Yeremia 29:17 - An Bibel Kernewek 20234 (Kernewek Kemmyn)

¹⁷ Yndellma y lever Arloedh an luyow: Otta, my a dhannvon warnedha an kledha, an divoetter, ha'n pla, ha'ga gul avel fygys pedrys na yll bos dybrys drefenn aga bos mar dhrog.

Yeremia 29:17 ပူးပေါင်းရင်းမြစ်များ

Yeremia 27:8

Mes mar ny vynn kenedhel po gwlaskor servya an keth Nebukadnessar ma, myghtern Babylon, ha gorra aga honna yn-dann yew myghtern Babylon, ena my a gessydh an genedhel na gans an kledha, gans divoetter, ha gans an pla, yn-medh an Arloedh, bys pan y's distruav der y leuv.

Yeremia 29:18

Ha my a's helgh gans an kledha, gans an divoetter, ha gans an pla, ha'ga gorra dhe vos euth dhe oll gwlaskordhow an nor, dhe vos molleth ha skruth ha hwibana, ha keredh yn mysk oll an kenedhlow le ma's fesis,

Yeremia 32:24

Otta, krugow an gweythyow-esedhva re dheuth dhe'n sita dh'y hemmeres; ha'n sita yw gorrys yn leuv an Kaldeanys a omladh er hy fynn, drefenn an kledha, ha drefenn an divoetter, ha drefenn an pla. Ha'n pyth re gewssys re hwarva; hag otta, ty a'n gwel.

Yeremia 43:11

Ev a dheu ha gweskel pow Ejyp, ow ri dhe'n mernans an re yw destnys rag mernans, ha dhe gethneth an re yw destnys rag kethneth, ha dhe'n kledha an re yw destnys rag an kledha.

Yeremia 52:6

Y'n nawves dydh a'n peswora mis an divoetter o mar sevur y'n sita ma nag esa boes rag pobel an tir.

Luk 21:11

y fydh dorgrysyow meur, ha divoetter ha plagys yn lies le, hag y fydh hwarvosow euthyk ha toknys meur dhiworth nev.

Luk 21:23

Go-i an re yw gans flogh y'n dorr, ha neb a re an vronn y'n dydhyow na! Rag anken meur a dheu war an nor, ha sorr war an bobel ma;

Diskwedhyans 6:8

Ha my a welas, hag otta, margh glas; ha hanow neb o esedhys warnodho o Ankow, hag ifarn a siwyas ganso. Ha galloes a veu res dhedha war beswora rann an norvys dhe ladha gans kledha, ha gans divoetter, gans mernans ha gans bestes an norvys.