Yeremia 3:8 - An Bibel Kernewek 20234 (Kernewek Kemmyn)

⁸ Ha hi a welas, rag oll avoutri Ysrael dhislel, my dh'y gorra dhe-ves gans skrifenn didhemmedhyans; hwath hy hwoer draytus Yuda ny's teva own, mes hi ynwedh eth dhe horya.

Yeremia 3:8 ပူးပေါင်းရင်းမြစ်များ

2 Kroniklys 21:11

Dres henna ev a wrug tylleryow ughel yn bro venydhyek Yuda, hag a ledyas trigoryon Yerusalem yn gordhyans idolys, hag a ledyas Yuda yn sowdhan.

Ysay 50:1

Yndellma y lever an Arloedh: Ple'ma testenn torrva demmedhyans dha vamm, gensi ma's gorris dhe-ves? Po py a'm kresysoryon yw dhodho ma'th werthis vy? Otta, drefenn dha beghosow y feus gwerthys, ha rag dha dreuspassow y feu dha vamm gorrys dhe-ves.

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 3:1

Mar korr gour y wreg a-denewen, ha hi a'n gas, ha dos ha bos dhe gen gour, a wra ev dehweles dhedhi? A ny via an tir na defolys meur? Mes ty re horyas gans lies karer; hwath y fynnydh dehweles dhymm? yn-medh an Arloedh.

Yeremia 33:24

A ny welsys fatell lever an bobel ma, ‘An dhew deylu dewisys gans an Arloedh re beu deneghys ganso’, ha fatell synsons ow fobel yn kemmys bismer ma na vons namoy kenedhel a-ragdha.

Yeremia 5:7

Fatell wrav vy gava hemma dhis? Dha fleghes re'm eskasas, ha ti re dhuwow nag yw duwow mann: My a's magas dhe walgh, i a wrug avoutri, hag omguntell yn routhow dhe jiow horys.

Ezekiel 16:46

Dha hwoer gottha yw Samaria, hi ha'y myrghes neb a drig a'n barth kledh dhis; ha'th hwoer yowynka neb a drig a'n barth dhyghow dhis yw Sodom ha'y myrghes.

Ezekiel 16:47

A ny gerdhsys yn aga fordhow ha'ga thaklow kasadow? A verr spys y feus moy legrys agessa i yn oll dha fordhow.

Ezekiel 16:51

Samaria ny wrug hanter dha beghosow; ty re lieshas dha daklow kasadow moy agessa i. Ty re wrug dhe'th hwerydh bos ewnhynsek aga semlans gans oll dha daklow kasadow a wrussys.

Ezekiel 23:44

Rag i re dheuth a-ji dhedhi dell dheer dhe hora. Yndella i a dheuth a-ji dhe Ohola ha dhe Oholiba, benynes avlan.

Ezekiel 23:9

Rakhenna my a's ros yn leuv hy herysi, yn leuv mebyon Assyria esa hwansek dhedha.

Hosea 3:4

Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim.

Dewteronomi 24:1

Pan wra gour kemmeres gwreg ha'y demmedhi, ha mar ny gyv hi gras yn y wolok drefenn ev dhe gavoes ynni neppyth anwiw, hag ena ev a skrif rygdhi skrifenn didhemmedhyans ha'y worra yn hy leuv, ha'y dannvon dhiworth y ji,

Dewteronomi 24:3

ha mar kwra an diwettha gour hy hasa ha skrifa rygdhi skrifenn didhemmedhyans ha'y gorra yn hy leuv, ha'y dannvon dhiworth y ji; po mar merow an diwettha gour a's kemmeras avel gwreg,