henwel gal, ow leverel: ‘Sion yw; denvyth ny's hwila!’

Yeremia 30:17 ပူးပေါင်းရင်းမြစ်များ

Job 5:18

Rag ev a woli, hag ev a lystenn; ev a wysk, ha'y dhiwleuv a saw.

Salmow 103:3

Neb a av dhis oll dha gammweyth, neb a yaghha oll dha glevesow,

Salmow 107:20

Ev a dhannvonas y er ha'ga sawya, ha'ga delivra dhiworth terroes.

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 142:4

Mir orth ow leuv dhyghow ha gwel, rag nyns eus denvyth a'm aswonno; skovva a fyllis dhymm, nyns eus neb a wittho ow enev.

Salmow 23:3

Ev a wra dhe'm enev dasvewa. Ev a'm hembronk yn hynsyow ewnder a-barth y hanow ev.

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Ysay 11:12

Ev a dhrehav baner rag an kenedhlow ha kuntell divresow Ysrael, ha dri war-barth an re skattrys a Yuda dhiworth peswar korn an norvys.

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Ysay 33:24

Ny lever annedhyas, ‘My yw klav’; kammweyth an bobel trigys ynni a vydh gevys.

Ysay 54:6

Rag an Arloedh re'th helwis, avel gwreg forsakys ha grevys yn spyrys, avel gwreg yowynkneth gour, pan yw hi tewlys dhe-ves, yn-medh dha Dhuw.

Ysay 56:8

Yndellma y lever an Arloedh Duw, neb a guntell an re skattrys a Ysrael: My a guntell ynwedh erell dhedha, dres an re kuntellys dhedha seulabrys.

Ysay 57:18

My re welas y fordhow, mes my a'n yaghha; my a'n hembronk hag attyli konfort dhodho,

Ysay 57:19

ow formya an frut a hebaska war dhiwweus an gynoryon. Kres, kres dhodho ev neb yw ogas, ha dhodho ev neb yw pell, yn-medh an Arloedh; ha my a'n yaghha.

Ysay 58:8

Ena dha wolow a dardh avel an bora, ha'th yaghheans a egin dihwans, ha'th ewnder a gerdh a-ragos; glori an Arloedh a vydh dha withyas dhelergh.

Ysay 60:15

Kyn feus forsakys ha kesys, heb denvyth ow tremena, my a'th kwra meuredh bys vykken, lowena a henedh dhe henedh.

Yeremia 10:20

Ow thylda yw diswrys, hag oll ow herdyn yw terrys: ow fleghes yw gyllys ahanav, ha nyns esons namoy: nyns eus nagonan dhe lesa ow thylda namoy, na dhe sevel ow kroglennow.

Yeremia 17:14

Yaghha vy, A Arloedh, ha my a vydh yaghhes; salw vy ha my a vydh selwys: rag ty yw ow gormel.

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Yeremia 30:13

Nyns eus nagonan dhe bledya dha gen, medhegneth vyth dhe'th woli, yaghheans vyth ragos.

Yeremia 33:24

A ny welsys fatell lever an bobel ma, ‘An dhew deylu dewisys gans an Arloedh re beu deneghys ganso’, ha fatell synsons ow fobel yn kemmys bismer ma na vons namoy kenedhel a-ragdha.

Yeremia 33:6

Otta, my a dhre dhedha sawment ha yaghheans; my a's saw ha diskwedhes dhedha palster a gres ha gwiryonedh.

Yeremia 8:22

A nyns eus balsam yn Gilead? a nyns eus medhek ena? Ytho prag nag eus yaghheans rag myrgh ow fobel?

Kynvannow 2:15

Oll an dremenysi a dak aga diwla orthis; i a hwiban ha shakya aga fenn orth myrgh Yerusalem; ‘Yw homma an sita a veu henwys perfydh yn tekter, ha lowena oll an nor?’

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Ezekiel 35:12

Ha ty a woer y hwrugavy, an Arloedh, klewes oll dha vlasfemiow a gewssys erbynn menydhyow Ysrael, ow leverel, ‘Wastys yns; i re beu res dhyn dhe dhevorya.’

Ezekiel 36:20

Pan dheuthons dhe'n kenedhlow, py le pynag y teuthons, i a dhisakras ow hanow sans. Leverys veu anedha, ‘An re ma yw pobel an Arloedh, hwath i res eth a-dhiworth y dir.’

Hosea 11:3

My a dhyskas dhe Efraym kerdhes, orth y gemmeres er y dhiwvregh; mes ny wodhyens my dh'aga sawya.

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

Diskwedhyans 22:2

Yn kres hy stret, hag orth pub tu a'n avon, yma gwydhenn bewnans, ow toen dewdhek trevas a frut, ow ri hy frut pub mis, hag yma del an wydhenn rag yaghheans an kenedhlow.