Yeremia 26:15 - An Bibel Kernewek 20234 (Kernewek Kemmyn)

¹⁵ Mes godhvydhewgh yn sur, mara'm gorrowgh dhe'n mernans, hwi a dhre goes gwiryon warnowgh agas honan ha war an sita ma ha'y annedhysi, rag yn gwiryonedh an Arloedh re'm dannvonas dhe gewsel oll an geryow ma yn agas skovornow.’

Yeremia 26:15 ပူးပေါင်းရင်းမြစ်များ

Jenesis 4:10

Hag ev a leveris, ‘Pandr'a wruss'ta? Yma lev goes dha vroder ow karma warnav dhiworth an dor.

Jenesis 42:22

Ha Rewben a worthybis dhedha ha leverel, ‘A ny wrug vy kewsel orthowgh ow leverel, “Na beghewgh erbynn an maw?” mes ny wrussowgh goslowes. Ytho lemmyn y woes yw rekwirys dhiworthyn.’

2 Myghternedh 24:4

ha drefenn an goes gwiryon re skoellsa; rag ev a lanwsa Yerusalem a woes gwiryon, ha ny vynna an Arloedh y ava.

2 Kroniklys 24:22

Ny borthas Yoash an myghtern kov a'n tregeredh diskwedhys dhodho gans Yehoyada y das, mes ev a ladhas y vab. Hag ev yn eneworres, ev a leveris, ‘Re wello an Arloedh ha diella!’

Lavarow Koth 6:16

Yma hwegh tra a gas an Arloedh, seyth yw tra gasadow dhodho:

Lavarow Koth 6:17

lagasow goethus, taves gowek, diwla hag a skoell goes gwiryon,

Yeremia 2:30

Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Yeremia 2:34

Ynwedh y'th lostennow y fydh kevys goes-bewnans an voghosogyon ankablus: ny's kevsys ow terri yn chiow. Mes yn spit dhe henna oll

Yeremia 22:17

Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

Yeremia 26:12

Ena Yeremia a gewsis dhe'n bennsevigyon oll ha dhe'n bobel oll, ow leverel, ‘An Arloedh a'm dannvonas dhe brofoesa erbynn an chi ma ha'n sita ma oll an geryow re glewsowgh.

Yeremia 30:1

An ger hag a dheuth dhe Yeremia a-dhiworth an Arloedh, ow leverel:

Yeremia 7:6

mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Niverow 35:33

Ny dal dhywgh defola an tir mayth esowgh trigys; rag goes a dhefol an tir, ha ny yll prenedh vyth bos gwrys rag an tir, drefenn an goes yw skoellys ynno, marnas der an goes a neb a'n skoellyas.

Matthew 26:25

Yudas, neb a'n traytas, a leveris dhodho, ‘Sur nyns yw vy, Mester?’ Ev a worthybis, ‘Ty re'n leveris.’

Matthew 26:4

hag omgusulya fatell wrellens dalghenna Yesu dre doell ha'y ladha.

Oberow 7:60

hag ow mos war benn-dewlin ev a grias, ughel y lev, ‘Arloedh, na syns an pegh ma er aga fynn.’ Pan lavarsa hemma, ev a goedhas yn kosk.

Dewteronomi 19:10

ma na vo goes gwiryon skoellys y'th tir a wra an Arloedh dha Dhuw y ri dhis avel eretons, ha ty dhe vos kablus a skoellya goes.

Diskwedhyans 16:6

Rag i a skoellyas goes an syns ha'n brofoesi, ha ty re ros dhedha goes dhe eva. Gwiw yns i a henna!’