Yeremia 3:12 - An Bibel Kernewek 20234 (Kernewek Kemmyn)

¹² Ke ha deklar an geryow ma dhe'n gogledh, ha leverel, Dehwel ty Ysrael dhislel, yn-medh an Arloedh; ny wrav ow sorr dhe goedha warnas: rag tregeredhus ov, yn-medh an Arloedh, ha ny withav sorr bys vykken.

Yeremia 3:12 ပူးပေါင်းရင်းမြစ်များ

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Yeremia 31:20

Yw Efraym ow mab ker? Yw ev flogh may ma delit dhymm ynno? Rag a-ban gewsis er y bynn my a berth kov anodho hwath. Ytho ow holodhyon a veu movys ragdho; yn sur y kemmerav truedh anodho, yn-medh an Arloedh.

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Yeremia 3:18

Y'n dydhyow na chi Yuda a wra kerdhes gans chi Ysrael, hag i a dheu war-barth yn-mes a dir an gogledh dhe'n tir a res rag eretons dh'agas tasow.

Yeremia 30:11

Rag yth esov genes, yn-medh an Arloedh, dhe'th selwel; my a wra leun dhiwedh dhe'n kenedhlow oll le ma'th skattris, mes ny wrav leun dhiwedh ahanas. My a'th keredh yn musur ewn, ha ny'th asav yn tien ankessydhys.

Yeremia 23:8

mes ‘Dell vew an Arloedh neb a dhros ha hembronk has chi Ysrael yn-mes a dir an gogledh hag yn-mes a oll an powyow ma's fesis.’ Ena triga a wrons yn aga thir aga honan.

Yeremia 4:1

Mar tehwelydh, A Ysrael, yn-medh an Arloedh, mar tehwelydh dhymm: ha mar korrydh dha daklow kasadow yn-mes a'm golok, heb mos yn sowdhan na fella,

Yeremia 3:5

A vydh ev serrys bys vykken? A wra ev gwitha y sorrvann dhe'n diwedh?’ Yndella ty re gewsis; mes ty re wrug oll an drogedh a yllsys.

Salmow 145:8

An Arloedh yw grassyes ha truedhek, lent ow serri ha meur y dregeredh.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

2 Myghternedh 18:1

Y'n tressa blydhen a Hoshea mab Ela myghtern Ysrael, Hezekia mab Ahaz myghtern Yuda a dhallathas reynya.

2 Myghternedh 17:23

bys pan worras an Arloedh Ysrael mes a'y wel, dell lavarsa ev der oll y wesyon an brofoesi. Yndella y feu Ysrael degys dhe-ves yn divroedh, yn-mes a'ga thiredh aga honan dhe Assyria, bys y'n jydh ma.

Dewteronomi 30:2

ha ty a dhehwel dhe'n Arloedh dha Dhuw ha goslowes orth y lev war-lergh pup-tra mayth esov ow korhemmynna dhis hedhyw, ty ha'th vebyon gans oll dha golonn ha gans oll dha enev,

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Ezekiel 39:25

Rakhenna yndellma y lever an Arloedh Duw: Lemmyn my a dreyl kethneth Yakob ha kemmeres truedh war oll chi Ysrael; ha my a vydh avius rag ow hanow sans.

Yeremia 31:8

Otta, my a's dre a dir an gogledh, ha'ga huntell a-dhiworth pella rannow an nor, ha gansa an dall ha'n evredhek, an venyn veghyek ha'n venyn usi yn gwelivesi; kowethas meur a dhehwel omma.

Yeremia 3:14

Treylyewgh, hwi fleghes dislen, yn-medh an Arloedh, rag my re'gas demmedhis: my a'gas kemmer, onan a sita, ha dew a deylu, ha my a'gas dre dhe Sion:

Yeremia 3:7

Ha my a leveris, ‘Wosa hi dhe wul oll an traow ma, Martesen hi a dhehwel dhymm’; mes ny dhehwelis hi. Ha'y hwoer draytus Yuda a'n gwelas.

