Yeremia 25:6 - An Bibel Kernewek 20234 (Kernewek Kemmyn)

⁶ ha nag ewgh war-lergh duwow erell dh'aga servya ha'ga gordhya, ha na'm provokewgh dhe sorr gans ober agas diwleuv. Ena ny'gas pystigav.’

Yeremia 25:6 ပူးပေါင်းရင်းမြစ်များ

1 Myghternedh 14:22

Yuda a wrug an pyth o drog yn golok an Arloedh; i a'n brovokyas dhe avi gans an peghosow a wrussons, moy ages pup-tra re wrussa aga thasow.

2 Myghternedh 17:35

An Arloedh a wrug kevambos gansa ha'ga gorhemmynna, ow leverel, ‘Ny wordhyowgh duwow erell na omblegya dhedha na'ga servya na sakrifia dhedha,

Eksodus 20:23

Ny wrewgh hwi duwow a arghans dhe vos genev; na ny wrewgh dh'agas honan duwow a owr.

Eksodus 20:3

Ny vydh dhis duwow erell a-ragov.

Yeremia 32:30

Rag ny wrug mebyon Ysrael ha mebyon Yuda marnas drogedh a-ragov a'ga yowynkneth; rag ny wrug mebyon Ysrael travyth marnas ow frovokya dhe sorr der ober aga diwleuv, yn-medh an Arloedh.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Yeremia 44:7

Ytho lemmyn, yndellma y lever an Arloedh, Duw an luyow, Duw Ysrael: Prag y hwrewgh an drogedh meur ma er agas pynn agas honan, dhe derri yn-mes a Yuda gour ha benyn, flogh ha baban, ma na vo remenant gesys;

Yeremia 44:8

orth ow frovokya dhe sorr gans ober agas diwleuv, ow leski offrynnow dhe dhuwow erell yn pow Ejyp, le may teuthewgh dhe driga, rag distrui agas honan, ha bos molleth ha keredh yn mysk oll kenedhlow an nor?

Yeremia 7:6

mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Yeremia 7:9

A wrewgh hwi ladra, moldra, gul avoutri, ti yn fals, ha leski offrynnow dhe Baal, ha kerdhes war-lergh duwow na aswonnsowgh;

Hosea 1:7

Mes my a gemmer truedh a ji Yuda, ha'ga sawya der an Arloedh aga Duw, ha ny's sawyav gans gwarak, na kledha, na kas, na mergh, na marghogyon.’

Dewteronomi 13:2

ha mar pydh kollenwys an tokyn po an marth a gewsis dhis, ow leverel, ‘Deun war-lergh duwow erell’ – na's aswonnsys – ‘ha servyn i’,

Dewteronomi 28:14

Na dreyl a-denewen dhiworth oll an geryow esov ow korhemmynna dhis hedhyw, dyghow na kledh, dhe gerdhes war-lergh duwow erell dh'aga servya.

Dewteronomi 6:14

Na gerdhewgh war-lergh duwow erell, dhiworth duwow an poblow usi a-dro dhywgh;

Dewteronomi 8:19

Ha mar ankevydh byth an Arloedh dha Dhuw ha kerdhes war-lergh duwow erell ha'ga servya ha plegya dhe'n dor a-ragdha, my a dhest dhywgh hedhyw, yth ewgh dhe goll devri.

Yoshua 24:20

Mar forsakyowgh an Arloedh ha servya duwow estren, ev a dreyl ha gul drog dhywgh, ha'gas distrui, wosa ev dhe wul da dhywgh.’