Yeremia 26:6 - An Bibel Kernewek 20234 (Kernewek Kemmyn)

⁶ ena my a wra an chi avel Shilo ha gul an sita ma bos molleth dhe oll genedhlow an nor.

Yeremia 26:6 ပူးပေါင်းရင်းမြစ်များ

2 Myghternedh 22:19

drefenn bos dha golonn medhel, ha ty dhe vos uvel a-dherag an Arloedh, pan glewsys an pyth a leveris vy erbynn an tyller ma, hag erbynn y annedhysi, mayth ellens ha bos euth ha molleth, ha skwardya dha dhillas, hag oela a-dheragov, my ynwedh re glewas, a lever an Arloedh.

Ysay 43:28

Ytho my a dhisakras pennsevigyon an sentri, my a ros Yakob dhe gowldhistruyans, hag Ysrael dhe dhespit.

Ysay 65:15

Hwi a as agas hanow avel molleth dhe'm re dhewisys; ha'n Arloedh Duw a'th ladh; mes ev a elow y servysi gans ken hanow.

Yeremia 24:9

My a wra dhedha bos euth, pyth drog, yn oll gwlaskordhow an nor, dhe vos keredh ha droglavar, tont ha molleth yn oll an tylleryow ma's fesyav.

Yeremia 25:18

Yerusalem ha sitys Yuda ha'ga myghternedh ha'ga fennsevigyon, dh'aga gul magor, ynyalder, hwibana ha molleth, dell yns hedhyw;

Yeremia 29:18

Ha my a's helgh gans an kledha, gans an divoetter, ha gans an pla, ha'ga gorra dhe vos euth dhe oll gwlaskordhow an nor, dhe vos molleth ha skruth ha hwibana, ha keredh yn mysk oll an kenedhlow le ma's fesis,

Yeremia 29:22

Hag i a vydh ensampel rag oll an dhivresow a Yuda yn Babylon pan wrons mollethi, ow leverel: ‘Re'th wrello an Arloedh avel Sedekia hag Ahab, a veu rostys y'n tan gans myghtern Babylon’,

Yeremia 42:18

‘Rag yndellma y lever Arloedh an luyow, Duw Ysrael: Par dell veu diverys ow sorr hag ow honnar war annedhysi Yerusalem, yndellma ow honnar a vydh diverys warnowgh pan ewgh dhe Ejyp. Hwi a vydh molleth, hag euth, ha milliga ha keredh. Ny welowgh an tyller ma namoy.

Yeremia 44:22

Ny ylli an Arloedh perthi na fella agas drog wriansow, ha'n taklow kasadow a wrussowgh; yndella agas tir a dheuth ha bos ynyal ha gwast ha molleth, heb annedhyas, kepar hag y'n jydh hedhyw.

Kynvannow 2:15

Oll an dremenysi a dak aga diwla orthis; i a hwiban ha shakya aga fenn orth myrgh Yerusalem; ‘Yw homma an sita a veu henwys perfydh yn tekter, ha lowena oll an nor?’

Kynvannow 2:16

Oll dha eskerens a iger aga ganow er dha bynn; i a hwiban ha deskerni aga dyns, ha kria: ‘Ni re's kollonkas! Hemm yw devri an jydh mayth en ni hwansek dhodho. Wor'tiwedh ni re'n kavas! ni re'n gwelas!’

Daniel 9:11

‘Ysrael oll re dorras dha lagha ha treylya dhe-denewen, ow nagha goslowes orth dha lev. Diverys warnan yma'n molleth ha'n ti hag yw skrifys yn lagha Moyses gwas Duw, rag ni re beghas er y bynn.

Zekaria 5:3

Ena ev a leveris dhymm, ‘Homm yw an volleth usi ow mos yn-mes war enep oll an tir; rag herwydh an skrif war unn tenewen, pub lader a vydh pellhes, ha herwydh skrif an tenewen arall pubonan a wowli a vydh pellhes.

Malaki 4:6

Ev a dreyl kolonnow an tasow dhe'n fleghes, ha kolonnow an fleghes dh'aga thasow, rag own my dhe dhos ha gweskel an tir gans molleth.

Yoshua 18:1

Oll kuntelles mebyon Ysrael a omguntellas yn Shilo, ha settya ena tylda an kuntelles. Ha'n tir a veu fethys a-ragdha.