Yeremia 29:13 - An Bibel Kernewek 20234 (Kernewek Kemmyn)

¹³ Ha hwi a'm hwila, ha'm kavoes pan y'm hwilowgh a leun golonn.

Yeremia 29:13 ပူးပေါင်းရင်းမြစ်များ

Salmow 119:2

Gwynnvys an re a with y dhustuniow, hag a'n hwila ev a leun golonn;

Matthew 7:7

‘Govynnewgh hag y fydh res dhywgh, hwilewgh ha hwi a gyv, knoukyewgh hag y fydh igerys dhywgh;

Salmow 119:10

A leun golonn my re'th hwilas; na as vy dhe vos yn stray dhiworth dha worhemmynnow.

Yeremia 24:7

Ha my a re kolonn dhedha dhe'm aswonn, ow bos an Arloedh; hag i a vydh ow fobel, ha my a vydh aga Duw, rag i a dhehwel dhymm gans oll aga holonn.

Yoel 2:12

Lemmyn ytho, yn-medh an Arloedh, treylyewgh dhymm gans oll agas kolonn, ha gans penys, ha gans oelva, ha gans kynvann.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Salmow 119:145

My re elwis a leun golonn; gorthyp dhymm, A Arloedh. My a with dha ordenansow.

2 Kroniklys 31:21

Pub ober a omgemmeras ev yn servis chi Duw, ha herwydh an lagha ha'n gorhemmynn, ow hwilas y Dhuw, ev a'n gwrug gans kolonn leun, hag ev a sewenis.

Salmow 119:58

My re hwilas dha fas a leun golonn; bydh grassyes orthiv herwydh dha lavar.

2 Kroniklys 22:9

Ev a hwilas Ahazia hag i a'n synsys hag ev owth omgudha yn Samaria. I a'n dros dhe Yehu ha'y ladha. I a'n ynkleudhyas, rag i a leveris, ‘Ev yw mab-wynn Yehoshafat neb a hwilas an Arloedh a leun golonn.’ Ha nyns o nagonan yn chi Ahazia gans nerth lowr dhe rewlya an wlaskor.

2 Myghternedh 23:3

An myghtern a sevis ryb an goloven ha gul kevambos a-dherag an Arloedh, dhe holya an Arloedh, dhe witha y worhemmynnow ha'y dhustuniow ha'y ordenansow gans oll aga holonn hag oll aga enev, dhe fastya geryow an kevambos ma a veu skrifys y'n lyver ma. Hag oll an bobel a sevis y'n kevambos.

Hosea 5:15

My a wra mos ha dehweles dhe'm tyller, bys mayth aswonnons aga offens, ha hwilas ow fas; yn aga ahwer i a'm hwila dihwans.

Salmow 119:69

An re woethus re'm droguras gans gowyow er ow fynn, mes my a with dha arghadowyow a leun golonn.

Yeremia 3:10

Mes yn spit dhe oll hemma, ny dreylyas hy hwoer draytus Yuda dhymm gans oll hy holonn, mes yn fayntys, yn-medh an Arloedh.

1 Myghternedh 2:4

may kewerro an Arloedh y er a veu kewsys ganso y'm kever, ow leverel, “Mar kwra dha fleghes gwitha aga fordh, ow kerdhes a-ragov yn gwiryonedh gans oll aga holonn ha gans oll aga enev, ny fyll dhis gour war dron Ysrael.”

Salmow 32:6

Rakhenna y hwra pubonan yw glan pysi warnas jy, yn prys may hyllir dha gavoes, devri yn liv an dowrow meur, ny dhons ogas dhodho.

Oberow 8:36

Hag i ow mos der an fordh, i a dheuth dhe dhowr, hag yn-medh an spadhesik, ‘Otta dowr; pandra'm lett rag bos besydhys?’

1 Kroniklys 22:19

Lemmyn settyewgh agas kolonn ha'gas enev dhe hwilas an Arloedh agas Duw. Sevewgh yn-bann ha drehevewgh sentri an Arloedh Duw, may fo dres argh kevambos an Arloedh ha lestri sans Duw a-berth y'n chi drehevys rag hanow an ARLOEDH.’

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

Ysay 45:19

Ny gewsis vy yn-dann gel, yn tyller tewl a'n norvys. Ny leveris dhe agh Yakob, ‘Hwilewgh my yn euver.’ My, an Arloedh a gews an gwir; my a dheriv an pyth yw ewn.

Salmow 145:18

Yma an Arloedh ogas dhe bubonan a elow warnodho, dhe bubonan a elow warnodho yn gwiryonedh.

Ysay 65:10

Sharon a vydh peurva rag deves, ha nans Aghor powesva rag flokkys, rag ow fobel neb a'm hwila.

Yeremia 50:4

Y'n dydhyow na hag y'n termyn na, yn-medh an Arloedh, pobel Ysrael a dheu, i ha pobel Yuda war-barth; i a dheu yn unn oela ow hwilas an Arloedh aga Duw.