Yeremia 30:14 - An Bibel Kernewek 20234 (Kernewek Kemmyn)

¹⁴ Oll dha garoryon re'th ankovas; ny'th hwilons rag my re'th holyas gans goli eskar, gans keredh a dhen fell, drefenn bos meur dha anewnder, drefenn dha beghosow dhe ynkressya.

Yeremia 30:14 ပူးပေါင်းရင်းမြစ်များ

Job 16:9

Ev re'm skwardyas yn y sorr ha'm kasa; ev a dheskern y dhyns er ow fynn; ow eskar a lymm y dhewlagas warnav.

Job 19:11

Ev re enowis y sorr er ow fynn, hag ev a'm syns avel onan a'y eskerens.

Job 30:21

Ty re dreylyas yn fell er ow fynn; gans krevder dha leuv ty a omsett er ow fynn.

Salmow 107:17

Re anedha o klav drefenn aga threuspass, ha drefenn aga hammweyth yth ens i pystigys.

Ysay 57:13

Pan griydh rag gweres, gwres dha guntellow a idolys dha sawya! An gwyns a's dheg i oll dhe-ves, hag anall a's hwyth dhe-ves. Mes neb a hwila skovva ynnov vy a bew an tir, hag erita ow menydh sans.

Yeremia 14:17

Ytho ty a lever an ger ma dhedha: Diveres ow lagas dagrow yn-nans nos ha dydh, na hedhens: rag an wyrghes, myrgh ow fobel, yw gweskys gans goli meur, gans strekys pur ankensi.

Yeremia 2:36

Prag yth yw trufel y'th wolok chanjya dha fordh? Ty a' fydh meth a Ejyp ynwedh, dell y'th o meth a Assyria.

Yeremia 22:20

Yskynn bys yn Lebanon ha kri; ha drehav dha lev yn Bashan, kri a-dhiworth Abarim; rag oll dha garoryon yw distruys.

Yeremia 22:22

An gwyns a dheber oll dha vugeledh, ha dha garoryon a yn kethneth; ena ty a' fydh meth ha disenor drefenn dha dhrogedh.

Yeremia 30:15

Prag y kriydh drefenn dha derroes? Heb remedi yw dha bayn Drefenn bos meur dha anewnder, drefenn dha beghosow dhe ynkressya, my re wrug an traow ma dhis.

Yeremia 32:29

An Kaldeanys neb a omladh erbynn an sita ma a dheu ha gorra tan ynni ha'y leski, war-barth gans an chiow may feu offrynnys ynkys dhe Baal war aga thohow hag offrynnow diwes dinewys dhe dhuwow erell dhe'm provokya dhe sorr.

Yeremia 32:30

Rag ny wrug mebyon Ysrael ha mebyon Yuda marnas drogedh a-ragov a'ga yowynkneth; rag ny wrug mebyon Ysrael travyth marnas ow frovokya dhe sorr der ober aga diwleuv, yn-medh an Arloedh.

Yeremia 32:34

Mes i a sett aga thaklow kasadow y'n chi yw henwys gans ow hanow vy dh'y dhefola.

Yeremia 32:35

Hag i a dhrehevis an tylleryow ughel a Baal yn nans mab Hinnom, dhe wul dh'aga mebyon ha'ga myrghes tremena der an tan dhe Molek, kyn na worhemmynnis dhedha, na ny dheuth y'm brys may hwrellens an dra gasadow ma, ow kul dhe Yuda pegha.

Yeremia 38:22

Otta, oll an benynes yw gesys yn chi myghtern Yuda a vydh dres yn-mes dhe bennsevigyon myghtern Babylon, hag i a lever, “I re'th toellas ha'th fetha, an wer a drestsys ynna; dha dreys yw sedhys y'n leys, hag i a dreyl a-dhiworthis.”

Yeremia 4:30

Ha ty, gwastys, pandr'a wredh, owth omwiska yn kogh, owth omdakla gans tegennow owrek, ow liwa dha dhewlagas gans antimoni, yn euver yth omwredh teg; dha garoryon a'th tispres, i a hwila dha vewnans.

