Yeremia 27:6 - An Bibel Kernewek 20234 (Kernewek Kemmyn)

⁶ Ha lemmyn my re ros oll an tiryow ma yn leuv Nebukadnessar myghtern Babylon, ow gwas, ha my re ros ynwedh bestes an gwel dh'y servya.

Yeremia 27:6 ပူးပေါင်းရင်းမြစ်များ

2 Myghternedh 25:28

ev a gewsis dhodho yn kuv, ha ri dhodho esedh a-ugh esedhow an vyghternedh erell esa ganso yn Babylon.

2 Kroniklys 36:23

‘Yndellma y lever myghtern Kyrus a Persia: An Arloedh, Duw an nev, re ros dhymmo oll ruvanethow an norvys, hag ev re worhemmynnis dhymm may treheffiv chi yn Yerusalem. Piw pynag yn agas mysk a oll y bobel, re bo ganso an Arloedh y Dhuw, hag es ev yn-bann.’

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Yeremia 21:7

Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 22:25

ha dha ri yn dorn an re a hwila dha vewnans, hag yn dorn an re a berthydh own anedha – yn dorn Nebukadnessar myghtern Babylon, hag yn dorn an Kaldeanys.

Yeremia 24:1

An Arloedh a dhiskwedhas dhymm, hag otta, dew ganstell a figys a veu gorrys a-rag tempel an Arloedh wosa Nebukadnessar myghtern Babylon dhe dhoen yn divroedh Yekonia mab Yehoyakim myghtern Yuda, ha pennsevigyon Yuda, gans an seri prenn ha'n wovyon, a-dhiworth Yerusalem, ha'ga dri dhe Babylon.

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 28:14

Rag yndellma y lever Arloedh an luyow, Duw Ysrael: My re worras yew horn war warr oll an kenedhlow ma may serfyens Nebukadnessar myghtern Babylon, hag i a'n serv; ha my re ros dhodho an bestes gwyls ynwedh.

Yeremia 43:10

ha lavar dhedha, Yndellma y lever Arloedh an luyow, Duw Ysrael: Otta, my a dhannvon ha kemmeres Nebukadnessar myghtern Babylon, ow gwas, hag ev a worr y dron a-ugh an meyn ma re ynkleudhis, hag ev a les y babell ryel warnedha.

Yeremia 49:30

Fiewgh, gwandrewgh pell dhe-ves, trigewgh yn tylleryow down, hwi annedhysi Hasor! yn-medh an Arloedh. Rag Nebukadnessar myghtern Babylon re dewlis towl er agas pynn ha gul entent er agas pynn.

Ezekiel 29:12

My a wra pow Ejyp ynyalder yn mysk powyow ynyal, ha'y sitys a vydh difeyth dewgens blydhen yn mysk sitys difeyth; ha my a skatter Ejyp y'n kenedhlow, ha'ga lesa y'n powyow.

Ezekiel 30:24

My a grevha breghow myghtern Babylon ha gorra ow kledha yn y leuv; mes my a derr breghow Faro, hag i a gyn a-ragdho kepar dell gyn den ledhys.

Daniel 4:12

Teg o hy del, ha leun o hi a frut, hag ynni yth esa boes rag peub-oll. Yn-danni y hwre bestes gwyls kavoes skeus, hag yth esa ydhyn an ebron trigys yn hy skorrow; dhiworti y fedha megys pub kig.

Daniel 4:22

ty yw, A vyghtern, neb yw tevys krev, ha dha veuredh re devis ha drehedhes dhe'n nevow, ha'th vestrynses bys finweth an norvys.