Yeremia 28:14 - An Bibel Kernewek 20234 (Kernewek Kemmyn)

¹⁴ Rag yndellma y lever Arloedh an luyow, Duw Ysrael: My re worras yew horn war warr oll an kenedhlow ma may serfyens Nebukadnessar myghtern Babylon, hag i a'n serv; ha my re ros dhodho an bestes gwyls ynwedh.

Yeremia 28:14 ပူးပေါင်းရင်းမြစ်များ

Yeremia 15:12

A yll horn terri horn an gogledh, ha brons?

Yeremia 27:4

Gorhemmynn dhedha may lavarrons dh'aga mestrysi: Yndellma y lever Arloedh an luyow, Duw Ysrael: Hemm yw an pyth a leverowgh dh'agas mestrysi:

Yeremia 27:8

Mes mar ny vynn kenedhel po gwlaskor servya an keth Nebukadnessar ma, myghtern Babylon, ha gorra aga honna yn-dann yew myghtern Babylon, ena my a gessydh an genedhel na gans an kledha, gans divoetter, ha gans an pla, yn-medh an Arloedh, bys pan y's distruav der y leuv.

Yeremia 40:4

Lemmyn mir, my re'th rydhhas hedhyw a'n kadonyow war dha dhiwleuv. Mars yw da genes dos genev dhe Babylon, deus, ha my a'th with yn ta; mes mar nyns yw da genes dos genev dhe Babylon, ny dal dhis dos. Mir, yma oll an tir a-ragos; plepynag a hevel dhis bos da hag ewn, ke di.

Kynvannow 1:14

Kelmys veu ow threuspassow warnav avel yew; gans y leuv y fons nedhys war-barth ha gorrys war ow honna, ow kul dhe'm nerth fyllel; an Arloedh re'm ros yn diwla tus ma na allav sevel.

Daniel 2:38

Ha plepynag eus trigys mebyon den, bestes gwyls hag ydhyn an ebron, ev re's gorras y'th torn, ha gul orthis rewlya warnedha oll. Ty yw an penn a owr.

Hosea 10:11

Efraym yw avel lejek dyskys a gar drushya; mes my a worr yew war hy honna teg. My a wra hernessya Efraym, aras a wra Yuda, ha Yakob a gloes.

Dewteronomi 28:48

ty a serv dha eskerens a wra an Arloedh dha Dhuw dannvon er dha bynn, yn nown, hag yn syghes, hag yn noethedh, hag yn esow a bup-tra oll; hag ev a worr yew a horn war dha gonna, bys may hwrello dha dhistrui.

Dewteronomi 4:20

An Arloedh a'gas kemmeras ha'gas dros yn-mes a'n fornes-horn, yn-mes a Ejyp, dhe vos dhodho pobel y eretons, kepar hag y'n jydh hedhyw.