Yeremia 29:11 - An Bibel Kernewek 20234 (Kernewek Kemmyn)

¹¹ Rag my a woer an tybyansow a dybav ragowgh, yn-medh an Arloedh, tybyansow kres, a-der drogedh, dhe ri dhywgh diwedh gans govenek.

Yeremia 29:11 ပူးပေါင်းရင်းမြစ်များ

Job 23:13

‘Mes ev a sev y honan, ha piw a yll y dreylya? ev a wra an pyth a hwans ev.

Salmow 33:11

Kusul an Arloedh a sev bynitha, prederow y golonn a unn henedh dhe'n nessa.

Salmow 40:5

Meur yw niver dha varthusyon a wrussys, A Arloedh ow Duw, ha'th towlow ragon; nyns eus par dhiso jy. Mara's menekken vy, ha kewsel anedha, y fiens i moy es dell yllir aga nivera.

Salmow 85:9

Yn hwir yma y selwyans ogas dhe'n re a berth own anodho, may trykko golewder yn agan tir.

Ysay 27:4

Nyns ov vy serrys. A pe spedhas ha spern, y keskerdhsen er aga fynn yn batel ha'ga leski oll yn tien.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Yeremia 23:6

Yn y dhydhyow Yuda a vydh selwys hag Ysrael a vew yn sawder. Ha hemm yw an hanow may fydh gelwys: An Arloedh agan Ewnder.

Yeremia 24:5

Yndellma y lever an Arloedh, Duw Ysrael: Avel an figys da ma, yndella my a aswonn an dhivresow a Yuda, hag a dhannvenis yn-mes a'n tyller ma dhe bow an Kaldeanys rag aga les.

Yeremia 30:10

Ytho na borth own, ow gwas Yakob, yn-medh an Arloedh, na na vydh digolonnek, A Ysrael; rag otta, my a'th selow a bellder, ha'th has a-dhiworth tir aga hethneth; ha Yakob a dhehwel ha powes ha bos kosel, ha ny wra nagonan gorra own ynno.

Yeremia 30:9

Mes i a serv an Arloedh aga Duw ha Davydh aga myghtern, hag a dhrehevav ragdha.

Yeremia 33:6

Otta, my a dhre dhedha sawment ha yaghheans; my a's saw ha diskwedhes dhedha palster a gres ha gwiryonedh.

Kynvannow 3:26

Da yw, pan wortir yn tawesek selwyans an Arloedh.

Ezekiel 11:16

Rakhenna lavar: Yndellma y lever an Arloedh Duw: Kynth y's dannvonas pell yn mysk an kenedhlow, ha'ga skattra yn mysk an gwlasow, my a vydh meneghi ragdha pols byghan y'n gwlasow may teuthons di.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Mika 4:12

Mes ny wodhons i tybyansow an Arloedh, ny gonvedhsons y dowl, ev dh'aga huntell avel manalow dhe'n leur-drushya.

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’