Yeremia 25:29 - An Bibel Kernewek 20234 (Kernewek Kemmyn)

²⁹ Otta, yth esov ow talleth dri drogedh war an sita may feu ow hanow gelwys warnedhi, hag a vydhowgh digeredh yn tien? Ny vydhowgh digeredh, rag yth esov ow kelwel kledha erbynn oll annedhysi an nor, yn-medh Arloedh an luyow.

Yeremia 25:29 ပူးပေါင်းရင်းမြစ်များ

1 Myghternedh 8:43

ena klew yn nev dha drigva, ha gwra herwydh pup-tra a elow an estren warnas, may hwodhvo oll poblow an bys dha hanow ha perthi own ahanas, par dell wra dha bobel Ysrael, ha may hwodhvons bos gelwys dha hanow war an chi ma re dhrehevis vy.

Lavarow Koth 11:21

Bydh sur, ny vydh tebelwas heb kessydhyans, mes an re wiryon a vydh delivrys.

Lavarow Koth 11:31

Mars yw an den gwiryon rewardys war an norvys, kemmys moy an tebelwas ha'n peghador!

Lavarow Koth 17:5

Neb a skorn an boghosek a arvedh y Wrier; neb a lowenha pan wel terroes tus erell ny vydh divlam.

Ysay 10:12

Ytho pan dhiwedh an Arloedh oll y ober war venydh Sion hag yn Yerusalem, my a gessydh frut kolonn goethus myghtern Assyria, ha balghder y dhewlagas howtyn.

Yeremia 13:13

Ena ty a lever dhedha: Yndellma y lever an Arloedh: Otta, my a wra lenwel oll annedhysi an tir ma, hwath an vyghternedh esedhys war dron Davydh, ha'n oferysi, ha'n brofoesi, hag oll annedhysi Yerusalem, gans medhwynsi.

Yeremia 19:3

ha lavar: Klewewgh ger an Arloedh, A vyghternedh Yuda, hag annedhysi Yerusalem. Yndellma y lever Arloedh an luyow, Duw Ysrael: Otta, my a dhre anfeusi war an tyller ma, may kosso diwskovarn neb a'n klew.

Yeremia 30:11

Rag yth esov genes, yn-medh an Arloedh, dhe'th selwel; my a wra leun dhiwedh dhe'n kenedhlow oll le ma'th skattris, mes ny wrav leun dhiwedh ahanas. My a'th keredh yn musur ewn, ha ny'th asav yn tien ankessydhys.

Yeremia 46:28

Ha ty, na vydh ownek, ow gwas Yakob, yn-medh an Arloedh, rag yth esov genes. My a wra diwedh dhe oll an kenedhlow le ma'th skattris, mes ny wrav dha leun dhistrui. My a'th kessydh yn ewn musur, mes ny wrav dha asa heb kessydhyans yn tien.

Yeremia 49:12

Rag yndellma y lever an Arloedh: Otta, seul na veu breusys dhe eva an hanaf a dal hwath y eva, ytho a vydhydh ty heb kessydhyans vyth? Ny vydhydh heb kessydhyans; res yw dhis y eva.

Ezekiel 14:17

Po mar trov kledha war an pow na ha leverel, ‘Tremenes kledha der an pow’, ha my a dregh dhiworto den ha best,

Ezekiel 14:21

Rag yndellma y lever an Arloedh Duw: Pygemmys moy y fydh pan dhannvonav erbynn Yerusalem ow feder tebel vreus; kledha, divoetter, drog woedhviles, ha plag, dhe dreghi dhiworti den ha best!

Ezekiel 38:21

My a elow ow kledha erbynn Gog yn oll ow menydhyow, yn-medh an Arloedh Duw; kledha pubonan a vydh erbynn y vroder.

Ezekiel 9:6

Ledhewgh henavek, den yowynk, ha gwyrghes, ha flogh, ha benynes; mes pub gour may ma an merk warnodho na dhewgh nes dhodho. Dallethewgh dhiworth ow sentri.’ Ytho i a dhallathas gans an henavogyon esa a-rag an chi.

Obadia 1:16

Rag kepar dell wrussowgh eva war ow menydh sans, yn kettella y hwra an kenedhlow oll eva heb hedhi. Eva a wrons, ha lenki, hag y fydhons kepar ha pan nag esens bythkweth yn few.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Luk 23:31

Rag mar kwrens hemma y'n prenn gwyrdh, pandr'a vydh gwrys y'n prenn sygh?’

1 Peder 4:17

Rag devedhys yw an termyn dhe dhalleth an vreus orth teylu Duw, ha mar talleth orthyn ni, pandr'a vydh gorfenn an re nag yw gostydh dhe aweyl Duw?