Yeremia 27:5 - An Bibel Kernewek 20234 (Kernewek Kemmyn)

⁵ My re wrug an nor, an den ha'n best usi war an nor, der ow galloes meur ha der ow bregh ystynnys, ha'y ri dhe biwpynag a blekkyo dhymm.

Yeremia 27:5 ပူးပေါင်းရင်းမြစ်များ

Jenesis 1:25

Ha Duw a wrug miles an nor war-lergh aga hinda, ha chatel war-lergh aga hinda hag oll an kreaturs ow slynkya war an dor war-lergh aga hinda. Ha Duw a welas henna dhe vos da.

Jenesis 9:6

Piwpynag a skoellyo goes den, gans den y fydh y woes ev skoellyes. Rag yn imaj Duw ev a wrug mab-den.

1 Myghternedh 8:42

– rag i dhe glewes a'th hanow meur, a'th leuv grev, ha'th vregh ystynnys – pan dheu estren ha pysi war-tu ha'n chi ma,

Ezra 1:2

‘Yndellma y lever Kyrus myghtern Persia: An Arloedh Duw nev, re ros dhymm oll ruvanethow an norvys; hag ev re erghis dhymm drehevel dhodho chi yn Yerusalem, usi yn Yuda.

Nehemia 9:22

‘Gans henna ty a ros dhedha gwlaskordhow ha poblow, ow kevrenna dhedha pub kornell; ytho i a eritas tir Sihon, ha tir myghtern Heshbon ha tir Og myghtern Bashan.

Salmow 102:25

Wostalleth y selsys an nor, ha'n nevow yw ober dha dhiwleuv.

Salmow 96:5

Rag oll duwow an kenedhlow yw koegyon, mes an Arloedh a wrug an nevow.

Eksodus 20:11

rag yn hwegh dydh an Arloedh a wrug nev ha nor, an mor, ha myns eus ynna, ha powes y'n seythves dydh; ytho an Arloedh a vennigas an seythves dydh ha'y sanshe.

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Ysay 42:5

Yndellma y lever Duw, an Arloedh, neb a wrug an nevow ha'ga ystynn, neb a lesas an norvys ha'n pyth a dheu anodho, neb a re anall dhe'n bobel usi warnodho, ha spyrys dhe'n re a gerdh ynno:

Ysay 44:24

Yndellma y lever an Arloedh, dha Dhasprenyas, neb a'th formyas y'n dorr: My yw an Arloedh, a wrug pup-tra, neb a ystynnas an nevow ow honan, hag a lesas an norvys ow honan;

Ysay 45:12

My yw neb a wrug an norvys, ha my a greatyas mab-den warnodho; ow diwla y feu a lesas an nevow, ha my a worhemmynnis aga luyow oll.

Ysay 48:13

Ow dorn a fondyas an norvys, ha'm dorn dhyghow a lesas an nevow; pan y's galwav, i a sev a-ragov war-barth.

Ysay 51:13

Ty re ankovas an Arloedh, dha Wrier, neb a lesas an nevow hag a fondyas selyow an norvys. Oll an jydh ty a berth own, drefenn konnar an gwasker, neb a'n jeves mall a dhistrui. Mes ple'ma konnar an gwasker?

Yeremia 27:4

Gorhemmynn dhedha may lavarrons dh'aga mestrysi: Yndellma y lever Arloedh an luyow, Duw Ysrael: Hemm yw an pyth a leverowgh dh'agas mestrysi:

Yeremia 32:17

Ogh Arloedh Duw! Otta, ty re wrug an nevow ha'n nor dre dha alloes meur ha'th vregh ystynnys! Nyns eus travyth re gales ragos.

Yeremia 51:15

Ev yw neb a wrug an nor der y nerth, neb a fondyas an nor gans y furneth, ha der y gonvedhes ev a ystynnas an nevow.

Daniel 2:38

Ha plepynag eus trigys mebyon den, bestes gwyls hag ydhyn an ebron, ev re's gorras y'th torn, ha gul orthis rewlya warnedha oll. Ty yw an penn a owr.

Daniel 4:14

Ev a armas yn fen, ow leverel, “Hakkyewgh an wydhenn dhe'n leur, ha treghewgh hy skorrow dhe-ves; kryghyllewgh hy delyow kwit ha skoellewgh hy frut; fies an bestes a-dhanno, ha'n ydhyn mes a'y skorrow.

