Yeremia 28:16 - An Bibel Kernewek 20234 (Kernewek Kemmyn)

¹⁶ Ytho yndellma y lever an Arloedh: My a'th tewl a-dhiworth enep an nor. An vlydhen ma ty a verow, drefenn ty dhe dhyski rebellyans erbynn an Arloedh.

Yeremia 28:16 ပူးပေါင်းရင်းမြစ်များ

Jenesis 7:4

Rag wosa seyth dydh my a wra glaw dhe goedha war an nor dew-ugens dydh ha dew-ugens nos ha pup-tra yn few re wrug vy gwruthyl, y fynnav y dhefendya dhe-ves dhiworth enep an nor.’

1 Myghternedh 13:34

An dra ma a dheuth ha bos pegh dhe ji Yeroboam, dh'y dhilea ha'y dhistrui a-dhiworth enep an nor.

Eksodus 32:12

Prag y tegoedh dhe'n Ejyptianys leverel, “Gans tebel vynnas y hwrug aga dri yn-rag, dh'aga ladha y'n menydhyow, dh'aga howlladha war enep an nor”? Treyl a'th sorr fers ha re bo edrek dhis a'n tebelwrians erbynn dha bobel.

Yeremia 20:6

Ha ty, Pashhur, ha pubonan usi trigys y'th chi a wra mos yn kethneth: ha ty a dheu dhe Babylon, hag ena ty a verow, ha bos ynkleudhys ena, ty, ha'th kowetha oll, neb may profoessys gowyow dhedha.

Yeremia 28:17

Ytho, Hanania an profoes a verwis y'n keth vlydhen y'n seythves mis.

Yeremia 28:3

A-ji dhe dhiw vlydhen my a dhaskorr dhe'n tyller ma oll lestri chi an Arloedh, a wrug Nebukadnessar myghtern Babylon aga hemmeres dhe Babylon yn-mes a'n tyller ma ha'ga doen dhe Babylon.

Yeremia 29:32

ytho yndellma y lever an Arloedh: My a gessydh Shemaia an Nehelamyas ha'y dhiyskynnysi; ny'n jevydh denvyth trigys yn mysk an bobel ma; na ny welvydh an da a wrav dhe'm pobel, yn-medh an Arloedh, drefenn ev dhe gewsel rebellyans erbynn an Arloedh.

Amos 7:17

Rakhenna an Arloedh a lever hemma: Hora vydh dha wreg y'n sita ha'th vebyon ha'th vyrghes a goedh gans an kledha; ha'th tir a vydh rynnys der an gordenn; ty dha honan a verow yn tir avlan, ha divres vydh Ysrael yn sur a-dhiwar y dhor.’

Amos 9:8

Otta, yma dewlagas an Arloedh Duw war wlaskor an peghes, ha my a's distru dhiwar enep an nor. Mes ny gowldhistruav chi Yakob, yn-medh an Arloedh.

Niverow 14:37

an wer neb a dhros tebel dherivas a'n tir, a verwis der an pla a-rag an Arloedh.

Niverow 29:32

Y'n seythves dydh seyth tarow, dew hordh, peswardhek oen unn bloedh heb namm,

Dewteronomi 6:15

(rag Duw avius yw an Arloedh dha Dhuw yn agas mysk), ma na dhewo sorr an Arloedh dha Dhuw er dha bynn ha'th tistrui a-dhiwar enep an tir.