Yeremia 27:15 - An Bibel Kernewek 20234 (Kernewek Kemmyn)

¹⁵ Rag ny's dannvenis, yn-medh an Arloedh, mes i a brofoes gow y'm hanow, ma'gas fesyav yn-mes hag yth ewgh dhe goll, hwi ha'n brofoesi a brofoes dhywgh.

Yeremia 27:15 ပူးပေါင်းရင်းမြစ်များ

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

Yeremia 14:14

Ena an Arloedh a leveris dhymm: An brofoesi a brofoes gowyow y'm hanow vy: ny's dannvenis, na ny gorhemmynnis dhedha, na kewsel dhedha: i a brofoes dhywgh fals welesigeth ha koeg dhewinieth, ha toell aga holonn.

Yeremia 20:6

Ha ty, Pashhur, ha pubonan usi trigys y'th chi a wra mos yn kethneth: ha ty a dheu dhe Babylon, hag ena ty a verow, ha bos ynkleudhys ena, ty, ha'th kowetha oll, neb may profoessys gowyow dhedha.

Yeremia 23:15

Ytho yndellma y lever Arloedh an luyow a-dro dhe'n brofoesi: ‘Otta, my a's boes gans fuelenn ha gul dhedha eva dowr gwenonek; rag a-dhiworth profoesi Yerusalem ansansoleth res eth yn oll an tir.’

Yeremia 23:21

Ny dhannvenis an brofoesi mes i a boenyas; ny gewsis dhedha mes i a brofoesas.

Yeremia 23:25

My re glewas an pyth a lever an brofoesi usi ow profoesa gowyow y'm hanow, ow leverel, ‘My re hunrosas, my re hunrosas!’

Yeremia 27:10

Rag i a brofoes gow dhywgh, may fydhowgh gorrys pell dhiworth agas tir; my a'gas fes yn-mes, ha hwi a dhe goll.

Yeremia 29:8

Rag yndellma y lever Arloedh an luyow, Duw Ysrael: Na esewgh an brofoesi ha'n goelyogyon yn agas mysk dh'agas toella, ha na woslowewgh orth an hunrosow a hunrosons.

Yeremia 29:9

Rag i a brofoes yn fals dhywgh y'm hanow; ny's dannvenis, yn-medh an Arloedh.

Yeremia 38:22

Otta, oll an benynes yw gesys yn chi myghtern Yuda a vydh dres yn-mes dhe bennsevigyon myghtern Babylon, hag i a lever, “I re'th toellas ha'th fetha, an wer a drestsys ynna; dha dreys yw sedhys y'n leys, hag i a dreyl a-dhiworthis.”

Matthew 15:14

Gesewgh i dhe vos; hembrenkysi dhall yns i a dus dhall. Mar kwra den dall hembronk den dall, i aga dew a goedh yn kleudh.’

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.