Yeremia 26:16 - An Bibel Kernewek 20234 (Kernewek Kemmyn)

¹⁶ Ena an bennsevigyon hag oll an bobel a leveris dhe'n oferysi ha dhe'n brofoesi, ‘Ny dhervynn an gour ma an mernans, rag ev re gewsis orthyn yn hanow an Arloedh agan Duw.’

Yeremia 26:16 ပူးပေါင်းရင်းမြစ်များ

Ester 4:14

Rag mar tewydh yn tien y'n eur ma, ha difresyans ha selwyans a dheu dhe'n Yedhewon dhiworth tyller arall, ty ha chi dha das a vydh distruys: ha piw a woer na vesta devedhys dhe'th savla ryel rag termyn a'n par ma?’

Salmow 94:16

Piw a omdhrehav ragov erbynn an debeles? Piw a sev ragov erbynn an dhrogoberoryon?

Lavarow Koth 16:7

Pan vo fordhow gour plegadow gans an Arloedh, ev a wra may fo ynwedh y eskerens yn kres ganso.

Yeremia 26:11

Ena an oferysi ha'n brofoesi a gewsis dhe'n bennsevigyon ha dhe oll an bobel, ow leverel, ‘An gour ma a dhervynn an mernans drefenn ev dhe brofoesa erbynn an sita ma, dell glewsowgh gans agas skovornow agas honan.’

Yeremia 34:10

Lemmyn pan glewas an bennsevigyon hag oll an bobel res eth y'n kevambos, i oll dhe livra aga hethyon ha'ga hethesow, ma nag ens arta yn kethneth, i a veu gostydh ha'ga livra.

Yeremia 36:19

Ena an bennsevigyon a leveris dhe Baruk, ‘Ke hag omgeles, ty ha Yeremia, ha na as denvyth dhe wodhvos le mayth esowgh.’

Yeremia 36:25

Hwath pan ynnias Elnathan ha Delaya ha Gemaria war an myghtern ma na losko an rol-skrifa, ny vynna goslowes orta.

Yeremia 37:15

An bennsevigyon o serrys orth Yeremia, ha'y weskel, ha'y worra yn prison yn chi Yonathan an skrifennyas, rag i a'n gwrug henna an prison.

Matthew 27:54

Ha'n penn-kangour ha'n re esa ganso ow kwitha Yesu, pan welsons an dorgrys hag oll a hwarva, a borthas own meur, ow leverel, ‘Yn tevri hemma o Mab Duw.’

Luk 23:41

Ha ni yn tevri gwirvreusys, rag ni re gavas agan gober gwiw rag an taklow a wrussyn; mes hemma ny wrug travyth kamm.’

Luk 23:47

Mes an penn-kangour pan welas pup-tra a hwarva a ros glori dhe Dhuw ow leverel, ‘Yn hwir, den gwiryon o hemma.’

Oberow 23:29

My a gavas y vos kuhudhys a-dro dhe wovynnow a'ga lagha, mes na veu kuhudhys a dravyth a dhervynnas na'n mernans na prisonyans.

Oberow 23:9

Hag yth esa garma bras, ha re a'n skribys yn bagas an Fariseow a sevis yn-bann ha kenkia yn krev, ‘Ny gevyn ni travyth kamm y'n den ma. Fatla mar kwrella spyrys po el kewsel orto.’

Oberow 25:25

Byttegyns, my a gonvedhas na wrug ev travyth ow tervynn an mernans, mes pan elwis ev y honan orth an Emperour, my a erviras y dhannvon.