Yeremia 3:1

Mar korr gour y wreg a-denewen, ha hi a'n gas, ha dos ha bos dhe gen gour, a wra ev dehweles dhedhi? A ny via an tir na defolys meur? Mes ty re horyas gans lies karer; hwath y fynnydh dehweles dhymm? yn-medh an Arloedh.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Lavarow Koth 28:13

Ny sewen neb a gudh y gammweythresow, mes neb a's avow ha forsakya a'n jevydh mersi.

Salmow 103:17

Mes tregeredh an Arloedh re beu bythkweth hag a vydh bys vykken war an re a berth own anodho, ha'y ewnder dhe fleghes aga fleghes;

Salmow 103:8

An Arloedh yw truedhek ha grassyes, lent ow serri ha meur y dregeredh.

Salmow 79:5

Pygemmys prys, A Arloedh? A vydhydh serrys bynitha? A lesk dha avi avel tan?

2 Kroniklys 30:9

Rag mar tehwelowgh dhe'n Arloedh, agas breder ha'gas fleghes a gyv truedh gans an re a's divroas, hag i a dhehwel dhe'n tir ma. Rag an Arloedh agas Duw yw grassyes ha truedhek, ha ny dreyl y fas dhiworthowgh mar tehwelowgh dhodho.’

2 Myghternedh 17:6

Y'n nownsegves blydhen a Hoshea, myghtern Assyria a gemmeras Samaria; ev a dhug Ysrael yn divroedh dhe Assyria, ha'ga gorra yn Halagh ha ryb an avon Habor yn Gozan, hag yn sitys an Medys.

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

Jenesis 4:7

Mar kwre'ta yn ta, a ny vydh drehevys? Ha mar ny wredh yn ta, yma pegh ow skolkya orth an daras; ev yw hwansek dhe'th kavoes, mes ty – ty a wra y fetha.’

Levitikus 26:40

Ha mar konfessyons aga hammweyth ha kammweyth aga thasow, gans aga dislelder a wrussons er ow fynn, hag ynwedh ow kerdhes kontrari dhymm,

Salmow 103:9

Ny vydh ev prest ow keredhi, ha ny syns ev y sorr bynitha.

Yeremia 11:6

Ena an Arloedh a leveris dhymm, Galw an geryow ma yn sitys Yuda, hag y'n stretow Yerusalem, ow leverel, Klewewgh geryow an kevambos ma, ha'ga gul.

Yeremia 12:15

Mes wosa aga fesya yn-mes, my a dhehwel ha kemmeres truedh anedha, ha'ga dri arta, peub dh'y eretons, peub dh'y dir.

Kynvannow 3:22

Yn hwir, ny fyll tregeredhow an Arloedh, ha nyns yw y druedhow gorfennys.

Ezekiel 11:17

Rakhenna lavar, Yndellma y lever an Arloedh Duw: My a'gas kuntell dhiworth an poblow, ha'gas kuntell dhiworth an gwlasow may fewgh skattrys ynna, ha my a re dhywgh pow Ysrael.

2 Kroniklys 29:10

Yndella yma y'm kolonn gul kevambos gans an Arloedh Duw Ysrael, rag may treyllyo y sorr dhiworthyn.

Ysay 31:6

Treylyewgh dhodho ev may hwrussons rebellyans down er y bynn, A vebyon Ysrael.

Yeremia 31:21

Drehav arwoedhyow-fordh, gwra dhis postow kevarwoedh; gorr dha golonn troha'n fordh-veur, an fordh mayth ythys. Treyl arta, A wyrghes Ysrael, treyl arta dhe'n sitys ma usi dhis.

Zekaria 1:4

Na vedhewgh haval dh'agas tasow, a grias an brofoesi dhedha a-henys, ow leverel, ‘Yndellma y lever an Arloedh: Treylyewgh a'gas tebel fordhow ha'gas tebel oberow.’ Mes ny woslowsons na'm attendya, yn-medh an Arloedh.