Yeremia 29:10 - An Bibel Kernewek 20234 (Kernewek Kemmyn)

¹⁰ Rag yndellma y lever an Arloedh: Pan vydh kowlwrys deg blydhen ha tri-ugens yn Babylon, my a'gas visit, ha kewera ow ger da dhywgh ha'gas dri arta dhe'n tyller ma.

Yeremia 29:10 ပူးပေါင်းရင်းမြစ်များ

2 Kroniklys 36:21

may fo kewerys ger an Arloedh dre anow Yeremia, bys pan wrussa an tir resek termyn leun y sabotys. Oll an dydhyow may feu anannedhys, an tir a witha sabot, rag kollenwel deg blydhen ha tri ugens.

2 Kroniklys 36:22

Yn kynsa blydhen Kyrus myghtern Persia, ow kollenwel ger an Arloedh kewsys dre anow Yeremia, an Arloedh a wrug dhe spyrys Kyrus myghtern Persia difuna, hag ev a dhannvonas kannas der oll y ruvaneth, hag yn skrif maga ta, ow leverel:

Ezra 1:1

Yn kynsa blydhen Kyrus myghtern Persia, may fe kollenwys ger an Arloedh dre anow Yeremia, an Arloedh a wrug spyrys Kyrus myghtern Persia dhe dhifuna, may tannvonna gwarnyans der y wlaskor oll, hag ynwedh ev a'n gwrug yn skrif, ow leverel,

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Salmow 102:14

Rag dha wesyon a gemmer plesour yn hy meyn, hag a gemmer truedh a'y doust.

Yeremia 25:11

An tir oll ma a vydh ynyal ha gwast, ha'n kenedhlow ma a serv myghtern Babylon deg blydhen ha tri-ugens.

Yeremia 25:12

Ha pan vydh diwedh dhe'n deg blydhen ha tri-ugens, my a gessydh myghtern Babylon ha'n genedhel na, yn-medh an Arloedh, rag aga anewnder, ha tir an Kaldeanys, ha'y wul difeyth bys vykken.

Yeremia 27:22

I a vydh degys dhe Babylon, hag ena i a worta, bys y'n jydh mayth av dh'aga visitya yn-medh an Arloedh. Ena my a's deg ha'ga daskorr dhe'n tyller ma.

Yeremia 27:7

An kenedhlow oll a'n serv, ha'y vab, ha mab y vab, bys pan dheu termyn y dir y honan; ena lies kenedhel ha myghternedh veur a wra y gethhe.

Yeremia 29:28

Rakhenna ev a dhannvonas dhyn yn Babylon, ow leverel, ‘An divroedh ma a vydh hir; drehevewgh chiow ha triga ynna, ha plansa lowarthyow ha dybri an frut anedha.’

Yeremia 29:32

ytho yndellma y lever an Arloedh: My a gessydh Shemaia an Nehelamyas ha'y dhiyskynnysi; ny'n jevydh denvyth trigys yn mysk an bobel ma; na ny welvydh an da a wrav dhe'm pobel, yn-medh an Arloedh, drefenn ev dhe gewsel rebellyans erbynn an Arloedh.

Yeremia 30:3

Rag, otta, an dydhyow a dheu, yn-medh an Arloedh may treylav kethneth ow fobel Ysrael ha Yuda, yn-medh an Arloedh, ha my a's dre arta dhe'n tir a res dh'aga thasow, hag i a's pew.

Yeremia 33:14

Otta, an dydhyow a dheu, yn-medh an Arloedh, may kollanwav an ambos a wrug dhe ji Ysrael ha dhe ji Yuda.

Ezekiel 11:17

Rakhenna lavar, Yndellma y lever an Arloedh Duw: My a'gas kuntell dhiworth an poblow, ha'gas kuntell dhiworth an gwlasow may fewgh skattrys ynna, ha my a re dhywgh pow Ysrael.

Daniel 9:2

yn kynsa blydhen y reyn, my, Daniel, a gonvedhas der an lyvrow bos niver an vlydhynyow rag kowlwul gwastyans Yerusalem, herwydh ger an Arloedh dhe Yeremia an profoes, deg blydhen ha tri-ugens.

Sefania 2:7

Ha'n arvor a vydh rag remenant chi Yuda; i a wra aga greow dhe beuri warnodho: yn chiow Ashkelon i a wrowedh gorthugherweyth; rag an Arloedh, aga Duw, a wra aga visitya, ha treylya aga hethneth.

Zekaria 1:12

Hag el a'n Arloedh a worthybis, ‘Arloedh an luyow, pes termyn ny gemmerydh truedh a Yerusalem hag a sitys Yuda, may serrsys orta an deg blydhen ha tri-ugens ma?’

Zekaria 7:5

Govynn oll pobel an tir ha'n oferysi: Pan wrussowgh penys ha galari y'n pympes ha seythves mis dres an deg blydhen ha tri-ugens eus passys, a veu ragov vy y hwrussowgh penys?

Ruth 1:6

Ha hi a sevis ha dehweles a diredh Moab, ha'y gohydhow gensi, drefenn hi dhe glewes yn tiredh Moab an Arloedh dhe wul vri a'y bobel, ow ri dhedha bara.