Yeremia 25:3 - An Bibel Kernewek 20234 (Kernewek Kemmyn)

³ A-dhia drydhegves blydhen Yosia mab Amon myghtern Yuda, bys y'n jydh ma, henn yw an tressa blydhen warn ugens, ger an Arloedh re dheuth dhymm, ha my re gewsis dhywgh yn tiwysyk, mes ny woslewsowgh.

Yeremia 25:3 ပူးပေါင်းရင်းမြစ်များ

Jenesis 22:3

Hag Abraham a sevis yn-bann ternos a-varr, ha dibra y asen, ha kemmeres dew a'y wer yowynk ganso hag Ysak y vab, ha treghi an keunys rag an offrynn leskys, ha sevel ha mos dhe'n tyller a leveris Duw dhodho.

1 Myghternedh 22:3

Myghtern Ysrael a leveris dh'y wesyon, ‘A wodhowgh bos Ramoth-gilead dhyn, mes ny wren travyth dh'y hemmeres yn-mes a leuv myghtern Aram?’

2 Myghternedh 17:13

Byttegyns an Arloedh a warnyas Ysrael ha Yuda dre bub profoes ha pub gwelesydh, ow leverel, ‘Treylyewgh dhiworth agas drog fordhow ha gwithewgh ow gorhemmynnow ha'm ordenansow, herwydh oll an lagha a worhemmynnis dh'agas tasow hag a dhannvenis dhywgh der ow gwesyon ha'm profoesi.’

2 Kroniklys 24:19

Byttegyns ev a dhannvonas profoesi yn aga mysk rag aga dri arta dhe'n Arloedh; i a dhug dustuni orta, mes ny woslowsons.

2 Kroniklys 34:1

Yosia o eth bloedh pan dhallathas reynya, hag ev a reynyas unnek blydhen warn ugens yn Yerusalem.

2 Kroniklys 34:3

Rag yn ethves blydhen y reyn, hag ev hwath maw, ev a dhallathas hwilas Duw Davydh y das, hag y'n dewdhegves blydhen, ev a dhallathas kartha dhiworth Yuda ha Yerusalem an tylleryow ughel, an Asherim, ha'n imajys gravys ha teudhys.

2 Kroniklys 34:8

Yn etegves blydhen y reyn, pan garthsa an tir ha'n chi, ev a dhannvonas Shafan mab Asalia, Maaseya governour an sita, ha Yoagh mab Yoahaz, an kovadhor, rag ewnhe chi an Arloedh y Dhuw.

2 Kroniklys 36:15

An Arloedh, Duw aga thasow, a dhannvonas ger dre leuv y gannasow arta hag arta, drefenn ev dhe berthi tregeredh war-tu ha'y bobel ha war-tu ha'y drigva;

Salmow 81:13

Unnweyth a koslowa ow fobel orthiv, hag Ysrael kerdhes yn ow fordhow vy!

Eksodus 8:20

Ena an Arloedh a leveris dhe Moyses, ‘Sav a-varr myttinweyth ha sav a-rag Faro, hag ev ow mos yn-mes dhe'n dowr, ha lavar dhodho, “Yndellma y lever an Arloedh: Gas ow fobel dhe vones ma'm serfyons.

Ysay 55:2

Prag y spenowgh arghans rag an pyth nag yw bara? ha'gas lavur rag an pyth na yll lenwel? Goslowewgh orthiv dour, ha dybrewgh an pyth yw da, ha'th enev a lowenha gans boes rych.

Yeremia 1:2

may teuth dhodho ger an Arloedh yn dydhyow Yosia mab Amon myghtern Yuda, yn trydhegves blydhen y reyn.

Yeremia 11:7

Rag my a warnyas aga thasow yn solem y'n jydh ma's dres yn-mes a bow Ejyp, bys y'n jydh ma, ow sevel a-varr ha'ga gwarnya yn ter, ow leverel, Goslowewgh orth ow lev.

