Yeremia 26:2 - An Bibel Kernewek 20234 (Kernewek Kemmyn)

² Yndellma y lever an Arloedh: Sav yn klos chi an Arloedh, ha kows dhe oll sitys Yuda hag a dheu dhe wordhya yn chi an Arloedh; kows dhedha oll an geryow a worhemmynnav dhis; na as ger vyth mes.

Yeremia 26:2 ပူးပေါင်းရင်းမြစ်များ

Yeremia 1:17

Ty ytho grogys dha dhiwglun, ha sevel, ha kewsel dhedha pup-tra a worhemmynnav dhis: na vydh ownek a-ragdha, ma na'th ownekhav a-dheragdha.

Yeremia 1:7

Ha'n Arloedh a leveris dhymm, ‘Na lavar “Yowynk ov”; mes mos a wredh dhe biwpynag may hwrylliv vy dha dhannvon dhodho, ha ty a lever pypynag a worhemmynniv dhis.

Yeremia 19:14

Ena Yeremia a dheuth a-dhiworth Tofeth, le ma'n dannvonas an Arloedh dhe brofoesa; hag ev a sevis yn klos chi an Arloedh ha leverel dhe'n bobel oll:

Yeremia 23:28

An profoes neb a'n jeves hunros, gas dhodho derivas an hunros, ha neb a'n jeves ow ger, gas ev dhe gewsel ow ger yn lel. Pyth yw an kulyn dhe'n gwaneth? yn-medh an Arloedh.

Yeremia 25:2

hag a gewsis Yeremia dhe oll pobel Yuda, ha dhe oll an annedhysi a Yerusalem, ow leverel:

Yeremia 28:5

Ena Yeremia an profoes a gewsis dhe Hanania an profoes yn lok an oferysi hag oll an bobel oll ow sevel yn chi an Arloedh;

Yeremia 36:10

Ena, Baruk a lennas geryow Yeremia y'n rol-skrifa, yn chi an Arloedh, yn chambour Gemaria mab Shafan an skrifennyas, esa y'n klos ughella, orth entrans Yet Nowydh chi an Arloedh, yn klewans oll an bobel.

Yeremia 42:4

Ena Yeremia an profoes a leveris dhedha, ‘My re'gas klewas: my a bys dhe'n Arloedh agas Duw war-lergh agas geryow, ha pypynag a worthyp an Arloedh my a lever dhywgh; ny withav travyth ahanowgh.’

Yeremia 7:2

Sav yn porth chi an Arloedh, ha deklar ena an ger ma, ha leverel, Klewewgh ger an Arloedh, oll hwi a Yuda, a enter y'n porthow ma dhe wordhya an Arloedh.

Yeremia 7:27

Ytho ty a gews oll an geryow ma dhedha; mes ny wrons goslowes orthis: ty a elow dhedha; mes ny worthybons dhis.

Ezekiel 3:10

Hag yn-medh ev dhymm: Mab den, oll an geryow a gowsav orthis, kemmer i y'th kolonn, ha'ga klewes gans dha dhiwskovarn.

Ezekiel 33:7

Ytho ty, A vab den, my a'th wra goelyador rag chi Ysrael; ytho peskweyth may klewydh ger dhiworth ow ganow, ty a re dhedha gwarnyans dhiworthiv.

Ezekiel 40:4

An gour a leveris dhymm, ‘Mab den, mir gans dha dhewlagas, ha klew gans dha dhiwskovarn, ha sett dha vrys war bup-tra a dhiskwedhav dhis; rag ty a veu dres omma rag may hallav y dhiskwedhes dhis. Deriv pup-tra a welydh dhe ji Ysrael.’

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Luk 19:47

Ha pub dydh yth esa ow tyski y'n tempel. Mes an bennoferysi ha'n skribys ha pennow an bobel a hwila y dhistrui,

Yowann 18:20

Yesu a worthybis dhodho, ‘My re gewsis yn apert dhe'n bys. Pup-prys my re dhyskas y'n synaga hag y'n tempel, le mayth omguntell an Yedhewon pup-prys, hag yn-dann gel ny leveris travyth

Yowann 8:2

Ha myttin a-varr ev a dheuth arta dhe'n tempel, hag oll an bobel a dheuth dhodho; hag ev a esedhas ha dyski dhedha.

Oberow 20:20

ha my heb hokya ow terivas pup-tra o dhe les dhywgh, hag orth agas dyski a-rag tus hag y'n chiow,

Oberow 20:27

rag ny omwithis vy rag derivas dhywgh oll an gusul a Dhuw.

Oberow 5:25

Ha nebonan a dheuth ha derivas dhedha, ‘Otta, yma'n wer a worrsowgh y'n prison ow sevel y'n tempel, hag ow tyski an bobel.’

Oberow 5:42

Ha pub dydh y'n tempel hag y'n chiow ny hedhsons dyski ha pregoth Yesu, an Krist.

Dewteronomi 12:32

Gwaytyewgh gul pup-tra esov orth y worhemmynna dhywgh; na geworr dhodho, ha na gemmer dhiworto.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.

Dewteronomi 4:2

Na geworrewgh dhe'n ger esov ow korhemmynna dhywgh, ha na gemmerewgh dhe-ves anodho, dhe witha gorhemmynnow an Arloedh agas Duw esov ow korhemmynna dhywgh.

Yoshua 8:35

Nyns esa ger a oll a worhemmynnis Moyses na lennas Yoshua a-rag oll kuntelles Ysrael, gans an benynes, an re vyghan, ha'n alyons esa trigys yn aga mysk.

Diskwedhyans 22:19

ha den mar kemmer dhe-ves travyth dhiworth lavarow rol an profoesans ma, Duw a gemmer y rann dhiworth an wydhenn a vewnans hag yn-mes a'n sita sans yw deskrifys y'n rol ma.