Daniel 4:17

Der ordenans an woelysi yw an vreus, ha dre gows an syns yw an ervirans, rag may konvettho an re vew bos an Ughella rewler yn gwlaskor mab-den; hag ev a's re dhe'n neb a vynn, hag a sett warnedhi an isella a dus.”

Daniel 4:22

ty yw, A vyghtern, neb yw tevys krev, ha dha veuredh re devis ha drehedhes dhe'n nevow, ha'th vestrynses bys finweth an norvys.

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.

Daniel 5:18

A vyghtern, an Duw Ughella a ros dhe'th tas Nebukadnessar myghternsys ha meuredh hag enor ha splannder;

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.

Oberow 17:24

An Duw neb a formyas an bys ha pup-tra ynno, neb yw Arloedh nev ha nor, ny drig yn templow gwrys gans diwla den,

Oberow 17:26

hag ev a wrug a unn den pub kenedhel a dus mayth annetthens enep kowal an nor, hag ev a apoyntyas aga oesow destnys hag oryon aga annedhow,

Dewteronomi 2:19

Pan dheudh nes dhe vebyon Ammon, na omladh er aga fynn, ha na enter yn kas gansa, rag ny rov travyth a diredh an Ammonysi dhis avel eretons, rag my a'n ros dhe vebyon Lot avel eretons.’

Dewteronomi 2:21

Pobel vras ens, lies ha hir avel an Anakim. An Arloedh a's distruis a-ragdha, hag i a's fesyas ha triga ena yn aga le;

Dewteronomi 2:7

Rag an Arloedh dha Dhuw re'th vennigas yn pub ober a'th leuv. Ev a woer dha gerdh dre'n gwylvos bras ma. An dew-ugens blydhen ma an Arloedh dha Dhuw re beu genes, ha ny fyllsys a dravyth.’

Dewteronomi 2:9

Ena an Arloedh a leveris dhymm, ‘Na omladh erbynn Moab ha na enter yn kas gansa, rag ny rov dhis travyth a'ga thiredh avel eretons, rag my re ros Ar dhe vebyon Lot avel eretons.’

Dewteronomi 32:8

Pan ros an Ughella aga eretons dhe'n kenedhlow, pan rannas mebyon den, ev a settyas oryon poblow war-lergh niver mebyon Ysrael.

Dewteronomi 4:17

hevelep best vyth y'n norvys, na hevelep edhen askellek vyth a nij y'n ebron,

Dewteronomi 4:25

Pan dhineythydh mebyon ha fleghes-wynn ha kothhe y'n tir, hag omlegri, ow kul imaj gravys, an furv a neptra, ha kammwul a-wel dhe'n Arloedh dha Dhuw dh'y brovokya dhe sorr,

Dewteronomi 4:32

Govynn lemmyn a-dro dhe'n dydhyow kyns, kyns dha dermyn jy, dhiworth an jydh may kreatyas Duw den war an norvys; dhiworth tu arall unn penn a'n ebron bys y'n penn arall: eus hwarvedhys neppyth kepar ha'n dra vras ma, po a veu neppyth haval dhodho klewys?

Dewteronomi 4:35

Y feu diskwedhys dhis, rag may aswonnes an Arloedh dhe vos Duw; nyns eus arall saw unnsel ev.

Dewteronomi 5:16

Enor dha das ha dha vamm dell worhemmynnis an Arloedh dha Dhuw dhis, rag may fo dha dhydhyow hir, ha rag may fo yn ta dhis war an tir a wra an Arloedh dha Dhuw y ri dhis.

Dewteronomi 9:29

Mes i yw dha bobel ha'th eretons a dhresys yn-mes gans dha nerth bras ha'th vregh ystynnys.’

Kolossianys 1:16

rag ynno ev y feu pup-tra gwrys y'n nevow ha war an nor, hewel ha diwel, tronys, dominasyons, prynsipatys po potestatys; pup-tra a veu gwrys dredho ev ha ragdho ev.

Ebrowyon 1:2

mes y'n dydhyow diwettha ma ev re gewsis dhyn dre Vab, neb a wrug y ordena an her a bup-tra, dredho ynwedh may hwrug an oesow,

Diskwedhyans 4:11

‘Gwiw osta, agan Arloedh ha'gan Duw dhe dhegemmeres gordhyans hag enor ha galloes, rag ty a wrug pup-tra ha dre dha vodh yth esens i, hag y fons i gwrys.’