Yeremia 25:34 - An Bibel Kernewek 20234 (Kernewek Kemmyn)

³⁴ Oulyewgh, hwi vugeledh, ha kria; omrolyewgh yn lusu, hwi arlydhi an flokk; rag dydhyow agas ladhva ha'gas keskar yw devedhys, ha hwi a goedh avel lester teg.

Yeremia 25:34 ပူးပေါင်းရင်းမြစ်များ

2 Kroniklys 36:10

Yn gwenton an vlydhen myghtern Nebukadnessar a dhannvonas ha'y dhri dhe Babylon, war-barth ha lestri drudh chi an Arloedh, hag a wrug y vroder Sedekia myghtern war Yuda ha Yerusalem.

Salmow 2:9

Ty a's terr gans gwelenn horn; ty a's brew dhe demmyn avel lester gweythor pri.’

Ysay 10:12

Ytho pan dhiwedh an Arloedh oll y ober war venydh Sion hag yn Yerusalem, my a gessydh frut kolonn goethus myghtern Assyria, ha balghder y dhewlagas howtyn.

Ysay 2:16

hag erbynn oll gorholyon Tarshish, hag erbynn oll an lestri teg.

Ysay 30:14

Hy thorrva a vydh avel torrva lester priweythor, brewys heb pita, rag na vo kevys yn y vrewyon darn dhe gemmeres tan dhiwar oeles po dhe dhri dowr yn-bann dhiworth dowrargh.

Ysay 33:1

Go-jy, ty dhistruer, mes ny veus distruys; ty a draytas, mes nagonan ny wrug dha drayta. Pan astelydh distrui, ty a vydh distruys; pan astelydh trayta, i a wra dha drayta.

Ysay 34:6

Yma dhe'n Arloedh kledha; lenwys yw a woes, gwalghys yw a vlonek, a woes eyn ha gever, a vlonek diwloneth hordhes; drefenn bos sakrifis dhe'n Arloedh yn Bosra ha ladhva vras yn pow Edom.

Ysay 34:7

Bualyon a goedh gansa, ha lodhnow gans terewi. Aga thir a yv goes lowr, ha'ga doust a vydh gwlyghys a vlonek.

Yeremia 18:22

Re bo klewys kri a'ga chiow, pan dhredh bagas a soudoryon warnedha a-dhistowgh: rag i re balasas pytt dhe'm kachya, ha kudha maglennow rag ow threys.

Yeremia 22:28

Yw an gour ma, Konia, pott pri terrys, lester ma nag eus plesour ynno? Prag yth yns tewlys yn-mes, ev ha'y has, ha tewlys yn tir na aswonnons?

Yeremia 23:1

Go-i an vugeledh a dhistru ha skattra deves ow feurva! yn-medh an Arloedh.

Yeremia 25:12

Ha pan vydh diwedh dhe'n deg blydhen ha tri-ugens, my a gessydh myghtern Babylon ha'n genedhel na, yn-medh an Arloedh, rag aga anewnder, ha tir an Kaldeanys, ha'y wul difeyth bys vykken.

Yeremia 25:23

Dedan, ha Tema, ha Buz, hag oll myns yw treghys blew aga thalyow;

Yeremia 25:36

Lev kri an vugeledh, hag oulyans arlydhi an flokk! Rag an Arloedh a dhistru aga feurva,

Yeremia 27:7

An kenedhlow oll a'n serv, ha'y vab, ha mab y vab, bys pan dheu termyn y dir y honan; ena lies kenedhel ha myghternedh veur a wra y gethhe.

Yeremia 3:19

Mes my a leveris, Fatell wrav vy dha worra yn mysk ow mebyon, ha ri dhis tir plegadow, an tekka ertach a'n kenedhlow oll? Ha my a leveris, Ty a'm galow, Ow thas; ha ny dreylydh arta ahanav.

Yeremia 48:26

Gwrewgh dhodho bos medhow, drefenn ev dhe omvoghhe erbynn an Arloedh; gesewgh Moab dhe omlagenna yn y hwyj y honan; hag ev ynwedh a vydh ges.

Yeremia 48:38

War do pub chi yn Moab, hag yn hy stretow nyns eus marnas kynvann; rag my re dorras Moab avel lester nag eus hwans anodho, yn-medh an Arloedh.

Yeremia 50:27

Ledhewgh oll hy lodhnow, gesewgh i dhe vones yn-nans dhe'n ladhva. Go-i, aga dydh yw devedhys, termyn aga hessydhyans!

Yeremia 6:26

A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Kynvannow 4:21

Lowenha ha bydh heudhik, A vyrgh Edom, neb a drig yn pow Us, ynwedh dhiso jy tremena a wra an hanaf. Medhwys vydhydh, ha ty a lommha dha honan.

Ezekiel 34:20

Rakhenna yndella y lever dhedha an Arloedh Duw: Ottavy, my ow honan, ow preusi ynter an deves tew ha'n deves tanow.

Daniel 11:8

Ynwedh ev a dheg aga duwow yn keth dhe Ejyp, gans aga delowyow teudh, ha'ga lestri drudh a arghans hag a owr; ha dre vlydhynyow ny wra ev mellya gans myghtern an gledhbarth.

Hosea 8:8

Ysrael yw kollenkys; lemmyn yth yns i yn mysk an kenedhlow kepar ha lester diles.

Amos 5:11

Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Zekaria 10:3

Ow sorr a lesk erbynn an vugeledh, my a wra kessydhya an ledyoryon; rag an Arloedh a with y flokk, chi Yuda, hag ev a's gwra avel y vargh splann yn batel.

Zekaria 11:3

Yma son oulyans an vugeledh, a-ban veu shyndys aga splannder. Yma son bedhygla an lewyon yowynk, rag bos shyndys meuredh an Yordan.

Jamys 5:5

Hwi re vewas yn es hag yn plesour war an dor; hwi re vagas agas kolonn yn dydh ladhva.