Yeremia 26:21 - An Bibel Kernewek 20234 (Kernewek Kemmyn)

²¹ Ha pan glewas Yehoyakim, gans oll y wer alloesek, hag oll an bennsevigyon, y eryow ev, an myghtern a hwilas y worra dhe'n mernans; mes pan glewas Uria hemma, ev a borthas own, ha fia ha mos dhe Ejyp.

Yeremia 26:21 ပူးပေါင်းရင်းမြစ်များ

1 Myghternedh 18:10

Dell vew an Arloedh dha Dhuw, nyns eus kenedhel na gwlaskor ma na dhannvonas ow arloedh dhe'th hwilas; ha pan leverens, “Nyns, usi ev omma,” ev a wrug dhe'n genedhel po a'n wlaskor na gul ti, na'th kavsens.

2 Kroniklys 16:10

Ena Asa a sorras orth an gwelesydh, hag a'n gorras y'n stokkys, yn prison, drefenn ev dhe berthi konnar orto rag hemma. Hag Asa a debeldhyghtyas re a'n bobel y'n keth termyn na.

2 Kroniklys 24:21

Mes i a vrasas er y bynn, ha der arghadow an myghtern i a'n labydhas gans meyn yn klos chi an Arloedh.

Salmow 119:109

Yma ow enev prest y'm leuv; byttegyns ny ankovav dha lagha.

Lavarow Koth 29:25

Own den a sett antell, mes neb a drest y'n Arloedh yw saw.

Yeremia 26:10

Pan glewas pennsevigyon Yuda an traow ma, i a dheuth yn-bann a-dhiworth chi an myghtern dhe ji an Arloedh hag esedha yn entrans yet nowydh chi an Arloedh.

Yeremia 36:26

Mes an myghtern a worhemmynnis dhe Yerahmeel mab an myghtern ha Seraya mab Azriel, ha Shelemia mab Abdeel may talghenna Baruk an skrifennyas ha Yeremia an profoes. Mes an Arloedh a's kelas.

Yeremia 38:4

Ytho an bennsevigyon a leveris dhe'n myghtern, ‘Ny a'th pys, gas an gour ma dhe vos gorrys dhe'n mernans, drefenn ev dhe wannhe an soudoryon yw gesys y'n sita ma ha diwleuv oll an bobel, dre gewsel geryow a'n par ma dhedha. Rag ny hwila an gour ma sewena an bobel ma, mes aga fystik.’

Matthew 10:23

Pan y'gas helghyons y'n sita ma, fiewgh dhe onan arall; rag yn hwir y lavarav dhywgh, ny worfennowgh tremena dre sitys Ysrael kyns bos devedhys Mab an den.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Matthew 10:39

Neb a hwila kavoes y vewnans, ev a'n kyll, ha piwpynag a gollo y vewnans a'm govis vy, a'n kyv.

Matthew 14:5

Ha pan vynnas y ladha, ev a borthas own a'n routh, rag i dh'y synsi avel profoes.

Mark 6:19

Rakhenna Herodias a borthas avi er y bynn, hag a vynna y ladha, mes ny ylli;