Yeremia 3:19 - An Bibel Kernewek 20234 (Kernewek Kemmyn)

¹⁹ Mes my a leveris, Fatell wrav vy dha worra yn mysk ow mebyon, ha ri dhis tir plegadow, an tekka ertach a'n kenedhlow oll? Ha my a leveris, Ty a'm galow, Ow thas; ha ny dreylydh arta ahanav.

Yeremia 3:19 ပူးပေါင်းရင်းမြစ်များ

Salmow 106:24

Ena i a skornyas an tir teg, ha ny gryssons dh'y er ev;

Salmow 16:6

An rann re goedhas ragov yn tylleryow teg; devri yma dhymm ertach splann.

Salmow 89:26

Ev a elow warnav, “Ow thas osta jy, ow Duw, ha karrek ow selwyans.”

Lavarow Koth 3:35

An re fur a erit enor, mes an fellyon a's tevydh bismer.

Ysay 63:16

Rag ty yw agan Tas, kyn na'gan goer Abraham ha na'gan aswonn Ysrael; ty yw an Arloedh agan Tas, agan Dasprenyas vynnari yw dha hanow.

Ysay 64:8

Ha lemmyn, Arloedh, ty yw agan Tas. Ni yw an pri, ha ty yw agan priweythor; ni oll yw ober dha leuv.

Yeremia 12:10

Lies bugel re dhistruis ow gwinlann, i re drettyas ow rann yn-dann droes, i re wrug ow rann blegadow yn gwylvos ynyal.

Yeremia 3:17

Y'n termyn na i a elow Yerusalem Tron an Arloedh; hag oll an kenedhlow a vydh kuntellys dhedhi, dhe hanow an Arloedh yn Yerusalem: ha ny holyons yn hworth namoy aga thebel golonn.

Yeremia 3:4

A ny wruss'ta kria warnav nammnygen, ‘Ow Thas, ty yw koweth ow yowynkneth –

Yeremia 31:20

Yw Efraym ow mab ker? Yw ev flogh may ma delit dhymm ynno? Rag a-ban gewsis er y bynn my a berth kov anodho hwath. Ytho ow holodhyon a veu movys ragdho; yn sur y kemmerav truedh anodho, yn-medh an Arloedh.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Yeremia 5:7

Fatell wrav vy gava hemma dhis? Dha fleghes re'm eskasas, ha ti re dhuwow nag yw duwow mann: My a's magas dhe walgh, i a wrug avoutri, hag omguntell yn routhow dhe jiow horys.

Ezekiel 20:6

Y'n jydh na my a dhrehevis ow leuv dhedha ha ti, my dh'aga dri yn-mes a bow Ejyp dhe dir a aspiis ragdha, a dhinwa leth ha mel, an tekka a'n tiryow oll.

Daniel 11:16

Neb a dheu er y bynn a wra herwydh y vodh, ha den ny yll sevel a-ragdho; ev a sev y'n tir splann, gans distruyans yn y dhorn.

Daniel 11:41

Ena ev a dheu y'n tir splann, ha lies a wra trebuchya; mes an re ma a dhienk a'y dhorn: Edom ha Moab ha'n brassa rann a vebyon Ammon.

Daniel 11:45

Ev a worr tyldow y balys ynter an moryow, ha menydh sans an splannder. Mes ev a dheu dh'y dhiwedh, heb denvyth orth y weres.

Daniel 8:9

Ha dhiworth onan anedha y teuth yn-mes korn byghan, a devis dres eghenn war-tu ha'n dhyghowbarth, war-tu ha'n howldrehevel, ha war-tu ha'n tir splann.

Hosea 11:8

Fatell y'th hepkorrav, Efraym? Fatell y'th taskorrav, Ysrael? Fatell y'th wrav avel Adma? Fatell y'th hworrav avel Seboim? Ow holonn re dreylyas a-ji dhymm, oll ow thruedh re dhewis.

Galatianys 3:26

Rag yth owgh hwi oll mebyon Duw dre fydh yn Krist Yesu,

Efesianys 1:5

orth agan ragdhestna dhe vos degemmerys avel mebyon dhodho ev, dre Yesu Krist, orth bodh y vrys,

Dewteronomi 14:1

Hwi yw mebyon dhe'n Arloedh agas Duw: ny omhakkyowgh, na ny wrewgh bloghter ynter agas dewlagas rag den marow.

Ebrowyon 10:39

Mes nyns on ni a'n re a gildenn ha mos dhe goll, mes a'n re a's teves fydh ha gwitha aga enev.

1 Peder 1:17

Ha mar kelwowgh warnodho avel Tas, ev neb a vreus heb plegyans war-lergh gwrians pub den, gwrewgh spena termyn agas godrik yn own.