Yeremia 44:22

Ny ylli an Arloedh perthi na fella agas drog wriansow, ha'n taklow kasadow a wrussowgh; yndella agas tir a dheuth ha bos ynyal ha gwast ha molleth, heb annedhyas, kepar hag y'n jydh hedhyw.

Yeremia 5:5

My a wra mos dhe'n dus veur, ha kewsel orta; rag i re wodhva fordh an Arloedh, ha breus aga Duw.’ Mes i keffrys re dorras an yew, ha terri an rawyow.

Yeremia 5:6

Rakhenna lew yn-mes a'n goeswik a's ladh, ha bleydh a'n gwylvos a's diswra, lewpard a wra goelyas war aga sitys: pubonan neb a wra mos yn-mes alena a vydh skwardys dhe demmyn: drefenn aga threuspassow yw lies, ha'ga hildroyow yw moghhes.

Yeremia 50:42

I a syns an warak ha'n guw, i yw fell ha ny dhiskwedhons truedh. Aga lev a romm avel an mor; i a varghogeth war vergh, settys yn aray avel gour rag batel, er dha bynn, A vyrgh Babylon!

Yeremia 6:23

I a dhalghenn an warak ha'n guw; fell yns, ny's teves truedh; aga lev a romm kepar ha'n mor; i a varghogeth war vergh, arayys rag kas avel gwer bresel er dha bynn, A vyrgh Sion.

Kynvannow 1:19

My a grias war ow haroryon mes i a'm toellas; ow oferysi ha'm henavogyon re verwis y'n sita, hag i ow hwilas boes rag gul dh'aga enev dasvewa.

Kynvannow 1:2

Oela a wra hi truan nosweyth, ha'y dagrow war hy diwvogh; Nyns eus dhedhi konforter vyth a'y haroryon oll; Pubonan a'y howetha re's toellas, i re dheuth ha bos hy eskerens.

Kynvannow 2:1

Assa wrug an Arloedh yn y sorr dhe vyrgh Sion bos kudhys gans kommol! ev re dewlis yn-nans dhiworth nev bys yn nor an splannder a Ysrael; ny borthas ev kov a'y skavell-droes yn dydh y sorr.

Ezekiel 23:22

Rakhenna, Oholiba, yndellma y lever an Arloedh Duw: Awottavy ow movya dha gerysi er dha bynn, may treylyas dha enev dhiworta divlasys, ha my a's dre er dha bynn a bub tenewen:

Ezekiel 23:9

Rakhenna my a's ros yn leuv hy herysi, yn leuv mebyon Assyria esa hwansek dhedha.

Daniel 9:11

‘Ysrael oll re dorras dha lagha ha treylya dhe-denewen, ow nagha goslowes orth dha lev. Diverys warnan yma'n molleth ha'n ti hag yw skrifys yn lagha Moyses gwas Duw, rag ni re beghas er y bynn.

Daniel 9:13

Dell veu skrifys yn lagha Moyses, yma koedhys oll an droglamm ma warnan; mes ny dhiserrsyn tremmynn an Arloedh agan Duw, ow treylya dhiworth agan kammweyth hag ow konvedhes dha wiryonedh.

Daniel 9:5

ni re beghas ha gul drog, ha gul kammweythres, ha rebellya, ow treylya dhiworth dha worhemmynnow ha'th vreusow.

Hosea 2:5

Aga mamm a wrug avoutri, hi neb a's omdhuk re oberis yn tivlas: rag hi a leveris, ‘My a hol ow haroryon, neb a re dhymm ow bara ha'm dowr, ow gwlan ha'm lin, ow oyl ha'm diwes.’

Hosea 5:14

My a vydh avel lew dhe Efraym, hag avel lew yowynk dhe ji Yuda. My, my a wra skwardya ha mones; my a wra kemmeres, ha nagonan ny dhelirv.

Obadia 1:7

Oll dha geffrysysi a'th chasyas dhe'n oryon; an re yn kres genes re'th toellas, i re brevaylyas warnas; an re a dheber bara genes a sett maglenn yn-dannos, heb ty dh'y gonvedhes.