Yeremia 3:25 - An Bibel Kernewek 20234 (Kernewek Kemmyn)

²⁵ Ni a wrowedh yn agan meth, ha'gan despit a'gan kudh: rag ni re beghas erbynn an Arloedh agan Duw, ni ha'gan tasow, a-dhia agan yowynkneth ha hwath bys y'n jydh ma, ha ny obayson lev an Arloedh agan Duw.’

Yeremia 3:25 ပူးပေါင်းရင်းမြစ်များ

Salmow 106:6

Ni re beghas gans agan tasow; ni re wrug kammweythres ha sherewneth.

Salmow 106:7

Agan tasow yn Ejyp ny gonvedhsons dha varthusyon, na perthi kov a'th tregeredh veur, mes i a rebellyas ryb an mor, ryb an Mor Rudh.

Salmow 109:29

Bedhes ow huhudhoryon gwiskys yn disenor, ha gwiskens i aga meth avel mantell.

Lavarow Koth 13:18

Boghosogneth ha meth a dheu dhe neb a skorn dyskybleth, mes neb a wra vri a geredh yw enorys.

Lavarow Koth 5:13

Ny woslowsyn orth lev ow dyskadoryon, na plegya ow skovarn dhe'n re a'm dyski.

Ysay 48:8

Naneyl ny glewsys, na ny wodhves, a'n termyn koth ny veu dha skovarn igerys; rag y hwodhyen ty dhe vos pur draytus, hag a'th enesigeth ty a veu henwys dislel.

Ysay 50:11

Mes hwi oll yw gwrioryon tan, neb a omwrogys gans yttewi. Kerdhewgh yn flamm agas tan hag yn mysk an yttewi re enowsowgh! Hemm yw an pyth a'gas bydh a'm dorn: Hwi a wrowedh yn tyller a dorment.

Yeremia 11:13

Rag dha dhuwow re dheuth ha bos kemmys ha'th sitys, A Yuda; ha kemmys ha stretow Yerusalem yw an alteryow re dhrehevsowgh dhe'n imaj methus, alteryow rag leski offrynnow dhe Baal.

Yeremia 12:13

I re hasas gwaneth, ha mysi spern: skwithys yns, mes ny wrons kavoes prow. I a gemmer meth a'ga threvasow drefenn sorr fers an Arloedh.

Yeremia 14:20

Ni a aswonn, A Arloedh, agan drogedh, kammhynseth agan tasow, rag ni re beghas er dha bynn.

Yeremia 14:7

Kyn hwra agan drogoberow doen dustuni er agan pynn, A Arloedh, gwra neppyth a-barth dha hanow; rag agan dislelder yw meur; ni re beghas er dha bynn.

Yeremia 2:17

A ny wrussys dri hemma warnas dha honan, rag ty dhe eskasa an Arloedh dha Dhuw, pan esa orth dha hembronk y'n fordh?

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 2:2

Ke ha kria yn skovornow Yerusalem, ow leverel, Yndellma y lever an Arloedh: My a berth kov ahanas, lelder dha yowynkneth, dha gerensa avel benyn bries nowydh, pan ythys war ow lergh y'n gwylvos, yn tir na veu gonedhys.

Yeremia 2:26

Dell vydh meth dhe'n ladher pan vydh kevys, yndellma y fydh meth dhe ji Ysrael: i, aga ruwyon, aga fennsevigyon, ha'ga oferysi, ha'ga frofoesi;

Yeremia 20:18

Prag y teuth vy yn-mes a'n dorr dhe weles lavur hag ahwer, ha spena ow dydhyow yn meth?

Yeremia 22:21

My a gewsis er dha bynn y'th sewena, mes ty a leveris, ‘Ny woslowav.’ Hemma re beu dha fordh a'th yowynkneth, rag ny woslewsys orth ow lev.

Yeremia 3:13

Mes unnweyth aswonn dha dhrogober, may treuspassys erbynn an Arloedh dha Dhuw, ha may resys dha honan yn hel dhe estrenyon yn-dann bub gwydhenn las, ha ny woslewsowgh orth ow lev, yn-medh an Arloedh.

Yeremia 31:19

Rag wosa my dhe dreylya, my a goedhas yn edrek, ha wosa my dhe vos dyskys, my a weskis ow mordhos; meth a'm bo ha my a veu iselhes, drefenn my dhe dhoen keredh ow yowynkneth.’

Yeremia 6:26

A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Yeremia 7:19

Yw my neb a brovoksons dhe sorr? yn-medh an Arloedh: a nyns yw i aga honan, dh'aga meth aga honan?

Yeremia 8:14

Prag yth on esedhys stag? Omguntellewgh, hag entryn y'n sitys kerys, ha merwel ena: rag an Arloedh agan Duw re'gan daskorras dhe'n mernans, ha ri dhyn dowr gwenonek dhe eva, drefenn ni dhe begha erbynn an Arloedh.

Yeremia 9:18

Gwrens i fistena, ha kemmeres yn-bann kynvann ragon, may tiverro agan lagasow gans dagrow ha may frosso kreghyn agan lagasow gans dowr.

Kynvannow 5:16

Koedhys yw an gurun dhiworth agan penn; go-ni, rag ni re beghas!

Kynvannow 5:7

Agan tasow re beghas, ny vewons hwath; ni re beu beghys gans aga drogoberow.

Ezekiel 2:3

Yn-medh ev dhymm: Mab den, my a'th tannvon dhe vebyon Ysrael, dhe genedhel a rebellys re rebellyas er ow fynn; i ha'ga thasow re wrug treuspass er ow fynn bys y'n jydh ma.

Ezekiel 36:32

Nyns yw a-barth dhywgh hwi y hwrav vy hemma, yn-medh an Arloedh Duw; bedhes hemma godhvedhys dhywgh. Kemmerewgh meth ha bos konfondys drefenn agas fara, a ji Ysrael.

Ezekiel 44:13

Ny dhons nes dhymm, dhe servya dhymm avel oferysi, na dos nes dhe oll ow thaklow sans, na dhe'n tyller an moyha sans; mes i a berth aga meth, drefenn an taklow kasadow a wrussons,

Ezekiel 7:18

I a wisk yskar, ha kren a's kudh. Meth a vydh dhe bub fas, ha moelder war oll aga fennow.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Hosea 9:10

My a gavas Ysrael, avel grappys y'n gwylvos; my a welas dha dasow, ev a veu avel an frut a-varr a'n figbrenn, y gynsa frut. Mes i a dheuth dhe Baal-peor, hag omsakra dhe'n imaj methus, hag ethons ha bos mostedhes avel an taklow kasadow a garsons.

Sefania 1:17

Ha my a dhre anken dhe'n dus may kerdhons kepar ha dellyon, rag i dhe begha erbynn an Arloedh: ha skoellys vydh aga goes kepar ha doust, ha'ga hig kepar ha kawgh.

Romanyon 6:21

Mes pana frut a'gas bo a'n taklow ma'gas beus meth anedha lemmyn? Diwedh an re na yw mernans.

Breusysi 2:2

ha hwi nevra ny wrewgh kevambos gans trigoryon an tir ma; hwi a derr dhe'n dor aga alteryow.” Mes ny obaysowgh ow lev. Prag y hwrussowgh hemma?