Yeremia 26:8 - An Bibel Kernewek 20234 (Kernewek Kemmyn)

⁸ Ha pan worfennas Yeremia ow kewsel pup-tra a worhemmynnis an Arloedh dhodho, ena an oferysi ha'n brofoesi hag oll an bobel a'n synsis, ow leverel, ‘Ty a verow yn sur!

Yeremia 26:8 ပူးပေါင်းရင်းမြစ်များ

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Yeremia 1:19

1 Hag i a wra omladh er dha bynn; mes ny wrons fetha; rag my a vydh genes, yn-medh an Arloedh, dhe'th telivra.

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 18:23

Byttegyns, Arloedh, ty a woer oll aga husul er ow fynn dhe'm ladha. Na av aga hammweyth, na dilea aga fegh a'th wolok, mes gas i dhe vos domhwelys a-ragos. Gwra aga dyghtya yn termyn dha sorr.

Yeremia 2:30

Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Yeremia 32:3

le ma'n keas Sedekia myghtern Yuda, ow leverel, ‘Prag y profoesydh ha leverel: Yndellma y lever an Arloedh: My a re an sita ma yn leuv myghtern Babylon, hag ev a's kemmer;

Yeremia 43:1

Pan worfennas Yeremia kewsel dhe oll an bobel oll geryow an Arloedh aga Duw, ha gansa may hwrug an Arloedh aga Duw y dhannvon dhedha,

Amos 7:10

Ena Amasia, oferyas Bethel, a dhannvonas dhe Yeroboam myghtern Ysrael, ow leverel: ‘Amos re vrasas er agas pynn yn kres chi Ysrael; ny yll an tir godhav y eryow oll.

Matthew 22:6

Ha'n re erell a dhalghennas y gethwesyon hag a's tebeldhyghtyas ha'ga ladha.

Matthew 27:20

Mes an bennoferysi ha'n henavogyon a dhynyas an routhow dhe wovynn Barabbas dhe vos delivrys, ha distrui Yesu.

Oberow 5:33

Ha pan glewsons hemma, i a veu serrys meur, ha mynnes aga ladha.

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,

Diskwedhyans 18:24

Hag ynni hi y feu kevys goes profoesi ha syns, hag oll an re a veu ledhys war an nor.’