Yeremia 28:11 - An Bibel Kernewek 20234 (Kernewek Kemmyn)

¹¹ Ha Hanania a gewsis yn lok oll an bobel, ow leverel, ‘Yndellma y lever an Arloedh: Yndellma my a derr yew Nebukadnessar myghtern Babylon a-dhiworth gwarr oll an kenedhlow a-ji dhe dhiw vlydhen.’ Ha Yeremia an profoes eth war y fordh.

Yeremia 28:11 ပူးပေါင်းရင်းမြစ်များ

1 Myghternedh 13:18

Ena ev a leveris dhodho, ‘My yw profoes ynwedh kepar dell os, hag el a gewsis dhymm dre er an Arloedh: Doro ev genes dhe'th chi may teppro boes hag eva dowr.’ Mes yth esa ow kowleverel.

1 Myghternedh 22:6

Ena myghtern Ysrael a guntellas war-barth an brofoesi, a-dro dhe beswar kans anedha, ha leverel dhedha, ‘Av vy dhe vatalyas orth Ramoth-gilead, po a hedhav?’ I a leveris, ‘Ke, rag an Arloedh a's re yn leuv an myghtern.’

2 Kroniklys 18:10

Sedekia mab Kenaana a wrug ragdho y honan kern a horn, hag ev a leveris, ‘Yndella y lever an Arloedh, Gans an re ma ty a wan Aram bys may fons diswrys.’

Lavarow Koth 14:7

Ke a-dhiworth lok gour foll, rag ny gevydh godhvos war aga diwweus.

Yeremia 14:14

Ena an Arloedh a leveris dhymm: An brofoesi a brofoes gowyow y'm hanow vy: ny's dannvenis, na ny gorhemmynnis dhedha, na kewsel dhedha: i a brofoes dhywgh fals welesigeth ha koeg dhewinieth, ha toell aga holonn.

Yeremia 23:17

I a lever dhe'n re a dhispres ger an Arloedh, ‘Hwi a'gas bydh kres’, ha dhe bubonan a siw gorthter y golonn, ‘Ny dheu terroes warnowgh.’

Yeremia 28:15

Ena an profoes Yeremia an profoes a leveris dhe Hanania an profoes, Goslow, Hanania, ny'th tannvonas an Arloedh, mes ty a wra an bobel ma dhe fydhya yn gow.

Yeremia 29:9

Rag i a brofoes yn fals dhywgh y'm hanow; ny's dannvenis, yn-medh an Arloedh.

Ezekiel 13:7

A ny welsowgh fals welesigeth ha leverel dewinieth wowek, ha hwi ow leverel, ‘An Arloedh a lever’, kyn na gewsis vy?