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 22:21

My a gewsis er dha bynn y'th sewena, mes ty a leveris, ‘Ny woslowav.’ Hemma re beu dha fordh a'th yowynkneth, rag ny woslewsys orth ow lev.

Yeremia 25:4

Ha kyn tannvonas an Arloedh dhywgh oll y servysi an brofoesi, orth aga dannvon arta hag arta, ny woslewsowgh na ny blegsowgh agas skovarn dhe glewes.

Yeremia 26:5

dhe glewes geryow ow servysi an brofoesi re dhannvenis dhywgh, orth aga dannvon arta hag arta, mes ny woslewsowgh;

Yeremia 29:19

drefenn na glewsons ow geryow, yn-medh an Arloedh, a dhannvenis dhedha gans ow servysi an brofoesi, orth aga dannvon arta hag arta, mes ny woslowsons, yn-medh an Arloedh.

Yeremia 32:33

I re dreylyas dhymm aga heyn, a-der aga fasow; kyn y's dyskis heb lett, hwath ny woslowsons dhe gemmeres dyskybleth.

Yeremia 35:14

Geryow Yonadab mab Rekab a worhemmynnis dh'y vebyon, na effens gwin, re beu kowlwrys; ha ny evons byth bys y'n jydh ma, rag i re beu gostydh dhe worhemmynn aga thas. Mes my ow honan re gewsis orthowgh heb lett, ha ny woslewsowgh orthiv.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Yeremia 36:1

Y'n peswora blydhen Yehoyakim mab Yosia myghtern Yuda, an ger ma a dheuth dhe Yeremia a-dhiworth an Arloedh, ow leverel:

Yeremia 36:2

Kemmer rol-skrifa ha skrifa warnedhi oll an geryow re gewsis dhis erbynn Ysrael, hag erbynn Yuda, hag erbynn oll an kenedhlow, a-dhia'n jydh may kewsis dhis, a-dhia dhydhyow Yosia bys hedhyw.

Yeremia 44:4

Mes my a dhannvonas dhywgh oll ow servysi an brofoesi, orth aga dannvon arta hag arta, ow leverel, ‘My a'gas pys ma na wrellowgh an dra euthyk ma hag yw kasadewder dhymm.’

Yeremia 7:13

Ha lemmyn, drefenn hwi dhe wul oll an taklow ma, yn-medh an Arloedh, ha my a gewsis dhywgh, ow sevel a-varr hag ow kewsel, mes ny glewsowgh; ha my a elwis dhywgh, mes ny worthybsowgh;

Yeremia 7:25

A-dhia'n jydh may teuth agas tasow yn-mes a bow Ejyp bys y'n jydh hedhyw, my re dhannvonas dhywgh oll ow servysi an brofoesi, orth aga dannvon dydh wosa dydh;

Ezekiel 33:4

ena piwpynag a glewo son an hirgorn heb goslowes an gwarnyans, pan dheu an kledha dh'y gemmeres, y woes a vydh war y benn y honan.

Zekaria 1:4

Na vedhewgh haval dh'agas tasow, a grias an brofoesi dhedha a-henys, ow leverel, ‘Yndellma y lever an Arloedh: Treylyewgh a'gas tebel fordhow ha'gas tebel oberow.’ Mes ny woslowsons na'm attendya, yn-medh an Arloedh.

Mark 1:35

Ha myttin a-varr, hag ev ow sevel fest pell kyns hy bos dydh, ev eth yn-mes hag omdenna bys yn tyller difeyth, hag ena yth esa ow pysi.

Yowann 8:2

Ha myttin a-varr ev a dheuth arta dhe'n tempel, hag oll an bobel a dheuth dhodho; hag ev a esedhas ha dyski dhedha.

Yowann 8:47

Ev neb yw a Dhuw a glew geryow Duw; rakhenna, hwi ny glewowgh, drefenn nag owgh hwi a Dhuw.’

2 Timothi 4:2

pregoth an ger; bydh ter, da po drog kyn fo an seson; gwra keredhi, keski hag ynnia gans pub hirwodhevyans ha dyskas.