Yeremia 27:14 - An Bibel Kernewek 20234 (Kernewek Kemmyn)

¹⁴ Ytho na woslowewgh orth geryow an brofoesi a gews dhywgh, ow leverel, Na servyewgh myghtern Yuda, rag i a brofoes gow dhywgh.

Yeremia 27:14 ပူးပေါင်းရင်းမြစ်များ

Yeremia 14:14

Ena an Arloedh a leveris dhymm: An brofoesi a brofoes gowyow y'm hanow vy: ny's dannvenis, na ny gorhemmynnis dhedha, na kewsel dhedha: i a brofoes dhywgh fals welesigeth ha koeg dhewinieth, ha toell aga holonn.

Yeremia 23:21

Ny dhannvenis an brofoesi mes i a boenyas; ny gewsis dhedha mes i a brofoesas.

Yeremia 23:25

My re glewas an pyth a lever an brofoesi usi ow profoesa gowyow y'm hanow, ow leverel, ‘My re hunrosas, my re hunrosas!’

Yeremia 28:15

Ena an profoes Yeremia an profoes a leveris dhe Hanania an profoes, Goslow, Hanania, ny'th tannvonas an Arloedh, mes ty a wra an bobel ma dhe fydhya yn gow.

Yeremia 37:19

Ple'ma agas profoesi a brofoesas dhis, ow leverel, “Ny dheu myghtern Babylon er agas pynn hag erbynn an tir ma”?

Yeremia 38:22

Otta, oll an benynes yw gesys yn chi myghtern Yuda a vydh dres yn-mes dhe bennsevigyon myghtern Babylon, hag i a lever, “I re'th toellas ha'th fetha, an wer a drestsys ynna; dha dreys yw sedhys y'n leys, hag i a dreyl a-dhiworthis.”

Kynvannow 2:14

Dha brofoesi re welas ragos falsuri ha toell; ny dhiskudhsons dha dhrogobereth rag treylya dha gethneth, mes ragos i re welas gwelesigethow fals ha frowsus.

Mika 2:11

Mar kertha gour a-dro ow kowleverel gans gwyns ha gowegneth, ‘My a brofoes dhis a win hag a gorev’, ev a via an profoes rag an bobel ma!

Zekaria 10:2

An imajys re gewsis flows, ha'n goelyogyon re welas gwelesigethow gowek; i a dheriv fals hunrosow, i a re konfort euver. Ytho an dus a wander avel deves, yn ahwer, rag nyns eus bugel.

Matthew 7:15

‘Bedhewgh war a fals profoesi, neb a dheu dhywgh yn gwisk deves, mes war-ji yth yns i bleydhi ow ravna.

Filippianys 3:2

Bedhewgh war a'n keun, bedhewgh war a'n dhrogoberoryon, bedhewgh war a'n fals tregh,

1 Yowann 4:1

Hwi garadowyon, na grysewgh dhe bub spyrys, mes prevewgh an spyrysyon, mars esons i a Dhuw: rag gallas fals profoesi bals yn-mes dhe'n bys.