Yeremia 28:9 - An Bibel Kernewek 20234 (Kernewek Kemmyn)

⁹ An profoes a brofoes kres, pan dheu ger an profoes dhe vos gwir, ena y fydh aswonnys an profoes, ev dhe vos dannvenys yn gwir gans an Arloedh.’

Yeremia 28:9 ပူးပေါင်းရင်းမြစ်များ

Ysay 44:26

neb a surha ger y was, hag a gowlwra kusul y gannasow; neb a gews a Yerusalem, ‘Hi a vydh annedhys’, hag a-dro dhe sitys Yuda, ‘I a vydh drehevys, ha my a dhastrehav aga magoryow’;

Yeremia 14:13

Ena my a leveris, ‘A Arloedh Duw! Otta, an brofoesi a lever dhedha, “Ny welowgh an kledha, na hwath ny'gas beus divoetter; mes my a re dhywgh kres sur y'n tyller ma.” ’

Yeremia 4:10

Ena my a leveris, ‘Ogh A Arloedh Duw! Yn sur ty re doellas an bobel ma ha Yerusalem, ow leverel, “Kres a'gas bydh”; mes seulabrys an kledha a dhrehedh bys y'n enev.’

Yeremia 6:14

I re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Yeremia 8:11

Rag i re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Ezekiel 33:33

Pan dheu hemma – hag y teu yn surredi – i a woer y feu profoes yn aga mysk.

Dewteronomi 18:21

Mar leverydh y'th kolonn, ‘Fatell aswonnyn an ger na wrug an Arloedh y gewsel?’

Dewteronomi 18:22

Pan gews an profoes yn hanow an Arloedh, ha ny hwyrvydh an ger, na ny dheu dhe geweras, henn yw ger na wrug an Arloedh y gewsel. An profoes a'n gewsis gans bolder. Na borth own anodho.