Yeremia 27:4 - An Bibel Kernewek 20234 (Kernewek Kemmyn)

⁴ Gorhemmynn dhedha may lavarrons dh'aga mestrysi: Yndellma y lever Arloedh an luyow, Duw Ysrael: Hemm yw an pyth a leverowgh dh'agas mestrysi:

Yeremia 27:4 ပူးပေါင်းရင်းမြစ်များ

Eksodus 5:1

A'y wosa, Moyses hag Aron a dheuth a-ji dhe Faro ha leverel, ‘Yndellma y lever an Arloedh, Duw Ysrael, “Gas ow fobel dhe vones may hallons ow goelya y'n gwylvos.” ’

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 25:27

Ena ty a lever dhedha, Yndellma y lever Arloedh an luyow, Duw Ysrael: Evewgh, bedhewgh medhow ha hwyja, ha koedhewgh ha na sevewgh namoy, drefenn an kledha a dhannvonav dhywgh.

Yeremia 27:3

Ha dannvon dhe vyghtern Edom, ha dhe vyghtern Moab, ha dhe vyghtern an Ammonysi, ha dhe vyghtern Tyr, ha dhe vyghtern Sidon dre leuv an kannasow a dheu dhe Yerusalem dhe Sedekia myghtern Yuda.

Yeremia 27:5

My re wrug an nor, an den ha'n best usi war an nor, der ow galloes meur ha der ow bregh ystynnys, ha'y ri dhe biwpynag a blekkyo dhymm.

Yeremia 28:14

Rag yndellma y lever Arloedh an luyow, Duw Ysrael: My re worras yew horn war warr oll an kenedhlow ma may serfyens Nebukadnessar myghtern Babylon, hag i a'n serv; ha my re ros dhodho an bestes gwyls ynwedh.

Yeremia 51:19

Nyns yw rann Yakob avella, rag ev yw Gwrier pup-tra, hag Ysrael yw loeth y eretons; Arloedh an luyow yw y hanow.