Yeremia 3:24 - An Bibel Kernewek 20234 (Kernewek Kemmyn)

²⁴ ‘Rag meth re dhevoryas lavur agan tasow a-dhia agan yowynkneth; aga flokkys ha'ga greow, aga mebyon ha'ga myrghes.

Yeremia 3:24 ပူးပေါင်းရင်းမြစ်များ

Yeremia 11:13

Rag dha dhuwow re dheuth ha bos kemmys ha'th sitys, A Yuda; ha kemmys ha stretow Yerusalem yw an alteryow re dhrehevsowgh dhe'n imaj methus, alteryow rag leski offrynnow dhe Baal.

Yeremia 22:21

My a gewsis er dha bynn y'th sewena, mes ty a leveris, ‘Ny woslowav.’ Hemma re beu dha fordh a'th yowynkneth, rag ny woslewsys orth ow lev.

Yeremia 44:7

Ytho lemmyn, yndellma y lever an Arloedh, Duw an luyow, Duw Ysrael: Prag y hwrewgh an drogedh meur ma er agas pynn agas honan, dhe derri yn-mes a Yuda gour ha benyn, flogh ha baban, ma na vo remenant gesys;

Yeremia 8:16

Ronkow aga mergh a veu klewys a-dhiworth Dan: orth son kryghias aga mergh krev an tir kowal a grenas; i re dheuth ha gwastya an tir, ha pup-tra eus ynno: an sita ha'n re usi trigys ynni.

Yeremia 9:18

Gwrens i fistena, ha kemmeres yn-bann kynvann ragon, may tiverro agan lagasow gans dagrow ha may frosso kreghyn agan lagasow gans dowr.

Ezekiel 16:19

Ha'm bara a res dhis, bleus fin hag olew ha mel, a res dhis dhe dhybri, ty a settyas a-ragdha rag sawer plegadow; hag yndella y feu, yn-medh an Arloedh Duw.

Ezekiel 16:20

Ty a gemmeras dha vebyon ha'th vyrghes a dhineythsys dhymmo, ha'ga sakrifia dhedha dhe dhybri. A nyns o dha fornikasyon lowr?

Ezekiel 16:61

Ena ty a berth kov a'th fordhow ha kemmeres meth pan ressevydh dha hwerydh, an re kottha agesos ha'n re yowynka agesos. My a's re dhis avel myrghes, mes ny vydh henna drefenn ow hevambos genes.

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Hosea 10:6

Ev ynwedh a vydh dres dhe Assyria avel ro dhe'n myghtern meur. Efraym a'n jevydh meth, hag Ysrael a vydh methek a'y gusul.

Hosea 2:8

Ny wodhva hi, y feu my neb a ros dhedhi an ys, ha'n gwin, ha'n oyl, ha kressya hy arghans, ha'y owr a bareussons rag Baal.

Hosea 9:10

My a gavas Ysrael, avel grappys y'n gwylvos; my a welas dha dasow, ev a veu avel an frut a-varr a'n figbrenn, y gynsa frut. Mes i a dheuth dhe Baal-peor, hag omsakra dhe'n imaj methus, hag ethons ha bos mostedhes avel an taklow kasadow a garsons.