Yeremia 28:4 - An Bibel Kernewek 20234 (Kernewek Kemmyn)

⁴ Ha my a dhaskorr arta dhe'n tyller ma Yekonia mab Yehoyakim myghtern Yuda, hag oll an dhivresow a Yuda hag eth dhe Babylon, yn-medh an Arloedh, rag my a derr yew myghtern Babylon.’

Yeremia 28:4 ပူးပေါင်းရင်းမြစ်များ

Jenesis 27:40

Dre dha gledha ty a vew, ha ty a serv dha vroder; mes pan wrylli sesya rydhses, ty a derr y yew dhiworth dha gonna.’

2 Myghternedh 24:14

Ev a dhug oll Yerusalem yn divroedh, oll an spadhesigyon, oll an vreselyoryon, deg mil dhivres, oll an greftoryon ha'n wovyon: denvyth ny veu gesys, marnas boghosekka pobel an tir.

Ysay 9:4

Rag ty re dorras yew y vegh, ha lorgh y dhiwskoedh, an welenn a wre y gonstryna, kepar hag yn dydh Midyan.

Yeremia 13:19

Sitys an Negeb a vydh deges, heb denvyth dh'aga igeri: Yuda a vydh degys dhe-ves yn divroedh, degys vydh yn tien yn divroedh.

Yeremia 2:20

Rag nans yw pell ty a dorras dha yew, ha tardha dha rawyow; ha ty a leveris, ‘Ny wrav vy servya’; rag war bub bre ughel hag yn-dann bub gwydhenn las ty a wandras, owth horya.

Yeremia 22:10

Na oelewgh rag an marow, na kyni ragdho; mes oelewgh ragdho ev neb a yn-mes, rag ny dhehwel namoy, na gweles tir y enesigeth.

Yeremia 22:24

Dell vewav, yn-medh an Arloedh, kyn fe Konia mab Yehoyakim myghtern Yuda bysow ow leuv dhyghow, hwath alena my a'th torrsa

Yeremia 24:1

An Arloedh a dhiskwedhas dhymm, hag otta, dew ganstell a figys a veu gorrys a-rag tempel an Arloedh wosa Nebukadnessar myghtern Babylon dhe dhoen yn divroedh Yekonia mab Yehoyakim myghtern Yuda, ha pennsevigyon Yuda, gans an seri prenn ha'n wovyon, a-dhiworth Yerusalem, ha'ga dri dhe Babylon.

Yeremia 24:5

Yndellma y lever an Arloedh, Duw Ysrael: Avel an figys da ma, yndella my a aswonn an dhivresow a Yuda, hag a dhannvenis yn-mes a'n tyller ma dhe bow an Kaldeanys rag aga les.

Yeremia 27:8

Mes mar ny vynn kenedhel po gwlaskor servya an keth Nebukadnessar ma, myghtern Babylon, ha gorra aga honna yn-dann yew myghtern Babylon, ena my a gessydh an genedhel na gans an kledha, gans divoetter, ha gans an pla, yn-medh an Arloedh, bys pan y's distruav der y leuv.

Yeremia 28:10

Ena Hanania an profoes a gemmeras an yew a-dhiworth gwarr Yeremia an profoes ha'y therri.

Yeremia 28:2

‘Yndellma y lever Arloedh an luyow, Duw Ysrael: My re dorras yew myghtern Babylon.

Yeremia 29:1

Lemmyn an re ma yw geryow an lyther a dhannvonas Yeremia an profoes a-dhiworth Yerusalem dhe remenant an henavogyon yn mysk an dhivresow, ha dhe'n oferysi, ha dhe'n brofoesi, ha dhe oll an bobel a dhug Nebukadnessar dhe-ves yn divroedh a-dhiworth Yerusalem dhe Babylon.

Yeremia 29:2

Henn o wosa Yekonia an myghtern, ha mamm an vyghternes, an lyswesyon, pennsevigyon Yuda ha Yerusalem, ha'n seri prenn ha'n wovyon dhe dhiberth a Yerusalem.

Yeremia 30:8

Rag y'n jydh na, yn-medh Arloedh an luyow, my a derr an yew a'th konna, ha my a dardh dha rawyow, ha ny wra estrenyon aga gul yn kethyon namoy.

Levitikus 26:13

My yw an Arloedh agas Duw, a'gas dros yn-mes a bow Ejyp, ma na vewgh hwi aga hethyon; ha my re droghas barrys agas yew ha gul dhywgh kerdhes a'gas sav.

Nahum 1:13

Ha lemmyn my a dregh dhe-ves y yew dhiworthis, ha terri dhe-ves dha rawyow.