Yeremia 26:9 - An Bibel Kernewek 20234 (Kernewek Kemmyn)

⁹ Prag y profoessys yn hanow an Arloedh, ow leverel, “An chi ma a vydh avel Shilo, ha'n sita ma a vydh ynyal, heb annedhyas”?’ Hag oll an bobel a omguntellas a-dro dhe Yeremia yn chi an Arloedh.

Yeremia 26:9 ပူးပေါင်းရင်းမြစ်များ

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

Ysay 29:21

an re a dhampen den der er, ha gorra maglenn rag an darsiwyas y'n yet, ha treylya breus an den gwiryon gans fals dhustuni.

Yeremia 32:3

le ma'n keas Sedekia myghtern Yuda, ow leverel, ‘Prag y profoesydh ha leverel: Yndellma y lever an Arloedh: My a re an sita ma yn leuv myghtern Babylon, hag ev a's kemmer;

Yeremia 33:10

Yndellma y lever an Arloedh: Y'n tyller ma may leverowgh, ‘Ynyal yw heb den na best’, yn sitys Yuda hag yn stretow Yerusalem hag yw ynyal, heb den, ha heb annedhyas, ha heb best, y fydh klewys unnweyth arta

Yeremia 36:29

Hag a-dro dhe Yehoyakim myghtern Yuda ty a lever: Yndellma y lever an Arloedh, Ty re loskas an rol-skrifa ma, ow leverel, Prag y skrifsys ynni y teu myghtern Babylon yn sur ha distrui an tir ma ha gul dhe hedhi anodho den ha best?

Yeremia 9:11

Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Kynvannow 4:13

Y feu rag pegh hy frofoesi, drefenn kammwriansow hy oferysi hag a skoell goes an dus wiryon a-berth ynni.

Amos 5:10

Kasa a wrons an den a geredh y'n yet, hag aborrya an den a gews an gwirder kowal.

Mika 2:6

‘Na brofoesewgh yn transyek’ yn-medhons i yn transyek. ‘Ny dhegoedh profoesa a'n taklow ma; ny dheu disenor warnan.’

Matthew 21:23

Ha pan o devedhys y'n tempel, an bennoferysi ha henavogyon an bobel a dheuth dhodho, hag ev ow tyski, hag yn-medhons, ‘Py awtorita dredho y hwre'ta an taklow ma? Ha piw a ros dhis an awtorita ma?’

Matthew 27:20

Mes an bennoferysi ha'n henavogyon a dhynyas an routhow dhe wovynn Barabbas dhe vos delivrys, ha distrui Yesu.

Mark 15:11

Mes an bennoferysi a vovyas an routh, may hwrella ev yn le henna delivra dhedha Barabbas.

Yowann 8:20

Ev a gewsis an geryow ma y'n arghow, hag ev ow tyski y'n tempel; ha ny wrug denvyth y dhalghenna, rag ny veu hwath devedhys y eur.

Yowann 8:59

Ena i a gemmeras meyn dhe dewlel orto; mes Yesu a omgudhas ha gasa an tempel.

Oberow 13:50

Mes an Yedhewon a ynnias war an benynes a vri neb a wordhya Duw ha gwelhevin an sita, ha dalleth helghyans erbynn Powl ha Barnabas, ha'ga thewlel mes a'ga ranndir.

Oberow 21:30

Hag oll an sita a veu movyes, ha'n bobel a fyskas war-barth, hag ow settya dalghenn yn Powl i a'n tennas yn-mes a'n tempel, hag a-dhistowgh an darasow a veu deges.

Oberow 22:22

Bys y'n ger ma i a woslowas orto, mes ena i a dhrehevis aga levow, ow leverel, ‘Dhe-ves gans den a'n par ma a'n nor; ny dhelledh ev dhe vewa.’

Oberow 3:11

Hag ev ow synsi Peder ha Yowann, an dus oll, meur aga marth, a boenyas war-barth dhedha dhe'n golovenva henwys Portal Solomon.

Oberow 5:12

Lemmyn dre dhiwla an abesteli meur a doknys ha marthusyon a hwarva yn mysk an bobel; hag yth esens oll war-barth yn Portal Solomon;

Oberow 5:28

ow leverel, ‘Ni a erghis dhywgh yn stroeth ma na dhyskewgh y'n hanow ma, mes otta, hwi re lenwis Yerusalem a'gas dyskas, hag ervirys owgh dhe dhri warnan ni goes an gour ma.’

Oberow 6:14

Rag ni re'n klewas ow leverel y hwra an Yesu ma a Nazareth distrui an tyller ma ha chanjya an usyow a ros Moyses dhyn.’

Yoshua 18:1

Oll kuntelles mebyon Ysrael a omguntellas yn Shilo, ha settya ena tylda an kuntelles. Ha'n tir a veu fethys a-ragdha.