Yeremia 26:19 - An Bibel Kernewek 20234 (Kernewek Kemmyn)

¹⁹ A wrug Hezekia myghtern Yuda hag oll Yuda y worra yn hwir dhe'n mernans? A ny borthas own a'n Arloedh ha hwilas favour an Arloedh, ha'n Arloedh a dreylyas y vrys a-dro dhe'n anfeusi re leveris er aga fynn? Avel hemma ni a dhre drog meur warnan agan honan.’

Yeremia 26:19 ပူးပေါင်းရင်းမြစ်များ

2 Samuel 24:16

Ha pan ystynnas an el y dhorn war Yerusalem dh'y distrui, an Arloedh a'n jevo edrek a'n drog, ha leverel dhe'n el, an distruer usi yn kres an bobel, ‘Henn yw lowr, hedh dha dhorn.’ Hag ena yth esa el an Arloedh ryb leur-drushya Arawna an Yebusyas.

2 Kroniklys 32:20

Ena myghtern Hezekia ha'n profoes Ysay mab Amos, a bysis a-dro dhe hemma, hag i a grias dhe nev.

2 Kroniklys 34:21

‘Kewgh, hwila orth an Arloedh ragov vy ha rag an re yw gesys yn Ysrael hag yn Yuda, a-dro dhe eryow an lyver re beu kevys. Rag meur yw konnar an Arloedh yw diverys warnan, drefenn na withas agan tasow ger an Arloedh, dhe wul herwydh oll yw skrifys y'n lyver ma.’

Eksodus 32:14

Ha'n Arloedh a'n jevo edrek a'n drog a brederi gul dh'y bobel.

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

Ysay 37:1

Pan glewas myghtern Hezekia hemma, ev a skwardyas y dhillas, omgwetha yn yskar ha dos yn chi an Arloedh.

Ysay 37:4

Martesen an Arloedh dha Dhuw a glew geryow an Rabshake a wrug y vester myghtern Assyria dannvon dhe wul ges a'n Duw bew, hag ev a geredh an geryow re glewas an Arloedh dha Dhuw. Rakhenna drehav pysadow rag an remenant yw gesys.’

Yeremia 26:15

Mes godhvydhewgh yn sur, mara'm gorrowgh dhe'n mernans, hwi a dhre goes gwiryon warnowgh agas honan ha war an sita ma ha'y annedhysi, rag yn gwiryonedh an Arloedh re'm dannvonas dhe gewsel oll an geryow ma yn agas skovornow.’

Yeremia 26:3

Martesen i a woslow, ha pub den oll a dreyl a-dhiworth y fordh dhrog may treylyav ow brys a-dro dhe'n anfeusi a dewlav dri warnedha drefenn aga drog wriansow.

Yeremia 44:7

Ytho lemmyn, yndellma y lever an Arloedh, Duw an luyow, Duw Ysrael: Prag y hwrewgh an drogedh meur ma er agas pynn agas honan, dhe derri yn-mes a Yuda gour ha benyn, flogh ha baban, ma na vo remenant gesys;

Amos 7:3

An Arloedh a gemmeras edrek a hemma: ‘Ny hwyrvydh’, yn-medh an Arloedh.

Habakkuk 2:10

Ty re dhros meth dhe'th chi ow tistrui lies pobel, hag ow pegha erbynn dha enev dha honan.

Zekaria 7:2

An dus a Bethel re dhannvonsa Shareser ha Regem-melek, gans aga thus, dhe bysi war an Arloedh,

Niverow 16:38

Ynkyslestri an re ma, neb a beghas orth kost aga bewnans, bedhens gwrys yn platyow mortholys avel gorheras an alter, rag i a's offrynnas a-rag an Arloedh; rakhenna sans yns. Yndellma y fydhons tokyn dhe vebyon Ysrael.

Matthew 23:35

may teffo warnowgh an goes gwiryon oll a veu skoellys war an bys, a-dhiworth goes Abel gwiryon bys yn goes Zakaria mab Baraghia, neb a ledhsowgh ynter an tempel ha'n alter.

Oberow 5:39

mes mars yw a Dhuw, ny yllowgh hwi aga distrui, na vowgh kevys yn tevri bos ow sevel erbynn Duw.’ Ytho i a obayas dhodho,

Diskwedhyans 16:6

Rag i a skoellyas goes an syns ha'n brofoesi, ha ty re ros dhedha goes dhe eva. Gwiw yns i a henna!’