Yeremia 25:33 - An Bibel Kernewek 20234 (Kernewek Kemmyn)

³³ An re ledhys gans an Arloedh a vydh y'n jydh na a'n eyl penn an nor bys y'n penn arall. Ny vydh kynvann ragdha, ha ny vydhons kuntellys na ynkleudhys; i a vydh kawgh war enep an nor.

Yeremia 25:33 ပူးပေါင်းရင်းမြစ်များ

Ysay 66:16

Rag gans tan an Arloedh a wra breus, ha gans y gledha, war oll kig; ha pals vydh an re ledhys gans an Arloedh.

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Salmow 79:3

I re skoellyas aga goes avel dowr a-dro dhe Yerusalem, ha nyns esa denvyth a's ynkleutthya.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Diskwedhyans 11:9

Ha'n re a'n poblow ha'n loethow, ha'n tavosow, ha'n kenedhlow a wra gweles aga horfow tri dydh ha hanter, ha ny wrons gasa aga horfow dhe vos gorrys yn bedh.

Sefania 2:12

Hwi, A Kushysi ynwedh – i a vydh ledhys gans ow kledha.

Salmow 83:10

neb a verwis yn Endor, ha dos ha bos avel teyl rag an dor.

2 Myghternedh 9:37

korf Yezebel a vydh kepar ha kawgh war enep an gwel yn tiredh Yezreel, ma na yllir leverel, Yezebel yw homma.” ’

Ezekiel 29:5

My a'th as, tewlys y'n difeythtir, ty hag oll puskes dha avonyow. Ty a goedh war an gwel, ha ny vydhydh kuntellys nag ynkleudhys. My a'th re dhe vestes an gwel ha dhe ydhyn an nev rag boes.

Ezekiel 21:11

Ev a'n ros dhe vos rutys splann, rag bos dalghennys y'n leuv; lymmys yw, an kledha yw rutys splann dhe vos gorrys yn leuv an ladher.

Ezekiel 29:4

Mes my a worr higow y'th tiwen ha gul dhe buskes dha avonyow glena orth dha skans. My a'th tre yn-bann yn-mes a'th avonyow, gans oll puskes dha avonyow ow klena orth dha skans.