Yeremia 3:1 - An Bibel Kernewek 20234 (Kernewek Kemmyn)

¹ Mar korr gour y wreg a-denewen, ha hi a'n gas, ha dos ha bos dhe gen gour, a wra ev dehweles dhedhi? A ny via an tir na defolys meur? Mes ty re horyas gans lies karer; hwath y fynnydh dehweles dhymm? yn-medh an Arloedh.

Yeremia 3:1 ပူးပေါင်းရင်းမြစ်များ

Salmow 106:38

ha skoellya goes gwiryon, goes aga mebyon ha'ga myrgh, neb a offrynnsons dhe dhuwow Kanan; ha'n tir a veu defolys gans goes.

Ysay 24:5

An nor yw defolys yn-dann y annedhysi; rag i re gammdremenas erbynn an laghys, ha chanjya an ordenans; i re dorras an kevambos a dhur bys vykken.

Yeremia 2:20

Rag nans yw pell ty a dorras dha yew, ha tardha dha rawyow; ha ty a leveris, ‘Ny wrav vy servya’; rag war bub bre ughel hag yn-dann bub gwydhenn las ty a wandras, owth horya.

Yeremia 2:23

Fatell yllydh leverel, ‘Nyns ov defolys, nyns idh war-lergh Baalim’? Gwel dha fordh y'n nans, godhvydh an pyth a wrussys: kasek-kowrvargh skav ow poenya a-dro yn hy fordhow;

Yeremia 2:7

Ha my a'gas dros yn tir feyth, dhe dhybri an frut anodho ha'n dader anodho; mes pan entersowgh, hwi a dhefolas ow thir, ha gul ow eretons tra gasadow.

Yeremia 22:20

Yskynn bys yn Lebanon ha kri; ha drehav dha lev yn Bashan, kri a-dhiworth Abarim; rag oll dha garoryon yw distruys.

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Yeremia 3:9

Hag y hwarva drefenn skavder hy horyans, hi dhe dhefola an tir, ha gul avoutri gans men ha gans prenn.

Yeremia 31:22

Pes termyn a hokydh, A vyrgh dhislel? Rag an Arloedh re greatyas tra nowydh y'n nor: Benyn a dhifres gour.

Yeremia 4:1

Mar tehwelydh, A Ysrael, yn-medh an Arloedh, mar tehwelydh dhymm: ha mar korrydh dha daklow kasadow yn-mes a'm golok, heb mos yn sowdhan na fella,

Yeremia 4:14

A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

Kynvannow 1:2

Oela a wra hi truan nosweyth, ha'y dagrow war hy diwvogh; Nyns eus dhedhi konforter vyth a'y haroryon oll; Pubonan a'y howetha re's toellas, i re dheuth ha bos hy eskerens.

Ezekiel 16:26

Ty a wrug fornikasyon gans mebyon Ejyp, dha gentrevogyon bras aga hig, ha ty a lieshas dha fornikasyon, dhe'm provokya dhe sorr.

Ezekiel 16:30

Ass yw toemm dha golonn gans fevyr, yn-medh an Arloedh Duw, pan wredh oll an taklow ma, ober hora meur hy maystri,

Ezekiel 16:35

Rakhenna, a hora, klew ger an Arloedh:

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Hosea 1:2

Hemm yw dalleth ger an Arloedh dhe Hosea. An Arloedh a leveris dhe Hosea, ‘Ke, kemmer dhis dha honan gwreg a fornikasyon ha fleghes a fornikasyon, a-ban wrug an tir fornikasyon meur, ow tiberth dhiworth an Arloedh.’

Hosea 2:2

Kuhudhewgh agas mamm, kuhudhewgh: rag nyns yw hi ow gwreg, ha nyns ov vy hy gour. Kemmeres hi hy dijastita mes a'y golok, ha'y avoutri dhiworth hy diwvronn,

Mika 2:10

Sevewgh ha kewgh dhe-ves, rag nyns yw homma agas powesva; drefenn agas defolans hi a vydh distruys, ha'n terroes a vydh tynn.

Zekaria 1:3

Rakhenna lavar dhedha, Yndellma y lever an Arloedh: Dehwelewgh dhymmo vy, yn-medh Arloedh an luyow, ha my a dhehwel dhywgh, yn-medh Arloedh an luyow.

Matthew 5:31

‘Ynwedh y feu leverys, “Neb a worro dhe-ves y wreg, gwres ev ri dhedhi skrifedh didhemmedhyans.”

Dewteronomi 22:21

ena i a dhre an vyrgh yn-mes dhe dharas chi hy thas, ha gwer hy thre a's labydh gans meyn may farwo, drefenn hi dhe wul outray yn Ysrael, ow pos hora yn chi hy thas. Yndella ty a garth an drog a-dhiworthowgh.

Breusysi 19:2

Mes y iswreg a veu serrys orto, ha hi eth dhiworto dhe ji hy thas yn Bethlehem yn Yuda, hag yth esa hi ena neb peswar mis.