Yeremia 3:17 - An Bibel Kernewek 20234 (Kernewek Kemmyn)

¹⁷ Y'n termyn na i a elow Yerusalem Tron an Arloedh; hag oll an kenedhlow a vydh kuntellys dhedhi, dhe hanow an Arloedh yn Yerusalem: ha ny holyons yn hworth namoy aga thebel golonn.

Yeremia 3:17 ပူးပေါင်းရင်းမြစ်များ

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

1 Myghternedh 8:41

‘Keffrys, pan dheu estren, nag usi a'th pobel Ysrael, a dir pell drefenn dha hanow

Salmow 102:23

Ev a wannhas ow nerth war an hyns; ev a verrhas ow dydhyow.

Salmow 78:8

Ha ma na vens avel aga thasow, henedh gorth ha dislen; henedh na veu fyrv aga holonn, ha nag esa aga spyrys len gans Duw.

Salmow 87:3

Taklow gloryus a vydh kewsys ahanas, ty sita Duw. Sela.

Ysay 26:8

Yn hyns dha vreusow, ni a'th worta A Arloedh; dha hanow ha dha govadh yw hwans an enev.

Ysay 56:6

Ha mebyon an estren a jun dhe'n Arloedh dh'y servya, ha dhe gara hanow an Arloedh dhe vos servysi dhodho, pubonan a with an sabot heb y dhisakra ha synsi fast ow kevambos –

Ysay 59:19

Ytho i a berth own a hanow an Arloedh a'n howlsedhes, hag a'n howldrevel i a berth own a'y glori. Pan dheu envi avel liv, ena spyrys an Arloedh a'n fes.

Ysay 6:1

Y'n vlydhen may ferwis myghtern Uzzia, my a welas an Arloedh esedhys yn se, ughel ha drehevys, ha lostennow y bows a lenwis an tempel.

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Ysay 66:18

My a woer aga gweythyow ha'ga thybyansow, ha my a dheu dhe guntell oll an kenedhlow ha'n tavosow; hag i a dheu ha gweles ow glori.

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Yeremia 11:8

Mes ny woslowsons, na ny blegsons aga skovarn, mes i a gerdhas peub yn gorthter aga thebel golonn: ytho my a dhre warnedha oll geryow an kevambos ma, a worhemmynnis dhedha dh'y wul; mes ny wrussons.

Yeremia 12:15

Mes wosa aga fesya yn-mes, my a dhehwel ha kemmeres truedh anedha, ha'ga dri arta, peub dh'y eretons, peub dh'y dir.

Yeremia 12:16

Hag ena, mar tyskons yn tiwysyk fordhow ow fobel, dhe di ren ow hanow, ‘Dell vew an Arloedh’ par dell dhysksons ow fobel dhe di re Baal; ena i a vydh drehevys yn mysk ow fobel.

Yeremia 14:21

Na wra agan kasa, a-barth dha hanow; na dhisenor tron dha wolewder; porth kov, na dorr dha gevambos genen.

Yeremia 16:12

ha hwi re omdhug gweth ages agas tasow; rag otta, hwi a gerdh peub herwydh gorthter y golonn dhrog, ow nagha goslowes orthiv.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Yeremia 17:12

Tron gloryus, ughel a'n dallethvos yw tyller agan sentri.

Yeremia 18:12

Hag i a leveris, ‘Nyns eus govenek: ni a hol agan towlow agan honan, ha pub huni a wra herwydh gorthter y golonn dhrog.’

Yeremia 3:19

Mes my a leveris, Fatell wrav vy dha worra yn mysk ow mebyon, ha ri dhis tir plegadow, an tekka ertach a'n kenedhlow oll? Ha my a leveris, Ty a'm galow, Ow thas; ha ny dreylydh arta ahanav.

Yeremia 31:23

Yndellma y lever Arloedh an luyow, Duw Ysrael: I a wra devnydh a'n geryow ma arta yn pow Yuda ha'y threvow, pan y's trov arta dhiworth kethneth: ‘Re'th vennikko an Arloedh, A drigva ewnder, menydh gwiryonedh!’

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Yeremia 4:2

ha mar tedh ‘Dell vew an Arloedh!’ yn gwirder, yn breus, hag yn ewnder, ena an kenedhlow a omvennik ynno, ha bostya ynno.

Yeremia 7:24

Mes ny woslowsons, na ny blegsons aga skovarn, mes i a gerdhas war-lergh kusulyow ha gorthter aga holonn dhrog, ha mos war-dhelergh yn le war-rag.

Yeremia 9:14

mes kerdhes war-lergh gorthter aga holonn aga honan, ha war-lergh an Baalim, hag a dhyskas aga thasow dhedha.

Ezekiel 1:26

A-ugh an fyrmament esa a-ugh aga fennow yth esa hevelep men saffir, an hevelep a dron; ha war hevelep an tron yth esa an hevelep a dhen a-ughti.

Ezekiel 43:7

Yn-medh ev dhymm: Mab den, hemm yw tyller ow thron ha tyller godhnow ow threys may trigav ena yn mysk mebyon Ysrael bys vykken. Ny wra chi Ysrael defola ow hanow sans, naneyl i na'ga myghternedh, gans aga horyans, ha gans peulveyn aga myghternedh wosa i dhe verwel.

Ezekiel 48:35

An kompas yw etek mil. Ha hanow an sita a-dhia'n jydh na a vydh: Yma an Arloedh Ena.

Zekaria 2:11

Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.

Zekaria 8:8

My a wra aga dri, hag i a drig a-bervedh yn Yerusalem; i a vydh ow fobel, ha my a vydh aga Duw yn gwirder hag ewnder.

Niverow 15:39

hag y fydh kribell ragowgh dhe vires warnedhi ha dhe berthi kov a worhemmynnow an Arloedh, dh'aga gul, ha na holyewgh war-lergh agas kolonn agas honan na'gas dewlagas dha honan, owth horya war aga lergh.

Romanyon 1:21

rag kynth aswonnens Duw ny'n gormolens na ny aswonnens grasow dhodho avel Duw, mes euver y teuthons ha bos yn aga thybyansow ha tewlhes veu aga holonn dalsogh.

Romanyon 6:14

Rag ny'n jevydh pegh maystri warnowgh, a-ban nag esowgh yn-dann lagha mes yn-dann ras.

Galatianys 4:26

Mes an Yerusalem usi a-vann yw frank, neb yw agan mamm.

Dewteronomi 29:29

An Arloedh agan Duw a bew an taklow kudhys, mes dhyn ni yma an taklow diskudhys, ha dh'agan mebyon bys vykken, rag may hwryllyn oll geryow an lagha ma.

Breusysi 2:19

Mes pan verwis breusyas, i a dreylya war-dhelergh ha bos moy tebel es aga thasow, owth holya duwow erell, orth aga servya ha plegya dhedha. Ny wrussons gasa aga gwriansow na'ga fordhow gorth.