Yeremia 30:15 - An Bibel Kernewek 20234 (Kernewek Kemmyn)

¹⁵ Prag y kriydh drefenn dha derroes? Heb remedi yw dha bayn Drefenn bos meur dha anewnder, drefenn dha beghosow dhe ynkressya, my re wrug an traow ma dhis.

Yeremia 30:15 ပူးပေါင်းရင်းမြစ်များ

Ezra 9:13

Pup-tra eus devedhys warnan yw drefenn agan tebelwriansow, ha'gan treuspass meur, kyn hwrussys ty agan Duw agan kessydhya le es dell dhendilas agan kammweythresow, ha re ros dhyn remenant an par ma.

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Job 34:6

kynth ov ewn, breusys ov avel gowek; ny yll ow goli bos yaghhes, kynth ov heb kammweyth.”

Salmow 107:17

Re anedha o klav drefenn aga threuspass, ha drefenn aga hammweyth yth ens i pystigys.

Ysay 1:6

A wodhen an troes bys an penn, nyns eus yeghes ynno, mes brewyon, kreythennow, ha goliow podrek; ny vons glanhes na lystennys na medhelhes gans oyl.

Ysay 5:2

Ev a's palas, ha kuntell an meyn yn-mes anedhi, ha plansa ynni an gwella gwinbrennyer. Ev a dhrehevis tour y'n kres anedhi, hag ynwedh ev a droghas gwinwask ynni. Ev a waytyas grappys dhe vos gwrys, mes y hwrug grappys trenk.

Yeremia 11:13

Rag dha dhuwow re dheuth ha bos kemmys ha'th sitys, A Yuda; ha kemmys ha stretow Yerusalem yw an alteryow re dhrehevsowgh dhe'n imaj methus, alteryow rag leski offrynnow dhe Baal.

Yeremia 15:18

Prag yth yw ow dolor heb diwedh, ha'm goli yw mar dhrog ma na yll bos yaghhes? A vydhydh dhymm yn tien avel gover gowek, hag avel dowrow a fyll?

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 30:12

Rag yndellma y lever an Arloedh: Ny yll dha vrew bos yaghhes, ha'th woli yw ankensi.

Yeremia 30:14

Oll dha garoryon re'th ankovas; ny'th hwilons rag my re'th holyas gans goli eskar, gans keredh a dhen fell, drefenn bos meur dha anewnder, drefenn dha beghosow dhe ynkressya.

Yeremia 30:16

Ytho oll an re a'th tevor a vydh devorys, ha'th eskerens, peub anedha a wra mos yn divroedh; an re a'th pyll a vydh pyllys, hag oll an re a breydh warnas my a wra preydh.

Yeremia 30:17

Rag my a asver yeghes dhis, ha my a yaghha oll dha woliow, yn-medh an Arloedh, drefenn i dhe'th henwel gal, ow leverel: ‘Sion yw; denvyth ny's hwila!’

Yeremia 46:11

Ke yn-bann dhe Gilead ha kemmer balsam, A wyrghes, vyrgh Ejyp! Yn euver ty a wra devnydh a'th vedhegnethow; ny'gas beus yaghheans.

Yeremia 6:13

Rag a'n lyha anedha bys y'n meurra pubonan yw hwansek dhe wayn anewn; hag a'n profoes bys y'n oferyas pubonan a wra falsuri.

Kynvannow 1:5

Hy eskerens re dheuth ha bos penn, sewen yw hy envi, rag an Arloedh re's grevyas drefenn myns hy threuspassow; hy fleghes res eth yn kethneth a-rag an eskar.

Kynvannow 2:13

Pandr'a allav y leverel a-dro dhis, pandr'a gehavalav dhis, a vyrgh Yerusalem? pandr'a gomparyav genes ma'th konfortiv, A wyrghes, myrgh Sion? Rag mar vras avel an mor yw dha derroes; piw a yll dha yaghhe?

Kynvannow 3:39

Prag y krodhvol den bew, gour, war gessydhyans y beghes?

Kynvannow 4:13

Y feu rag pegh hy frofoesi, drefenn kammwriansow hy oferysi hag a skoell goes an dus wiryon a-berth ynni.

Mika 1:9

Rag ny yll hy goli bos yaghhes, ha re dheuth dhe Yuda, ha drehedhes dhe yet ow fobel, bys yn Yerusalem.

Mika 7:9

My a berth sorrvann an Arloedh, drefenn re beghis er y bynn, bys pan bled ow hen ha gul breus ragov. Ev a'm hembronk y'n golow; y hwelav y ewnder.

Nahum 3:19

Nyns eus sawment dhe'th pystik, heb eli yw dha vrew; myns a glew dha nowodhow a dak diwla dresos; rag piw eus, ma na dremenas warnodho dha dhroktra pub eur oll?